| ຊາວໜຸ່ມກອງທັບເຮືອ ຕອບສະໜອງເດືອນຊາວໜຸ່ມ 2024, ເຜີຍແຜ່ການປູກຈິດສຳນຶກກ່ຽວກັບການປົກປັກຮັກສາສິ່ງແວດລ້ອມ | |
| ເຂດ 3 ກອງທັບເຮືອໄປຢ້ຽມຢາມ ແລະ ມອບຂອງຂວັນໃຫ້ຊາວປະມົງ ແລະ ລູກຫຼານຊາວປະມົງທີ່ໄດ້ຮັບການອຸປະກາລະ |
ວັນທີ 7 ພຶດສະພາ 1955, ກະຊວງປ້ອງກັນປະເທດໄດ້ອອກດຳລັດ ເລກທີ 284/ND-A ໄດ້ສ້າງຕັ້ງກົມປ້ອງກັນແຄມຝັ່ງ, ແມ່ນ "ອົງການຊ່ວຍກອງບັນຊາການສູງສຸດ ທີ່ຊີ້ນຳບັນດາກໍາລັງກົມປ້ອງກັນແຄມຝັ່ງ, ຈັດຕັ້ງຝຶກອົບຮົມພະນັກງານທະຫານເຮືອ; ຜະລິດ, ສ້ອມແປງເຄື່ອງມືອຸປະກອນ, ຍານພາຫະນະກ່ຽວກັບທະຫານເຮືອ; ສ້າງບັນດາກອງເຮືອເພື່ອມອບໃຫ້ບັນດາເຂດ ແລະ ລະຫວ່າງເຂດ ເພື່ອເຮັດໜ້າທີ່ຄຸ້ມຄອງ ແລະ ປົກປັກຮັກສາ ອະທິປະໄຕ ແລະ ຄວາມໝັ້ນຄົງຢູ່ບັນດາເຂດລໍາເຊ ແລະ ທະເລ. ວັນທີ 7 ພຶດສະພາ 1955 ໄດ້ກາຍເປັນຂີດໝາຍປະຫວັດສາດແຫ່ງວັນກຳເນີດກອງທັບເຮືອປະຊາຊົນຫວຽດນາມ.
ວັນທີ 24 ສິງຫາ 1955, ກົມປ້ອງກັນແຄມຝັ່ງ ໄດ້ຈັດຕັ້ງພິທີສ້າງຕັ້ງກອງເຮືອຊົງໂລຂຶ້ນ 2 ລຳຢ່າງສົມກຽດ ແລະ ແບັກດັ່ງ ຢູ່ໂຮງຮຽນຝຶກອົບຮົມແຄມຝັ່ງ, ແຄມຟັ່ງແມ່ນໍ້າເກີມ, , ນະຄອນຮ່າຍຟ່ອງ. ທ່ານ ພົນເອກ ຫວໍຫງຽນຊາບ, ລັດຖະມົນຕີກະຊວງປ້ອງກັນປະເທດ, ຜູ້ບັນຊາການສູງສຸດ ແລະ ສະຫາຍ ໂດເມື່ອຍ, ປະທານຄະນະກໍາມະການການທະຫານ ນະຄອນຮ່າຍຟ່ອງ, ພ້ອມດ້ວຍພະນັກງານ, ນັກຮົບກົມໃຫຍ່ປ້ອງກັນແຄມຝັ່ງ ແລະ ປະຊາຊົນ ນະຄອນຮ່າຍຟ່ອງ ໄດ້ເປັນສັກຂີພິຍານໃນການປ່ອຍກອງເຮືອ 2 ລຳຢ່າງຄັບຄາໜາແໜ້ນ. ນີ້ແມ່ນກອງເຮືອລໍາທຳອິດ, ເຊິ່ງເປັນອົງການທໍາອິດຂອງກໍາລັງກໍ່າປັ່ນສູ້ຮົບກອງທັບເຮືອ ປະຊາຊົນຫວຽດນາມ ໃນເວລາຕໍ່ມາ.
