| ຜະລິດຕະພັນກະເສດຂອງຫວຽດນາມ ສ້າງຄວາມປະທັບໃຈແບບພິເສດຢູ່ງານຕະຫຼາດນັດ FoodService Australia 2024 | |
| ຜະລິດຕະພັນວັດທະນະທຳ, ທ່ອງທ່ຽວ ຫວຽດນາມ ສ້າງຄວາມປະທັບໃຈຢູ່ງານຕະຫຼາດນັດ ປາຣີ. |
ຢູ່ທີ່ນີ້, ລາຍການສິລະປະໂດຍໂຮງລະຄອນດົນຕີ ແລະ ຟ້ອນພື້ນເມືອງ ຫວຽດບັກ ສະແດງ ໄດ້ແນະນຳລາຍການຮ້ອງເພງ, ຟ້ອນ, ການສະແດງເຄື່ອງດົນຕີພື້ນເມືອງ ຫວຽດນາມ ຫຼາຍຢ່າງເຖິງເພື່ອນມິດຊາວ ກຳປູເຈຍ ຄື: ຫວຽດນາມ ຮອບໜຶ່ງ; ໂຮ ... ໂຮຮ່າເຮ (ຊົນເຜົ່າດ້າວ); ວ້ອງຂັບລື້ (ຊົນເຜົ່າລື້); ພູມຊອັກເປີດງານບຸນ (ຊົນເຜົ່າ Khmer); ເພງ ໂຮ່ຈີມິນ; ກ່ຽວກັບກຳປູເຈຍ; ເພງມິດຕະພາບ ຫວຽດນາມ-ກຳປູເຈຍ...
 |
| ຫຼາຍລາຍການທີ່ຕິດພັນກັບມິດຕະພາບລະຫວ່າງ ຫວຽດນາມ ແລະ ກຳປູເຈຍ ໄດ້ທຳການສະແດງ. (ພາບ: ໜັງສືພິມ ວັດທະນະທຳ) |
ລາຍການ ໄດ້ດຳເນີນໄປຢ່າງເປັນອາຊີບ ແລະ ພິຖິພິຖັນ, ຊ່ວຍໃຫ້ຜູ້ຊົມໄດ້ຮັບຊົມບັນດາລາຍການສະແດງສິລະປະທີ່ເຂັ້ມຂົ້ນໄປດ້ວຍສີສັນວັດທະນະທຳຂອງບັນດາເຜົ່າ, ເຂດພາກຂອງ ຫວຽດນາມ ແລະ ບັນດາບົດເພງທີ່ຕິດພັນກັບຄວາມເປັນມິດຕະພາບລະຫວ່າງສອງປະເທດ. ຜ່ານນັ້ນ, ກໍໄດ້ສະທ້ອນໃຫ້ເຫັນຄວາມຮັກແພງທີ່ຊື່ສັດຈິງໃຈລະຫວ່າງສອງປະເທດ ຫວຽດນາມ - ກຳປູເຈຍ ແລະ ຄວາມມຸ່ງຫວັງຢາກຊຸກຍູ້ການຮ່ວມມື, ພັດທະນາ.
ລາຍການສິລະປະ ບໍ່ພຽງແຕ່ແມ່ນລາຍການສະແດງ, ຫາກຍັງແມ່ນສານທີ່ເຂັ້ມແຂງກ່ຽວກັບຄວາມຕິດພັນກັນ, ເຄົາລົບ ແລະ ຊຸກຍູ້ການຮ່ວມມືລະຫວ່າງ 2 ປະເທດ. ການຕົບມືທີ່ດັງກ້ອງ ໄດ້ສະແດງໃຫ້ເຫັນເຖິງນ້ຳໃຈມິດຕະພາບທີ່ສະໜິດແໜ້ນ ແລະ ຄວາມຮັກແພງພິເສດ ເຊິ່ງປະຊາຊົນ ກຳປູເຈຍ ໄດ້ມີໃຫ້ແກ່ປະເທດຊາດ, ວັດທະນະທຳ ຫວຽດນາມ.
ກ່າວຄຳປາໄສທີ່ພິທີ, ທ່ານ ຕ້າກວ່າງໂດ່ງ ຮອງລັດຖະມົນຕີກະຊວງ ວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ໃຫ້ຮູ້ວ່າ: ໂດຍປະຕິບັດຂໍ້ຕົກລົງຂອງການນຳຂັ້ນສູງ 2 ປະເທດ ແລະ ແຜນການຮ່ວມມືດ້ານວັດທະນະທຳ - ສິລະປະລະຫວ່າງ ຫວຽດນາມ - ກຳປູເຈຍ ໃນໄລຍະ 2023 – 2027, ກະຊວງວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ, ກະຊວງວັດທະນະທຳ ແລະ ສິລະປະ ກຳປູເຈຍ ໄດ້ສົມທົບກັນຈັດຕັ້ງບັນດາລາຍການພົບປະແລກປ່ຽນວັດທະນະທຳຢ່າງເປັນປະຈຳ, ປະກອບສ່ວນເພີ່ມທະວີການພົວພັນມິດຕະພາບຖານບ້ານໃກ້ເຮືອນຄຽງ ແລະ ການພົບປະແລກປ່ຽນປະຊາຊົນ.
