| ກວາງຈີ້ ຈັດຕັ້ງລາຍການປະສານສຽງດົນຕີສາກົນ ເພື່ອເຊີດຊູຄຸນຄ່າສັນຕິພາບໂລກ | |
| ສະມາຄົມມິດຕະພາບ ຫວຽດນາມ - ລາວ ແຂວງ ໄທຫງວຽນ: 15 ປີແຫ່ງວັນສ້າງຂົວມິດຕະພາບ |
ເຂົ້າຮ່ວມງານມີທ່ານ ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສປປ ລາວ ປະຈໍາ ສສ ຫວຽດນາມ ນາງ ຄໍາເພົາ ເອີນທະວັນ ພ້ອມກັບຜູ້ຕາງໜ້າການນໍາແຂວງ ແລະ ບັນດາພະແນກ, ຄະນະ, ຂະແໜງການຂອງ ໄທງວຽນ.
ທີ່ລາຍການ, ທ່ານນາງ ຄໍາເພົາ ເອີນທະວັນ ໄດ້ຕີລາຄາສູງຄວາມເອົາໃຈໃສ່, ການສ້າງເງື່ອນໄຂຂອງແຂວງ ໄທງວຽນ ສຳລັບບັນດານັກສຶກສາ ລາວ. ທ່ານເອກອັກຄະລັດຖະທູດ ຢືນຢັນວ່າ ສອງປະເທດ ລາວ-ຫວຽດນາມ ມີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ, ຄວາມຕິດພັນທີ່ສັດຊື່; ພ້ອມກັນນັ້ນ, ທ່ານຍັງໃຫ້ຮູ້ຕື່ມອີກວ່າ ປີ 2024 ແມ່ນປີທີ່ມີຄວາມໝາຍອັນໃຫຍ່ຫຼວງສຳລັບ ລາວ; ປີທີ່ລາວດຳລົງຕຳແໜ່ງເປັນປະທານໜູນວຽນ ອາຊຽນ. ນີ້ກໍ່ແມ່ນປີທີ່ ລາວ ກໍ່ໄດ້ເລືອກເອົາເປັນປີທ່ອງທ່ຽວ ດ້ວຍຫົວຂໍ້ “ທ່ອງທ່ຽວລາວ ປອດໄພ ຊື່ນໃຈໃນວັດທະນະທຳ, ທຳມະຊາດ ແລະ ປະຫວັດສາດ” ດ້ວຍການເຄື່ອນໄຫວຫຼາຍຢ່າງທີ່ຖືກຈັດຕັ້ງຕາມຮີດຄອງປະເພນີຂອງຊາວ ລາວ, ດຶງດູດນັກທ່ອງທ່ຽວພາຍໃນ ແລະ ສາກົນ.
 |
| ບັນດາຜູ້ແທນ ໄດ້ປະຕິບັດພິທີຕາມຮີດຄອງປະເພນີບຸນປີໃໝ່ລາວ. ພາບ: ທູຮັ່ງ/TTXVN |
ທ່ານຮອງປະທານແຂວງ ໄທງວຽນ ຫງວຽນແທ່ງບິ່ງ ຢືນຢັນວ່າ ແຂວງຍາມໃດກໍ່ເອົາໃຈໃສ່, ຖືເປັນສຳຄັນຂົງເຂດການຮ່ວມມືດ້ານການບຳລຸງສ້າງການສຶກສາໃຫ້ນັກສຶກສາ ລາວ ໃນບໍລິເວນ; ພິເສດແມ່ນສຳລັບບັນດານັກສຶກສາ ລາວ ຂອງບັນດາແຂວງ, ນະຄອນທີ່ມີການຮ່ວມມື, ແຮກສ່ຽວກັບແຂວງ ໄທງວຽນ. ໃນຊຸມປີມໍ່ໆມານີ້, ແຂວງ ກໍໄດ້ບຳລຸງສ້າງນັກສຶກສາ ລາວ ຫຼາຍລຸ້ນຄົນ. ນັກສຶກສາຕ່າງປະເທດທີ່ຮຽນຈົບແລ້ວກັບຄືນບ້ານເກີດເມືອງນອນ ກໍ່ໄດ້ເສີມຂະຫຍາຍຄວາມຮູ້, ຄຸນນະທາດທາງດ້ານການເມືອງ ແລະ ທັກສະທີ່ໄດ້ຝຶກຝົນ, ສະສົມ, ປະກອບສ່ວນທີ່ສຳຄັນເຂົ້າໃນພາລະກິດແຫ່ງການສ້າງສາ, ພັດທະນາປະເທດຊາດ. ຜ່ານນັ້ນ, ກໍ່ປະກອບສ່ວນພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ຄວາມສັດຊື່ບໍລິສຸດຂອງສອງພັກ, ສອງລັດ ແລະ ປະຊາຊົນສອງປະເທດ.