 |
| ຮຸ່ນພະນັກງານ ແລະ ນັກຮົບກອງທັບເຮືອ ປະຊາຊົນຫວຽດນາມໃນ 69 ປີຜ່ານມາ ໄດ້ສືບທອດກັນເສີມສ້າງ ແລະ ເສີມຂະຫຍາຍມູນເຊື້ອອັນສະຫງ່າງາມຂອງເຫຼົ່າທັບ. ໃນຮູບແມ່ນຊຸດຝຶກຝຶກອົບຮົມການປະສານງານການລົງຈອດຂອງກອງທັບເຮືອ. (ພາບ: ຫວູຮວ່ງ) |
ມາຮອດທ້າຍປີ 1963, ກອງທັບເຮືອຫວຽດນາມໄດ້ມີການພັດທະນາຢ່າງກະໂດດຂັ້ນ. ຫຼັງຈາກໃຊ້ເວລາກໍ່ສ້າງເກືອບ 9 ປີ (ເດືອນ 5/1955 – ທັນວາ 1963), ກອງທັບເຮືອປະຊາຊົນຫວຽດນາມ ມີກຳລັງເຮືອກໍາປັ່ນລາດຕະເວນແຄມທະເລ, ເຮືອກໍາປັ່ນສົ່ງຈະຫຼວດໃຕ້ນໍ້າ (ກໍາປັ່ນຕໍປີໂດ), ລ້າສັດໃຕ້ນໍ້າ, ຂົນສົ່ງ, ສືບສວນ ແລະ ເຮືອກຳປັ່ນບໍລິການອື່ນໆອີກຈຳນວນໜຶ່ງຄື: ເຮືອກຳປັ່ນບັນທຸກນ້ຳມັນ, ເຮືອກຳປັ່ນບັນທຸກນ້ຳ. ເຮືອກຳປັ່ນສຳຫຼວດທາງທະເລ, ເຮືອກຳປັ່ນກູ້ໄພ... ມີຄວາມສາມາດຕໍ່ສູ້ຢ່າງເປັນເອກະລາດ ຫຼື ປະສານສົມທົບຕໍ່ສູ້ຢູ່ທະເລ; ລະບົບທ່າເຮືອ, ບັນດາໜ່ວຍວິສະວະກໍາ, ກໍາລັງຮັກສາຄວາມປອດໄພ ແລະ ການບໍລິການ ພ້ອມກັບບັນດາສິ່ງອໍານວຍຄວາມສະດວກທາງດ້ານເຕັກນິກໄດ້ຮັບການກໍ່ສ້າງ; ລະບົບສັນຍານ (radar) ແລະ ສະຖານີສັງເກດການຖືກຈັດລຽງຕາມແຄມຝັ່ງທະເລຈາກກວາງນິງເຖິງກວາຕຸງ.
ຄຽງຄູ່ກັບນັ້ນແມ່ນການພັດທະນາຢ່າງວ່ອງໄວທັງດ້ານປະລິມານ ແລະ ຄຸນນະພາບຂອງຖັນແຖວພະນັກງານ ແລະ ນັກຮົບທະຫານເຮືອ, ຕອບສະໜອງບັນດາຄວາມຮຽກຮ້ອງຕ້ອງການພາລະກິດ.
