ກອງບັນການທະຫານຊາຍແດນແຂວງເຊີນລາ ແລະ ກອງຮ້ອຍທະຫານຊາຍແດນ 231, ປກຊ ແຂວງ ຫົວພັນ ຈັດກອງປະຊຸມສ່ອງແສງ
	ແທງຮວ໋າ ແລະ ຫົວພັນ: ຈັດຕັ້ງກອງປະຊຸມຝຶກອົບຮົມວຽກງານໂຄສະນາກ່ຽວກັບການປ້ອງກັນຊາຍແດນ ປີ 2019

ຫວ່າງແລ້ວນີ້, ຢູ່ຄ້າຍທະຫານຊາຍແດນ ດ່ານສາກົນນາແມວ, ກອງບັນຊາການທະຫານຊາຍແດນແຂວງ ແທງຮ໋ວາ ໄດ້ຈັດຕັ້ງພິທີມອບຊີມັງ 50 ໂຕນ ແລະເຂົ້າສານ 2 ໂຕນ ໜູນຊ່ວຍໃຫ້ກອງບັນຊາການທະຫານແຂວງ ຫົວພັນ (ລາວ).

ສະຫາຍ ພັນເອກພິເສດ ກາວຮືວເກື່ອງ, ຮອງຜູ້ບັນຊາການທະຫານຊາຍແດນແຂວງ ແທງຮວ໋າ ໃຫ້ຮູ້ວ່າ ເຖິງວ່າ ມູນຄ່າດ້ານວັດຖຸບໍ່ຫຼາຍກໍ່ຕາມ, ແຕ່ນີ້ແມ່ນນ້ຳໃຈຂອງພະນັກງານ, ນັກຮົບທະຫານຊາຍແດນແຂວງ ແທງຮວ໋າ ດ້ວຍຄວາມປາດຖະໜາຢາກໃຫ້ກອງບັນຊາການທະຫານແຂວງ ຫົວພັນ ຜ່ານຜ່າຄວາມຫຍຸ້ງຍາກ, ນຳພາພະນັກງານ, ນັກຮົບປະຕິບັດສຳເລັດທຸກໜ້າທີ່ທີ່ໄດ້ຮັບມອບໝາຍ; ສືບຕໍ່ສົມທົບກັນຢ່າງແໜ້ນແຟ້ນກັບທະຫານຊາຍແດນແຂວງ ແທງຮວ໋າ ເພື່ອປົກປັກຮັກສາອະທິປະໄຕ, ຄວາມໝັ້ນຄົງຢູ່ເຂດຊາຍແດນຂອງສອງແຂວງ ແທງຮວ໋າ ແລະ ຫົວພັນ.

ບັນຍາກາດທີ່ພິທີມອບວັດຖຸໜູນຊ່ວຍໃຫ້ກອງບັນຊາການທະຫານແຂວງຫົວພັນ. ພາບ: qdnd.vn

ໂດຍໄດ້ຮັບການໜູນຊ່ວຍດ້ານວັດຖຸ, ສະຫາຍ ພັນເອກ ພັນສີ ສອນມີໄຊ, ຫົວໜ້າການເມືອງກອງບັນຊາການທະຫານແຂວງ ຫົວພັນ ເນັ້ນໜັກວ່າ: ທະຫານຊາຍແດນແຂວງ ແທງຮວ໋າ ແລະ ກອງບັນຊາການທະຫານແຂວງ ຫົວພັນ ແມ່ນສອງກຳລັງຮ່ວມກັນປົກປັກຮັກສາອະທິປະໄຕຜືນແຜ່ນດິນແຫ່ງຊາດຂອງແຕ່ລະປະເທດ, ໃນໄລຍະຜ່ານມາ, ບັນດາຄ້າຍທະຫານຊາຍແດນຂອງທະຫານຊາຍແດນແຂວງ ແທງຮວ໋າ ໄດ້ສົມທົບກັບກອງຮ້ອຍປົກປັກຮັກສາຊາຍແດນຂອງກອງບັນຊາການທະຫານແຂວງ ຫົວພັນ ລາດຕະເວນສອງຝ່າຍ, ພົບປະກັນຢູ່ເຂດຊາຍແດນ, ປົກປັກຮັກສາເສັ້ນຊາຍແດນ, ຫຼັກໝາຍຊາຍແດນ; ກອງບັນຊາການທະຫານຊາຍແດນແຂວງ ແທງຮວ໋າ ໄດ້ຈັດຕັ້ງການຝຶກອົບຮົມວຽກງານປ້ອງກັນຊາຍແດນໃຫ້ພະນັກງານກອງບັນຊາການທະຫານແຂວງ ຫົວພັນ 40 ຄົນ...

ນ້ຳໃຈອັນບໍລິສຸດ, ຈົງຮັກພັກດີຂອງພະນັກງານ, ນັກຮົບທະຫານຊາຍແດນແຂວງ ແທງຮ໋ວາ ແມ່ນແຫຼ່ງລະດົມກຳລັງໃຈ, ເພີ່ມກໍາລັງແຮງເພື່ອໃຫ້ພະນັກງານ, ນັກຮົບກອງບັນຊາການທະຫານແຂວງ ຫົວພັນ ຜ່ານຜ່າຄວາມຫຍຸ້ງຍາກ, ປະຕິບັດສຳເລັດໜ້າທີ່ເປັນຢ່າງດີ ແລະຮ່ວມແຮງຮ່ວມໃຈກັນສ້າງເຂດຊາຍແດນສັນຕິພາບ, ມິດຕະພາບ, ການຮ່ວມມື ແລະພັດທະນາ.

ບູນມີ