ປີ 2024, 2 ຝ່າຍໄດ້ສົມທົບກັນ ເພື່່ອຈັດຕັ້ງສັບປະດາວັດທະນະທຳ ຫວຽດນາມ ຢູ່ ກຳປູເຈຍ ທີ່ນະຄອນຫຼວງ Phnom Penh, ເມືອງທີ່ເປັນຕົວແທນຂອງບັນດາຄຸນຄ່າວັດທະນະທຳພື້ນເມືອງ, ແລະ ແຂວງ Banteay Meanchey, ເຊິ່ງເປັນບ່ອນຮັກສາບັນດາຄຸນຄ່າມໍລະດົກທີ່ເປັນເອກະລັກສະເພາະຂອງ ກຳປູເຈຍ ໄວ້.
 |
| ການສະແດງລາຍການປະສານສຽງເຄື່ອງດົນຕີຊົນເຜົ່າ ຫວຽດນາມ. (ພາບ: ໜັງສືພິມ ວັດທະນະທຳ) |
ໂດຍຜ່ານເຫດການນີ້, ຫວຽດນາມ ປາດຖະໜາຢາກແນະນຳໃຫ້ປະຊາຊົນ ກຳປູເຈຍ ແລະ ເພື່ອນມິດສາກົນ ຮູ້ກ່ຽວກັບຄວາມງາມຂອງວັດທະນະທຳ ຫວຽດນາມ ຜ່ານບັນດາລາຍການສະແດງສີລະປະ ຂັບຮ້ອງ, ຟ້ອນ, ດົນຕີພື້ນເມືອງ. ໃນນັ້ນ, ມີຫຼາຍຮູບແບບສິລະປະທີ່ໄດ້ຮັບການຈົດທະບຽນຈາກ UNESCO ເຂົ້າໃນບັນຊີລາຍຊື່ມໍລະດົກວັດທະນະທຳບໍ່ເປັນວັດຖຸຂອງມວນມະນຸດ.
“ຂ້າພະເຈົ້າເຊື່ອໝັ້ນວ່າ, ພ້ອມກັບບັນດາການເຄື່ອນໄຫວແລກປ່ຽນວັດທະນະທຳລະຫວ່າງ 2 ປະເທດໃນໄລຍະຜ່ານມາ, ສັບປະດາວັດທະນະທຳ ຫວຽດນາມ ຢູ່ ກຳປູເຈຍ ປີ 2024 ຈະສືບຕໍ່ແມ່ນບາດກ້າວບຸກທະລຸສຳຄັນໃນການເພີ່ມທະວີຄວາມສາມັກຄີ, ມິດຕະພາບ, ຄວາມເຂົ້າໃຈເຊິ່ງກັນແລະ ກັນ; ປະກອບສ່ວນຢ່າງຕັ້ງໜ້າເຂົ້າໃນການຮັດແໜ້ນ, ເພີ່ມທະວີ ແລະ ພັດທະນາການພົວພັນ “ປະເທດບ້ານໃກ້ເຮືອນຄຽງທີ່ດີ, ມິດຕະພາບມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານ” ລະຫວ່າງສອງປະເທດ” ທ່ານ ຕ້າກວ່າງໂດ່ງ ກ່າວ.
 |
| ຫຼາຍລາຍການທີ່ຕິດພັນກັບມິດຕະພາບລະຫວ່າງ ຫວຽດນາມ ແລະ ກຳປູເຈຍ ໄດ້ທຳການສະແດງ. (ພາບ: ໜັງສືພິມ ວັດທະນະທຳ) |
ຕາມທ່ານ Phouerng Sackona ລັດຖະມົນຕີກະຊວງວັດທະນະທຳ ແລະ ສິລະປະ ກຳປູເຈຍ ແລ້ວ, ສັບປະດາວັດທະນະທຳ ຫວຽດນາມ ຢູ່ ກຳປູເຈຍ ບໍ່ພຽງແຕ່ສະແດງໃຫ້ເຫັນຄວາມມານະພະຍາຍາມຮ່ວມຂອງ 2 ຝ່າຍເທົ່ານັ້ນ, ຫາກຍັງແມ່ນເຫດການທີ່ຊ່ວຍໃຫ້ປະຊາຊົນສອງປະເທດມີໂອກາດຊອກຮູ້ວັດທະນະທຳຂອງກັນອີກດ້ວຍ; ປະກອບສ່ວນເຂົ້າໃນຄວາມສະໜິດຕິດພັນມິດຕະພາບ ແລະ ການຮ່ວມມືຖານບ້ານໃກ້ເຮືອນຄຽງ. ກະຊວງວັດທະນະທຳ ແລະ ສິລະປະ ກຳປູເຈຍ ຈະສືບຕໍ່ສະໜັບສະໜູນ ແລະ ເພີ່ມທະວີການຈັດຕັ້ງບັນດາການເຄື່ອນໄຫວລວມນີ້, ຖືນີ້ເປັນບັນດາເຫດການຕົວແບບໃນການແນະນຳວັດທະນະທຳ, ສິລະປະ, ປະເທດຊາດ ແລະ ປະຊາຊົນເຊິ່ງກັນແລະກັນ.
ມິງດຶກ