ບັນດານັກຮົບກອງພັນນ້ອຍທີ່ 167, ກອງທັບເຮືອເຂດ 2 ປະຕິບັດໜ້າທີ່ປົກປັກຮັກສາອາວຸດຍຸດໂທປະກອນ ແລະ ອຸປະກອນເຕັກນິກ. (ພາບ: ດັງດົງ)
ເມື່ອສົງຄາມຕໍ່ຕ້ານອາເມລິກາ ກອບກູ້ປະເທດໄດ້ກ້າວເຂົ້າສູ່ໄລຍະທີ່ດຸເດືອດ, ເພື່ອຕອບສະໜອງຄວາມຮຽກຮ້ອງຕ້ອງການຂອງສະຖານະການໃໝ່, ວັນທີ 3 ມັງກອນປີ 1964, ກະຊວງປ້ອງກັນປະເທດໄດ້ຕົກລົງປ່ຽນຊື່ກົມກອງທັບເຮືອມາເປັນກອງບັນຊາການກອງທັບເຮືອ. ດ້ວຍໜ້າທີ່ນໍາພາ, ບັນຊາກໍ່ສ້າງກອງທັບເຮືອ, ຮັບຜິຊອບພາລະໜ້າທີ່ການເຄື່ອນໄຫວດ້ວຍຕົນເອງ ສູ້ຮົບໃນເຂດນ່ານຟ້າ, ເຂດທະເລ, ແຄມຟັ່ງທະເລພາກເໜືອ. ນີ້ແມ່ນເຫດການສຳຄັນທີ່ສະແດງເຖິງການພັດທະນາໃໝ່ໃນປະຫວັດສາດກອງທັບເຮືອ ປະຊາຊົນຫວຽດນາມ ກ່ຽວກັບຂະໜາດດ້ານການຈັດຕັ້ງ ແລະ ກຳລັງແຮງສູ້ຮົບບົນເສັ້ນທາງກໍ່ສ້າງກຳລັງເຫຼົ່າກອງທັບໃໝ່ - ເຫຼົ່າກອງທັບເຮືອ, ເຫຼົ່າກອງທັບໜຶ່ງຕໍ່ສູ້ດ້ວຍກໍາລັງສົມທົບທະຫານ ແລະ ພາຫະນະເຕັກນິກທີ່ທັນສະໄໝ, ກໍາລັງຫຼັກແຫຼ່ງຂອງການຕໍ່ສູ້ຂອງປະຊາຊົນຢູ່ສະໜາມຮົບ ໃນແມ່ນ້ຳລໍາເຊ, ທະເລ ແລະ ເກາະທະເລຂອງປະເທດຊາດ.
ສ້າງຕັ້ງມາຍັງບໍ່ຮອດ 10 ປີ, ກອງທັບເຮືອ ປະຊາຊົນຫວຽດນາມ ໄດ້ຮັບໄຊຊະນະໃນການຮົບຄັ້ງທຳອິດ ໃນວັນທີ 2 – 5 ສິງຫາ 1964 - ພິລະອາດຫານຂັບໄລ່ເຮືອກຳປັ່ນ ຂັບໄລ່ກໍາປັ່ນພິຂາດ Maddox ຂອງຈັກກະພັດອາເມລິກາ ເຂົ້າມາຮຸກຮານທະເລທາງພາກເໜືອ, ໄດ້ຍິງຍົນຕົກ 1 ລຳ; ປະສົມປະສານສູ້ຮົບດ້ວຍກຳລັງປ້ອງກັນທາງອາກາດ ແລະ ກອງທັບ , ປະຊາຊົນບັນດາທ້ອງຖິ່ນແຄມທະເລທາງພາກເໜືອ, ໄດ້ຍິງຍົນຕົກ 8 ລຳ, ຍິງຄົນບາດເຈັບອີກຫຼາຍຄົນ, ຈັບຕົວນັກບິນສັດຕູ, ແລະ ໄດ້ຮັບໄຊຊະນະໃນການສູ້ຮົບຄັ້ງທຳອິດ. ໄຊຊະນະນີ້ໄດ້ສືບຕໍ່ເປັນມູນເຊື້ອ “ຮົບຮ້ອຍຄັ້ງ, ຊະນະຮ້ອຍຄັ້ງ”, ໄດ້ອອກທັບແມ່ນຕີຊະນະຂອງກອງທັບ ປະຊາຊົນຫວຽດນາມ.
ໄຊຊະນະດັ່ງກ່າວເປັນພຽງເຫດການສໍາຄັນຢ່າງໜຶ່ງຂອງກອງທັບເຮືອ ປະຊາຊົນຫວຽດນາມ ໃນການສູ້ຮົບຕ້ານອາເມລິກາ, ກອບກູ້ປະເທດຊາດ. ພ້ອມກັບ ທະຫານ ແລະ ປະຊາຊົນທົ່ວປະເທດ ໃນການເດີນທາງອັນຍິ່ງໃຫ່ຍນັ້ນ, ກອງທັບເຮືອໄດ້ຍົກສູງເຈດຈໍານົງຄວາມຕັດສິນໃຈ “ຕໍ່ສູ້ກັບສັດຕູແລ້ວບຸກ, ເປີດຊ່ອງທາງແລ້ວກ້າວໄປໜ້າ”, ເຮັດໜ້າທີ່ເປັນແກນຫຼັກໃນການປະສານສົມທົບ, ຮ່ວມກັບກຳລັງປະກອບອາວຸດເພື່ອເອົາຊະນະສົງຄາມ ປິດລ້ອມແມ່ນໍ້າລໍາເຊ, ທະເລທາງພາກເໜືອດ້ວຍລະເບີດໃຕ້ນໍ້າ ແລະ ລະເບີດແມ່ເຫຼັກຈາກຈັກກະພັດສະຫະລັດອາເມກາ.
