 | ຫວຽດນາມ - ຈຸດຫມາຍປາຍທາງທີ່ນິຍົມຂອງນັກທ່ອງທ່ຽວໄທ |
| ປະຊາຄົມຊາວຫວຽດນາມ ອາໄສຢູ່ອີສານ ໄທ ຕ້ອນຮັບລະດູບານໃໝ່ແຫ່ງບ້ານເກີດເມືອງນອນ |
ການພົວພັນລະຫວ່າງປະຊາຊົນ ແມ່ນພື້ນຖານການຮ່ວມມື, ພັດທະນາ ຫວຽດນາມ- ໄທ
ນັ້ນແມ່ນຄຳເຫັນຂອງທ່ານ ນາງ Wiraka Moodhitaporn, ຫົວໜ້າກົງສຸນໃຫຍ່ໄທ ປະຈຳນະຄອນ ໂຮ່ຈີມິນ, ທີ່ກອງປະຊຸມສະເຫຼີມສະຫຼອງວັນຊາດ 96 ປີ ແຫ່ງລາດຊະອານາຈັກໄທ (5 ທັນວາ 1927 – 5 ທັນວາ 2023) ເຊິ່ງໄດ້ຈັດຂຶ້ນໃນວັນທີ ວັນທີ 7 ທັນວານີ້ຢູ່ນະຄອນໂຮ່ຈີມິນ. ງານດັ່ງກ່າວຈັດໂດຍ ສະຫະພັນ ບັນດາອົງການ ມິດຕະພາບນະຄອນໂຮ່ຈິມິນ ແລະ ສະມາຄົມມິດຕະພາບ ຫວຽດນາມ - ໄທ ນະຄອນ ໂຮ່ຈີມິນ.
 |
| ກິດຈະກຳແລກປ່ຽນກັບນັກສຶກສາລາວ ແລະ ກຳປູເຈຍ ທີ່ດີເດັ່ນ. ພາບ: ວາລະສານ Tuoi Tre. |
ຕາມທ່ານນາງ Wiraka Moodhitaporn ແລ້ວ, ການພົວພັນໃນຂົງເຂດວັດທະນະທຳ - ສັງຄົມ, ພິເສດແມ່ນໃນຂັ້ນປະຊາຊົນ, ແມ່ນພື້ນຖານເພື່ອພັດທະນາການພົວພັນຮ່ວມມື ລະຫວ່າງ ໄທ - ຫວຽດນາມ. ຍ້ອນວ່າເມື່ອປະຊາຊົນມີຄວາມເຂົ້າໃຈ ແລະ ເຊື່ອມໂຍງເຂົ້າກັນ ກໍ່ຈະສ້າງເງື່ອນໄຂສະດວກ ເພື່ອຊຸກຍູ້ການຮ່ວມມືດ້ານການຄ້າ, ການລົງທຶນ ແລະ ການແລກປ່ຽນທຸລະກິດ ເພື່ອບັນລຸວົງເງິນການຄ້າ ລະຫວ່າງ 2 ປະເທດໃຫ້ເພີ່ມຂຶ້ນເຖິງ 25 ຕື້ USD ຄືທີ່ການນຳຂອງສອງປະເທດວາງອອກ.
ທ່ານ ນາງ Wiraka Moodhitaporn ກໍ່ຢືນຢັນຈະສືບຕໍ່ຊຸກຍູ້ ແລະ ເພີ່ມທະວີການຮ່ວມມື ເພື່ອແນໃສ່ຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງ ນະຄອນ ໂຮ່ຈີມິນ ແລະ ທ້ອງຖິ່ນຂອງໄທ ເພື່ອຜົນປະໂຫຍດລວມ ຂອງປະຊາຊົນສອງປະເທດ, ປະກອບສ່ວນເຂົ້າໃນການພົວພັນຄູ່ຮ່ວມມືຍຸດທະສາດ ລະຫວ່າງ ຫວຽດນາມ ແລະ ໄທ.
