 |
| ທ່ານລັດຖະມົນຕີການຕ່າງປະເທດ ຫວຽດນາມ ບຸຍແທງເຊີນ ໄດ້ມອບຫຼຽນກາລະນຶກ ເພື່ອພາລະກິດການທູດ ຫວຽດນາມ ໃຫ້ແກ່ທ່ານເອກອັກຄະລັດຖະທູດ ຍີ່ປຸ່ນ Yamada Takio. (ພາບ: ຕວນແອງ) |
ເນື່ອງໃນໂອກາດນີ້, ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ໄດ້ມອບຫຼຽນກາລະນຶກ "ເພື່ອພາລະກິດທາງການທູດ ຫວຽດນາມ" ໃຫ້ທ່ານເອກອັກຄະລັດຖະທູດ Yamada Takio ເພື່ອຮັບຮູ້ບັນດາການປະກອບສ່ວນຂອງທ່ານໃນການພົວພັນທາງການທູດ ຫວຽດນາມ - ຍີ່ປຸ່ນ.
ທີ່ການຕ້ອນຮັບ, ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ໄດ້ຕີລາຄາວ່າ ໃນອາຍຸການ 4 ປີຜ່ານມາຂອງທ່ານເອກອັກຄະລັດຖະທູດ Yamada Takio, ການພົວພັນ ຫວຽດນາມ - ຍີ່ປຸ່ນ ກໍໄດ້ພັດທະນາຢ່າງດີງາມໃນທຸກຂົງເຂດ ດ້ວຍ 4 ຜົນງານດີເດັ່ນ.
ທີໜຶ່ງ, ຄວາມໄວ້ເນື້ອເຊື່ອໃຈດ້ານການເມືອງ ທີ່ໄດ້ຮັບການເພີ່ມທະວີໂດຍການທີ່ສອງປະເທດຍົກລະດັບຂອບເຂດການພົວພັນເປັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ແລະ ຄວາມຈະເລີນຮຸ່ງເຮືອງຢູ່ ອາຊີ ແລະ ໃນໂລກ ແລະ ການພົບປະແລກປ່ຽນຂັ້ນສູງ ແລະ ທຸກຂັ້ນ ທີ່ດຳເນີນເປັນປະຈຳ.
ທີສອງ, ການຮ່ວມມືດ້ານເສດຖະກິດ, ການຄ້າ, ການລົງທຶນ, ແຮງງານ ໄດ້ຮັບການຟື້ນຟູຢ່າງວ່ອງໄວ ພາຍຫຼັງໂລກລະບາດໂຄວິດ-19 ແລະ ສືບຕໍ່ກ້າວເຂົ້າສູ່ລວງເລິກ, ມີປະສິດທິຜົນ; ການຮ່ວມມືສອງຝ່າຍ ໄດ້ເປີດກວ້າງໃນຂົງເຂດໃໝ່ເຊັ່ນ ການຫັນເປັນສີຂຽວ, ການຫັນເປັນດິຈິຕອນ...
ທີສາມ, ການພົບປະແລກປ່ຽນປະຊາຊົນ, ການຮ່ວມມືຢູ່ທ້ອງຖິ່ນນັບມື້ນັບສະໜິດສະໜົມ ແລະ ຕິດພັນກັນ.
ທີສີ່, ສອງປະເທດສືບຕໍ່ສົມທົບກັນຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະ ກັນໃນບັນດາບັນຫາພາກພື້ນ ແລະ ສາກົນ.
ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ໄດ້ຮັບຮູ້ ແລະ ຕີລາຄາສູງຄວາມຮັກແພງ ແລະ ຄວາມມານະພະຍາຍາມ, ການປະກອບສ່ວນຂອງທ່ານເອກອັກຄະລັດຖະທູດ Yamada Takio ເຂົ້າໃນການເພີ່ມທະວີການພົວພັນຮ່ວມມືມິດຕະພາບລະຫວ່າງ ຫວຽດນາມ - ຍີ່ປຸ່ນ.
ໂດຍສະແດງຄວາມຊົມເຊີຍຢ່າງສຸດອົກສຸດໃຈຕໍ່ເລື່ອງທ່ານເອກອັກຄະລັດຖະທູດ Yamada Takio ທີ່ໄດ້ຮັບຫຼຽນໄຊມິດຕະພາບ, ຫຼຽນກາລະນຶກ “ເພື່ອພາລະກິດການທູດ ຫວຽດນາມ” ພ້ອມກັນກັບຫຼາຍຮູບແບບຍ້ອງຍໍຈາກບັນດາກະຊວງ, ຂະແໜງການ, ທ້ອງຖິ່ນຂອງຫວຽດນາມ, ທ່ານລັດຖະມົນຕີການຕ່າງປະເທດ ຫວຽດນາມ ກ່າວວ່າ ນີ້ແມ່ນລາງວັນອັນລ້ຳຄ່າເພື່ອຮັບຮູ້ບັນດາການປະກອບສ່ວນຂອງທ່ານເອກອັກຄະລັດຖະທູດ Yamada Takio ຕໍ່ການພັດທະນາຂອງການພົວພັນລະຫວ່າງສອງປະເທດໃນໄລຍະມໍ່ໆມານີ້.
ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ກໍ່ສະເໜີໃຫ້ທ່ານເອກອັກຄະລັດຖະທູດ Yamada Takio ສືບຕໍ່ໝູນໃຊ້ປະສົບການ, ຄວາມເຂົ້າໃຈ ແລະ ຄວາມຮັກແພງຕໍ່ ຫວຽດນາມ ເພື່ອປະກອບສ່ວນເຂົ້າໃນການພົວພັນລະຫວ່າງ 2 ປະເທດໃນຫຼາຍຂົງເຂດຄື: ເສດຖະກິດ, ການລົງທຶນ, ແຮງງານ, ບຳລຸງສ້າງແຫຼ່ງຊັບພະຍາກອນມະນຸດ, ການພົບປະແລກປ່ຽນປະຊາຊົນ, ທ້ອງຖິ່ນ, ພັດທະນາການທ່ອງທ່ຽວ... ໃນໄລຍະຈະມາເຖິງ.