ກອງທັບເຮືອໄດ້ເປີດເສັ້ນທາງ, - ຊ່ອງທາງ ແລະ ເຊື່ອມຕໍ່ເສັ້ນທາງຄົມມະນາຄົມທາງທະເລຍຸດທະສາດຄືນໃໝ່ ເພື່ອໜູນຊ່ວຍພາກໃຕ້, ຢ່າງພິລະອາດຫານ, ຫານກ້າບຸກໂຈມຕີເພື່ອປົດປ່ອຍຢ່າງທັນການ ແລະ ປົກປ້ອງໝູ່ເກາະ ເຈື່ອງຊາ... ປະກອບສ່ວນໃຫ້ກອງທັບ ແລະ ປະຊາຊົນຂອງພວກເຮົາເພື່ອປົດປ່ອຍພາກໃຕ້ໃຫ້ສົມບູນ, ເປັນເອກະພາບໃນປະເທດ.
ເຂົ້າສູ່ອາຊີບກໍ່ສ້າງ ແລະ ປົກປັກຮັກສາປະເທດຊາດ, ໃນນັ້ນມີອະທິປະໄຕເຂດທະເລ, ໝູ່ເກາະ, ໄຫຼ່ທະວີບຂອງປະເທດຊາດ, ປະເຊີນກັບຄວາມທ້າທາຍ ແລະ ເຄັ່ງຄັດ, ໂດຍສະເພາະແມ່ນການຜັນແປທີ່ສັບສົນທີ່ສຸດຢູ່ທະເລຕາເວັນອອກ ກອງທັບເຮືອປະຊາຊົນຫວຽດນາມ ເສີມຂະຫຍາຍມູນເຊື້ອອັນສະຫງ່າງາມຂອງຕົນ, ເປັນຫຼັກປົກປັກຮັກສາອະທິປະໄຕທະເລ ແລະ ໝູ່ເກາະຂອງປະເທດຊາດຢ່າງໝັ້ນຄົງ.
ຄະນະພັກ ແລະ ກອງບັນຊາການທະຫານເຮືອ ໄດ້ກໍາແໜ້ນສະພາບການຢູ່ເຂດຈຸດສຸມຂອງທະເລ ຢ່າງເປັນປະຈໍາ; ໃຫ້ຄໍາແນະນໍາທັນກັບສະພາບການ, ສະເໜີຕໍ່ຄະນະພັກການທະຫານສູນກາງ ແລະ ກະຊວງປ້ອງກັນຊາດ ຈັກການກັບສະຖານະການໃຫ້ສໍາເລັດ, ຫຼີກລ່ຽງກັບເຫດການບໍ່ຄາດຄິດ, ປົກປັກຮັກສາອະທິປະໄຕ ແລະ ບັນດາເປົ້າໝາຍຍຸດທະສາດ, ບັນດາການເຄື່ອນໄຫວເສດຖະກິດທາງທະເລ, ພ້ອມກັນນັ້ນກໍ່ຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບຢູ່ທະເລ ເພື່ອພັດທະນາປະເທດ.
