| ກອນຕຸມ: ໄຂສັບປະດາວັດທະນະທຳ - ການທ່ອງທ່ຽວມັງແດນ ປີ 2022 | |
| ຫວຽດນາມ ປະກອບອຸປະກອນການແພດເຂົ້າສາງແຮອຸປະກອນການແພດຂອງ ອາຊຽນ ດ້ວຍມູນຄ່າ 5 ລ້ານ USD |
ຢູ່ເມືອງຊາຍແດນ ເອຍ ເຮີຢຣາຍ, ແຂວງ ກອນຕຸມ, ຄະນະເລຂາສູນກາງຊາວໜຸ່ມຄອມມູນິດ ໂຮ່ຈີມິນ ໄດ້ມອບຮູບແບບທໍາມາຫາກິນລ້ຽງຊີບ ທີ່ມີມູນຄ່າ 2 ຕື້ດົ່ງ (ປະມານ 81.200 USD) ໜູນຊ່ວຍທຶນບູລິມະສິດເພື່ອໃຫ້ສະມາຊິກຊາວໜຸ່ມ, ຊາວໜຸ່ມຢູ່ທ້ອງຖິ່ນພັດທະນາເສດຖະກິດ; ມອບທຶນການສຶກສາໃຫ້ນັກຮຽນທຸກຍາກ ແຕ່ຮຽນເກັ່ງ 20 ຄົນ; ມອບຂອງຂວັນ 30 ພູດ ໃຫ້ກຳມະກອນບໍລິສັດຢາງພາລາ ຈຶມໍໄຣ ແລະ ບໍລິສັດຫຸ້ນສ່ວນຢາງພາລາ ຊາໄທ່. ທ່ານ ໂງວັນເກືອງ, ເລຂາສູນກາງຊາວໜຸ່ມ, ປະທານຄະນະກຳມະການກວດກາສູນກາງຊາວໜຸ່ມ ໃຫ້ຮູ້ວ່າ: “ການຈັດບັນດາການເຄື່ອນໄຫວນີ້ ກໍເພື່ອແນໃສ່ຊ່ວຍເຫຼືອຊາວຜູ້ອອກແຮງງນ, ຊາວໜຸ່ມກຳມະກອນ, ຜູ້ທີ່ປະສົບກັບຄວາມຫຍຸ້ງຍາກ ໄດ້ມີໂອກາດເພື່ອກັບເມືອບ້ານເກີດຕອ້ນຮັບບຸນເຕັດພ້ອມກັບຄອບຄົວຢ່າງອົບອຸ່ນກວ່າ. ພ້ອມດຽວກັນນັ້ນ, ກໍ່ຊ່ວຍໃຫ້ເຂົາເຈົ້າ ມີກຳລັງໃຈເຮັດວຽກໄດ້ດີກວ່າ.”
 |
ສູນກາງຊາວໜຸ່ມຄອມມູນິດ ໂຮ່ຈີມິນ ນຳເອົາບັນຍາກາດບຸນເຕັດ ໄປສູ່ 2 ເມືອງຊາຍແດນ ແຂວງ ກອນຕຸມ |
ຢູ່ຕາແສງ ໂມຣາຍ, ເມືອງ ຊາໄທ່, ຄະນະເລຂາສູນກາງຊາວໜຸ່ມຄອມມູນິດ ໂຮ່ຈີມິນ ກໍໄດ້ມອບຂອງຂວັນ 20 ພູດໃຫ້ແກ່ຜູ້ມີອິດທິພົນຊື່ສຽງໃນໝູ່ປະຊາຊົນຊາວເຜົ່າສ່ວນໜ້ອຍ; ມອບຄອມພິວເຕີ 2 ຊຸດ ແລະ ລຳໂພງເຄື່ອນທີ່ ໃຫ້ແກ່ຄະນະຊາວໜຸ່ມຕາແສງ ໂມຣາຍ.
ເນື່ອງໃນໂອກາດບຸນປີໃໝ່ປະຈຳຊາດຫວຽດນາມ, ຄະນະເລຂາສູນກາງຊາວໜຸ່ມຄອມມູນິດ ໂຮ່ຈີມິນ ພ້ອມກັບຄະນະຊາວໜຸ່ມແຂວງ ກອນຕຸມ ກໍໄດ້ໄປຢ້ຽມຢາມ ແລະ ອວຍພອນປີໃໝ່, ໃຫ້ກຳລັງໃຈ, ມອບຂອງຂວັນໃຫ້ພະນັກງານ, ນັກຮົບຕຳຫຼວດ ຕາແສງ ເອຍຢອມ ແລະ ຄ້າຍທະຫານປ້ອງກັນຊາຍແດນ ເອຍຢອມ, ເມືອງ ເອຍ ເຮີຢຣາຍ.
ຄຳຮຸ່ງ
