ໃນການພົບປະ, ບັນດາການນຳຂອງບັນດາກຸ່ມບໍລິສັດ ຊູແອດ ໃຫ້ຮູ້ວ່າ: ປັດຈຸບັນ ຫວຽດນາມ ແລະ ຊູແອດ ມີສິ່ງທີ່ຄ້າຍຄືກັນ, ນັ້ນແມ່ນມານະພະຍາຍາມຮັບມືກັບບັນດາສິ່ງທ້າທາຍທົ່ວໂລກ. ບັນດາກຸ່ມບໍລິສັດ ຊູແອດ ກໍ່ສະແດງຄວາມປາດຖະໜາ ຢາກໃຫ້ ສັນຍາການຄ້າເສລີ ລະຫວ່າງ ຫວຽດນາມ - ສະຫະພາບ ເອີລົບ EU (EVFTA) ໄດ້ຮັບການເຊັນລົງນາມໂດຍໄວ, ຜ່ານນັ້ນສ້າງເງື່ອນໄຂສະດວກໃນການຊຸກຍູ້ການຄ້າການລົງທຶນຂອງ ຊູແອດ ເຂົ້າຫວຽດນາມ. ການນຳບັນດາກຸ່ມບໍລິສັດກໍ່ໃຫ້ຮູ້ວ່າ: ພ້ອມແລ້ວທີ່ຈະຖ່າຍທອດບັນດາເຕັກໂນໂລຢີໃຫ້ແກ່ບັນດາຄູ່ຮ່ວມມື ຫວຽດນາມ ກໍ່ຄືເປີດກ້ວາງການລົງທຶນ, ທຳການຜະລິດ, ດຳເນີນທຸລະກິດ ຢູ່ ຫວຽດນາມ.
 |
ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ພົບປະກັບການນຳບັນດາກຸ່ມບໍລິສັດແຖວໜ້າ ຂອງຊູແອດ ທີ່ພວມເຄື່ອນໄຫວຢູ່ ຫວຽດນາມ (ພາບ: TTXVN)
ຕີລາຄາສູງບັນດາຄຳໝັ້ນສັນຍາ, ຄວາມປາດຖະໜາຢາກຮ່ວມມືຂອງບັນດາກຸ່ມບໍລິສັດແຖວໜ້າຂອງ ຊູແອດ, ທ່ານນາຍົກລັດຖະມົນຕີ ໄດ້ຢັ້ງຢືນວ່າ: ບັນດາອົງການທີ່ກ່ຽວຂ້ອງຈະພະຍາຍາມຢ່າງສຸດຄວາມສາມາດເພື່ອໜູນຊ່ວຍບັນດາກຸ່ມບໍລິສັດ, ວິສາຫະກິດ ຊູແອດ ທີ່ຈະມາ ຫວຽດນາມ ແລະ ເປີດກ້ວາງການລົງທຶນ. ທ່ານນາຍົກລັດຖະມົນຕີໄດ້ເນັ້ນໜັ້ກວ່າ: ດ້ວຍບັນດາທ່າແຮງກໍ່ຄືເປັນປະຕູເຂົ້າ-ອອກ ຕະຫຼາດອາຊຽນ ແລະ ມີສົນທິສັນຍາການຄ້າເສລີໃໝ່ຫຼາຍສະບັບເຊິ່ງ ໄດ້ ແລະ ກຳລັງໄດ້ຮັບການລົງນາມ. ຫວຽດນາມແມ່ນຕະຫຼາດທີ່ກວ້າງໃຫຍ່ສຳລັບບັນດາວິສາຫະກິດຊູແອດ.
（ຄຳຮຸ່ງ）