 |
| ກຳປັ່ນຂອງກອງພັນນ້ອຍ 172, ເຂດ 3 ຂອງກອງທັບເຮືອໄດ້ຍິງຈະຫຼວດໃຕ້ນໍ້າ. (ພາບ: ເລເຮະ) |
ດ້ວຍຄວາມເອົາໃຈໃສ່ ແລະ ການລົງທຶນສ້າງຂອງພັກ, ລັດ, ກອງທັບ ແລະ ປະຊາຊົນ, ໄລຍະ 2010 – 2015 ແມ່ນໄລຍະທີ່ກອງທັບເຮືອ ປະຊາຊົນຫວຽດນາມ ພັດທະນາຢ່າງວ່ອງໄວ, ສ້າງຄວາມຄວາມປ່ຽນແປງທີ່ສຳຄັນທາງດ້ານປະລິມານ ແລະ ຄຸນນະພາບ. ຮອດປີ 2014, ກອງທັບເຮືອມີ 5 ພາກສ່ວນກຳລັງສູ້ຮົບຄື: ເຮືອໜ້ານໍ້າ, ເຮືອດຳນ້ຳ, ເຮືອກອງທັບອາກາດ, ທະຫານປືນໃຫຍ່ - ລູກສອນໄຟແຄມຝັ່ງ, ກອງທັບເຮືອຕີບົກ-ກອງທັບທະຫານເຮືອປະຕິບັດງານພິເສດ ແລະ ບັນດາກຳລັງບໍລິການຮັບປະກັນພາລະທິການ, ວິສະວະກຳ, ການຄົ້ນຄວ້າວິທະຍາສາດ ແລະ ເຕັກນິກການທະຫານ.
ບັນດາພື້ນຖານການສຶກສາ ແລະ ຝຶກອົບຮົມວິຊາການທະຫານເຮືອຢູ່ຂັ້ນລະດັບຊ່ຽວຊານທາງເຕັກນິກຂອງກອງທັບ ແຕ່ຊັ້ນປະຖົມຮອດມະຫາວິທະຍາໄລ ແລະ ເທິງປະລິນຍາຕີ ໄດ້ຮັບການປະກອບ ແລະ ປັບປຸງອຸປະກອນຮັບໃຊ້ການສອນ ແລະ ການຮຽນທີ່ທັນສະໄໝ, ຫຼັກສູດການສອນທີ່ກ້າວໜ້າ. ບັນດາໂຮງງານ ແລະ ວິສາຫະກິດສືບຕໍ່ໄດ້ຮັບການປັບປຸງ, ຍົກລະດັບ ແລະ ກໍ່ສ້າງ. ບັນດາພື້ນຖານການຜະລິດ, ເປັນເສດຖະກິດປ້ອງກັນຊາດດ້ານອື່ນໆໄດ້ປະກອນເຕັກໂນໂລຊີໃໝ່ທີ່ທັນສະໄໝ, ຍົກສູງກຳລັງການຜະລິດທຸລະກິດ ແລະ ຄວາມສາມາດໃນການແຂ່ງຂັນທີ່ຈະເພື່ອພັດທະນາຢ່າງຕໍ່ເນື່ອງ ບໍລິການເພື່ອຮັບໃຊ້ພາລະກິດປ້ອງກັນຊາດ ແລະ ເຮັດເສດຖະກິດ.
ຕິດຕາມບັນດາມະຕິການນຳພາຂອງພັກ, ການຊີ້ນໍາຂອງກົມການເມືອງ, ຄະນະເລຂາທິການ ແລະ ຄະນະກຳມະການການທະຫານສູນກາງ, ກອງທັບເຮືອເປັນເຈົ້າການເປັນເສນາທິການໃຫ້ແກ່ພັກ, ລັດ, ຄະນະກໍາມະການທະຫານສູນກາງ ແລະ ກະຊວງປ້ອງກັນປະເທດໃຫ້ທັນກັບເວລາໃນການຈັດການ, ແກ້ໄຂບັນຫາຕ່າງໆທີ່ກ່ຽວຂ້ອງກັບສະພາບການໃນທະເລ, ປະຕິບັດໜ້າທີ່ປົກປັກຮັກສາອະທິປະໄຕໃນທະເລ, ໝູ່ເກາະ ແລະ ກໍ່ສ້າງກອງທັບເຮືອທີ່ທັນສະໄໝ; ຮັກສາໄດ້ບັນດາການເຄື່ອນໄຫວຄຸ້ມຄອງ, ຍົກສູງຄວາມສາມາດໃນການປົກປັກຮັກສາອະທິປະໄຕໃນທະເລ, ໝູ່ເກາະ ແລະ ເຂດໄຫຼ່ທະວີບ; ເພີ່ມທະວີການປັບປຸງພື້ນຖານການປ້ອງກັນຊາດທົ່ວປວງຊົນ ແລະ ຈັດວາງກໍາລັງປ້ອງກັນຊາດປະຊາຊົນໃນເຂດທະເລ, ໝູ່ເກາະ; ຕັ້ງໜ້າຈັດຕັ້ງບັນດາການເຄື່ອນໄຫວໂຄສະນາກ່ຽວກັບທະເລ ແລະ ໝູ່ເກາະ, ລະດົມແຫຼ່ງກຳລັງໃຫ້ແກ່ໜ້າທີ່ປົກປັກຮັກສາອະທິປະໄຕ ແລະ ກໍ່ສ້າງກອງທັບເຮືອຫຼວງ, ຊັ້ນຢ້ຽມ ແລະ ທັນສະໄໝ.