ທ່ານເອກອັກຄະລັດຖະທູດ Yamada Takio ໄດ້ສະແດງຄວາມຮູ້ສຶກ ແລະ ຂອບໃຈຕໍ່ຄວາມຮັກແພງ ກໍຄືຄວາມຮັບຮູ້ຂອງທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ຕໍ່ບັນດາການປະກອບສ່ວນໃນອາຍຸການ 4 ປີທີ່ວຽກງານຢູ່ ຫວຽດນາມ; ກໍໄດ້ສະແດງຄວາມຂອບອົກຂອບໃຈການໜູນຊ່ວຍ, ການສົມທົບຢ່າງແໜ້ນແຟ້ນຂອງກະຊວງການຕ່າງປະເທດ ຫວຽດນາມ ໃນ 4 ປີຜ່ານມາ ໃນສະພາບການຂອງໂລກ ແລະ ພາກພື້ນມີການຜັນແປໃໝ່ຢ່າງສັບສົນ, ພິເສດແມ່ນລະບາດຂອງພະຍາດໂຄວິດ-19.
 |
| ທ່ານເອກອັກຄະລັດຖະທູດ ຍີ່ປຸ່ນ Yamada Takio ໄດ້ສະແດງຄວາມຂອບໃຈການໜຸນຊ່ວຍ, ສົມທົບກັນຢ່າງແໜ້ນແຟ້ນຂອງກະຊວງການຕ່າງປະເທດ ຫວຽດນາມ ໃນ 4 ປີຜ່ານມາ. (ພາບ: ຕວນແອງ) |
ທ່ານເອກອັກຄະລັດຖະທູດ Yamada ໄດ້ແບ່ງປັນຄວາມພາກພູມໃຈ ເມື່ອໄດ້ປະກອບສ່ວນເຫື່ອແຮງເຂົ້າໃນການຍົກການພົວພັນສອງຝ່າຍພັດທະນາຢ່າງເຂັ້ມແຂງ ແລະ ບັນລຸໄດ້ບັນດາຜົນງານທີ່ພົ້ນເດັ່ນ; ສົມທົບກັນຢ່າງສຳເລັດຜົນຫຼາຍການຢ້ຽມຢາມທີ່ເປັນຂີດໝາຍຂອງລາຊະວົງ ຍີ່ປຸ່ນ, ການນຳຂັ້ນສູງຂອງສອງປະເທດ ພ້ອມທັງການຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານ ແລະ ການຈັດຕັ້ງການເຄື່ອນໄຫວ 500 ກ່ວາຄັ້ງເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດໃນປີ 2023.
ໂດຍການຕີລາຄາປະຫວັດສາດອັນຍາວນານຂອງການແລກປ່ຽນ ແລະ ຄວາມຄ້າຍຄືກັນລະຫວ່າງວັດທະນະທຳ 2 ປະເທດ ເປັນພື້ນຖານ ເພື່ອການພົວພັນພັດທະນາແບບຍືນຍົງຂອງ 2 ປະເທດໃນອະນາຄົດ, ທ່ານເອກອັກຄະລັດຖະທູດ Yamada Takio ຢືນຢັນວ່າ ຫວຽດນາມ ໄດ້ກາຍເປັນຄູ່ຮ່ວມມືທີ່ສຳຄັນ ແລະ ມີຄວາມໄວ້ເນື້ອເຊື່ອໃຈແຖວໜ້າຂອງ ຍີ່ປຸ່ນ ໃນພາກພື້ນ ພ້ອມທັງດ້ານການເມືອງ, ຄວາມໝັ້ນຄົງ, ເສດຖະກິດ, ການຮ່ວມມືດ້ານແຫຼ່ງຊັບພະຍາກອນມະນຸດ...,
ທ່ານເອກອັກຄະລັດຖະທູດກ່າວວ່າ ເຖິງວ່າບົນຖານະຕຳແໜ່ງໃດກໍຕາມ ກໍຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການພັດທະນາການພົວພັນມິດຕະພາບອັນດີງາມລະຫວ່າງຫວຽດນາມ - ຍີ່ປຸ່ນ.
ຮູບພາບທີ່ພິທີຈຳນວນໜຶ່ງ:
 |
| ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ໄດ້ມອບດອກໄມ້ສະແດງຄວາມຊົມເຊີຍທ່ານເອກອັກຄະລັດຖະທູດ ຍີ່ປຸ່ນ Yamada Takio. |
 |
 |
| ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ຕີລາຄາວ່າ ໃນອາຍຸການ 4 ປີຜ່ານມາຂອງທ່ານເອກອັກຄະລັດຖະທູດ Yamada Takio, ການພົວພັນ ຫວຽດນາມ - ຍີ່ປຸ່ນ ໄດ້ພັດທະນາຢ່າງດີງາມໃນທຸກຂົງເຂດ ດ້ວຍ 4 ຜົນງານດີເດັ່ນ. |
 |
| .ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ, ທ່ານເອກອັກຄະລັດຖະທູດ Yamada Takio ແລະ ບັນດາຜູ້ແທນໄດ້ຖ່າຍຮູບທີ່ລະນຶກພາຍຫຼັງພິທີມອບຫຼຽນກາລະນຶກ. |
ມິງດຶກ