 |
| ສະມາຄົມມິດຕະພາບ ຫວຽດນາມ - ໄທ ນະຄອນ ໂຮ່ຈີມິນ ແລະ ກົງສຸນໃຫຍ່ຣາຊະອານາຈັກໄທ ປະຈຳນະຄອນ ໂຮ່ຈີມິນ ໄດ້ມອບທຶນການສຶກສາ ໃຫ້ບັນດານັກຮຽນເກັ່ງ, ຜ່ານຜ່າຄວາມຫຍຸ້ງຍາກ ຢູ່ມະຫາວິທະຍາໄລ ວິທະຍາສາດສັງຄົມ ແລະ ມະນຸດສາດ ນະຄອນ ໂຮ່ຈີມິນ. (ພາບ: HUFO) |
ທີ່ພິທີພົບປະ, ປະທານສະມາຄົມມິດຕະພາບ ຫວຽດນາມ - ໄທ ຢູ່ນະຄອນ ໂຮ່ຈີມິນ, ທ່ານ ດິງ ຄັກ ຢູຍ ເນັ້ນໜັກວ່າ: ໄທ ແມ່ນໜຶ່ງໃນບັນດາປະເທດບ້ານໃກ້ເຮືອນຄຽງທີ່ໃກ້ຊິດ ແລະ ເປັນຄູ່ຮ່ວມມືສຳຄັນຂອງ ຫວຽດນາມ. ໃນໄລຍະມໍ່ໆມານີ້, ການພົວພັນລະຫວ່າງສອງປະເທດ ໄດ້ຮັບການເພີ່ມທະວີ ແລະ ພັດທະນາຢ່າງບໍ່ຢຸດຢັ້ງໃນທຸກຂົງເຂດ, ພິເສດແມ່ນການສຶກສາ, ເສດຖະກິດ, ການເມືອງ ແລະ ວັດທະນະທຳ.
ຕາມທ່ານ ທ່ານ ດິງ ຄັກ ຢູຍ ແລ້ວ, ປະຈຸບັນມີນັກສຶກສາ ຫວຽດນາມ ນັບພັນຄົນພວມຮ່ຳຮຽນຢູ່ມະຫາວິທະຍາໄລ ແລະ ວິທະຍາໄລຂອງໄທ. ນັກສຶກສາໄທຫຼາຍຄົນກໍ່ຮຽນຢູ່ມະຫາວິທະຍາໄລຫວຽດນາມ. ການຮ່ວມມືດ້ານການສຶກສາໄດ້ປະກອບສ່ວນເພີ່ມທະວີຄວາມເຂົ້າໃຈ ແລະ ມິດຕະພາບລະຫວ່າງປະຊາຊົນສອງປະເທດ.
ວົງເງິນການຄ້າ 2 ສົ້ນໃນປີ 2023 ບັນລຸ 10 ຕື້ USD, ເພີ່ມຂຶ້ນ 20% ເມື່ອທຽບໃສ່ປີ 2022. ສອງປະເທດຍັງໄດ້ຮ່ວມມືກັນປະຕິບັດຫຼາຍໂຄງການລົງທຶນຂະໜາດໃຫຍ່, ສ້າງແຮງຈູງໃຈໃຫ້ແກ່ການພັດທະນາເສດຖະກິດຂອງແຕ່ລະປະເທດ.
ປີ 2023, ສະມາຄົມມິດຕະພາບ ຫວຽດນາມ - ໄທ ຢູ່ນະຄອນ ໂຮ່ຈີມິນ ໄດ້ມີຫຼາຍການເຄື່ອນໄຫວປະກອບສ່ວນເຂົ້າໃນການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ. ບາງການເຄື່ອນໄຫວທີ່ພົ້ນເດັ່ນລວມມີ: ການແຂ່ງຂັນ “ທັກສະພາສາໄທ”, ນຳພາຄະນະນັກທຸລະກິດຫວຽດນາມ ໄປແລກປ່ຽນ ແລະ ຊອກຫາກາລະໂອກາດລົງທຶນຢູ່ໄທ...
ເນື່ອງໃນໂອກາດນີ້, ສະມາຄົມມິດຕະພາບ ຫວຽດນາມ - ໄທ ປະຈຳນະຄອນໂຮ່ຈິມິນ ແລະ ກົງສຸນໃຫຍ່ລາຊະອານາຈັກໄທ ປະຈຳນະຄອນ ໂຮ່ຈີມິນ ກໍ່ໄດ້ມອບທຶນການສຶກສາໃຫ້ບັນດານັກສຶກສາມະຫາວິທະຍາໄລວິທະຍາສາດສັງຄົມ ແລະ ມະນຸດ ນະຄອນ ໂຮ່ຈີມິນ.
ຊ ສະຫວັດ