ຜ່ານມາ 69 ປີແຫ່ງການກໍ່ສ້າງ, ຕໍ່ສູ້, ຍາດເອົາໄຊຊະນະ ແລະ ເຕີບໃຫຍ່, ບັນດາຮຸ້ນພະນັກງານ, ນັກຮົບເຫຼົ່າທັບດ້ວຍເຫື່ອແຮງ ແລະ ເລືອດເນື້ອຂອງເຮົາໄດ້ສືບຕໍ່ສ້າງ ແລະ ສືບສານມູນເຊື້ອອັນສະຫງ່າງາມ “ການຕໍ່ສູ້ຢ່າງກ້າຫານ; ສະຫຼາດຫຼັກແຫຼມ, ມີຫົວຄິດປະດິດສ້າງ; ເປັນເຈົ້າການໃນເຂດທະເລ ; ສູ້ຮົບຢ່າງເດັດດ່ຽວ, ຊະນະຢ່າງເດັດດ່ຽວ" ກອງທັບເຮືອປະຊາຊົນຫວຽດນາມ ໄດ້ສ້າງຜົນງານຫຼາຍຢ່າງ, ຜົນງານໃນການສູ້ຮົບດີເດັ່ນ, ຜົນງານໃນການສູ້ຮົບທີ່ອະພິນິຫານ, ປະກອບສ່ວນອັນລ້ຳຄ່າເຂົ້າໃນພາລະກິດຕໍ່ສູ້ກັບອາເມລິກາ, ກອບກູ້ຊາດ ແລະ ສ້າງ, ປົກປັກຮັກສາປະເທດຊາດ.
ໃນໄລຍະປະຈຸບັນ, ວຽກງານປົກປັກຮັກສາອະທິປະໄຕໃນເຂດທະເລ ແລະ ໝູ່ເກາະຂອງປະເທດຊາດ ກໍາລັງຮຽກຮ້ອງຕ້ອງການສູງຂຶ້ນກວ່າເກົ່າ. ເສີມຂະຫຍາຍມູນເຊື້ອ 69 ປີແຫ່ງການສ້າງສາ, ຕໍ່ສູ້, ຍາດເອົາໄຊຊະນະ ແລະ ເຕີບໃຫຍ່ຂະຫຍາຍຕົວ, ຖັນແຖວພະນັກງານ, ນັກຮົບກອງທັບເຮືອສະໝັກໃຈອອກແຮງສ້າງກອງທັບປະຕິວັດ, ຍອດຢ້ຽມເປັນ ປົກະຕິ, ທັນສະໄໝ, ມີຄວາມກຽມພ້ອມສູ້ຮົບໃນທຸກສະຖານະການ , ປະກອບສ່ວນສະກັດກັ້ນປ້ອງກັນໄພອັນຕະລາຍ ຈາກສົງຄາມ, ປະທະກັນເພື່ອປົກປັກຮັກສາອະທິປະໄຕທາງທະເລ, ໝູ່ເກາະອັນສັກສິດ, ປົກປັກຮັກສາປະເທດຊາດໄວ້ແຕ່ເນີ້ນໆ ແລະ ໄລຍະຍາວ.
ThongMy
