| ກອນຕູມ-ອັດຕະປື ເພີ່ມທະວີວຽກງານປົກປັກຮັກສາປ່າໄມ້ | |
| ປ່າໄມ້ຊອດຢູ່ເມືອງ ມູກັງຈາຍ |
ຕາມຂ່າວຕ່າງປະເທດ, ວັນທີ 29 ພຶດສະພານີ້, ລັດຖະບານລາວມີແຜນຈະປູກຕົ້ນໄມ້ 34 ລ້ານຕົ້ນໃນເນື້ອທີ່ 42.000 ເຮັກຕາໃນປີນີ້. ນີ້ແມ່ນສ່ວນໜຶ່ງຂອງຄວາມພະຍາຍາມເພື່ອບັນລຸການປົກຫຸ້ມຂອງປ່າ 70% ໃນທົ່ວປະເທດໃນປີ 2025.
ເພື່ອຊ່ວຍບັນລຸເປົ້າໝາຍດັ່ງກ່າວ ແລະ ສະເຫຼີມສະຫຼອງວັນປູກຕົ້ນໄມ້ແຫ່ງຊາດລາວ ວັນທີ 1 ມິຖຸນາ, ກະຊວງກະສິກຳ ແລະ ປ່າໄມ້ ລາວ ຈະປູກຕົ້ນໄມ້ໃຫ້ໄດ້ປະມານ 3,5 ລ້ານຕົ້ນ ໃນເນື້ອທີ່ 3,500 ເຮັກຕາ, ອີງຕາມໜັງສືພິມ Pasaxon (ລາວ).
ສຳນັກງານການປ່າໄມ້ຂອງປະເທດລາວ ຈະຮ່ວມມືກັບພະແນກສຶກສາທິການ ແລະ ກິລາແຂວງ ເພື່ອຊຸກຍູ້ໃຫ້ໂຮງຮຽນ ແລະ ບັນດາສະຖານທີ່ອື່ນຽຈັດກິດຈະກຳປູກຕົ້ນໄມ້ໃນສະຖານທີ່ຕ່າງໆ ເຊັ່ນ: ສວນສາທາລະນະ ແລະ ແຄມທາງ.
 |
ປະເທດລາວປູກຕົ້ນໄມ້ໄດ້ 34 ລ້ານຕົ້ນ, ພະຍາຍາມປົກຄຸມປ່າໄມ້ບັນລຸໄດ້ 70% |
ກິດຈະກຳດັ່ງກ່າວນັບມື້ນັບມີຄວາມສຳຄັນໃນການບັນລຸເປົ້າໝາຍການປົກຫຸ້ມປ່າໄມ້ຂອງປະເທດອາຊີຕາເວັນອອກສຽງໃຕ້, ພ້ອມທັງຫຼຸດຜ່ອນຜົນກະທົບດ້ານສິ່ງແວດລ້ອມ ແລະ ການປົກປ້ອງຊີວະນາໆພັນ.
ວັນປູກຕົ້ນໄມ້ແຫ່ງຊາດລາວ ມີຈຸດປະສົງເພື່ອປູກຈິດສໍານຶກໃຫ້ໄວໜຸ່ມ ແລະ ມວນຊົນກ່ຽວກັບຄວາມຈໍາເປັນໃນການປົກປັກຮັກສາ ແລະ ຮັກສາພື້ນທີ່ປ່າໄມ້, ພ້ອມທັງມີສ່ວນຮ່ວມຢ່າງຕັ້ງໜ້າໃນການຄຸ້ມຄອງປ່າໄມ້.
ແນວໃດກໍ່ຕາມ, ການປົກປ້ອງປ່າໄມ້ໃນປະເທດນີ້ຍັງປະເຊີນກັບສິ່ງທ້າທາຍຫຼາຍຢ່າງ, ໂດຍສະເພາະສະຖານະການຂອງຊຸມຊົນທ້ອງຖິ່ນທີ່ບຸກລຸກທີ່ດິນປ່າ.
ກະຊວງກະສິກຳ ແລະ ປ່າໄມ້ຂອງລາວ ກຳລັງສ້າງນະໂຍບາຍເພື່ອແກ້ໄຂບັນຫາເຫຼົ່ານີ້ ລວມທັງການຄຸ້ມຄອງການນຳໃຊ້ປ່າໄມ້ຂອງປະຊາຊົນທີ່ອາໄສຢູ່ໃນ ແລະ ໃກ້ກັບປ່າໄມ້.
ຄຳຮຸ່ງ