ບົນພື້ນຖານສາຍພົວພັນອັນດີງາມລະຫວ່າງສອງປະເທດ, ໄທງວຽນ ໄດ້ສ້າງຕັ້ງການພົວພັນຮ່ວມມືມິດຕະພາບກັບແຂວງຫຼວງພະບາງ (ລາວ) ນັບແຕ່ປີ 2010; ພ້ອມກັນນັ້ນ, ກໍ່ຮັກສາການຮ່ວມມືກັບບັນດາແຂວງຄື: ແຂວງຫົວພັນ, ແຂວງຊຽງຂວາງ, ຜົ້ງສາລີ ພ້ອມກັບບາງທ້ອງຖິ່ນອື່ນໆຂອງ ລາວ ເພື່ອຮ່ວມມືບຳລຸງສ້າງບັນດານັກສຶກສາຕ່າງປະເທດຢູ່ບັນດາມະຫາວິທະຍາໄລ, ມະຫາວິທະຍາໄລໃນບໍລິເວນແຂວງ. ສະມາຄົມມິດຕະພາບຫວຽດນາມ - ລາວ ແຂວງ ໄທງວຽນ ຍາມໃດກໍ່ເສີມຂະຫຍາຍບົດບາດເປັນຂົວຕໍ່ມິດຕະພາບ, ການທູດປະຊາຊົນໃນບັນດາຂົງເຂດການເມືອງ, ວັດທະນະທຳ, ການສຶກສາ ແລະ ບຳລຸງສ້າງ.
ທີ່ລາຍການ, ການເຄື່ອນໄຫວຫຼາຍຢ່າງທີ່ມີຄວາມໝາຍໃນໂອກາດບຸນປີໃໝ່ລາວ ໄດ້ຈັດຕັ້ງເຊັ່ນ:ຂໍໂຊກຂໍລາບ, ຜູກແຂນ, ຫົດນ້ຳ... ສ້າງບັນຍາກາດທີ່ມ່ວນຊື່ນ, ຕື່ນເຕັ້ນໃຫ້ບັນດານັກສຶກສາຕ່າງປະເທດ. ຜ່ານນັ້ນ, ກໍ່ລະດົມ, ສົ່ງເສີມໃຫ້ນັກສຶກສາ ຍາມໃດກໍຮີດຮອດເຖິງຮີດຄອງປະເພນີຂອງຊາດ ແລະ ຮູ້ສຶກເຖິງບັນຍາກາດບຸນປີໃໝ່ທີ່ອົບອຸ່ນ, ເຕົ້າໂຮມ, ປິຕິຊົມຊື່ນຕ້ອນຮັບປີໃໝ່ຄືຢູ່ບ້ານເກີດເມືອງນອນ. ນີ້ແມ່ນການເຄື່ອນໄຫວທີ່ແທດຈິງ ເພື່ອເພີ່ມທະວີ ແລະ ຢັ້ງຢືນສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ, ປະກອບສ່ວນຮັດແໜ້ນຄວາມສາມັກຄີ, ຕິດພັນສະໜິດແໜ້ນລະຫວ່າງປະຊາຊົນ ຫວຽດນາມ - ລາວ.
ປະຈຸບັນ, ໄທງວຽນ ມີນັກສຶກສາ ລາວ ປະມານ 1.200 ຄົນພວມຮ່ຳຮຽນຢູ່ 10 ໂຮງຮຽນໃນ 4 ລະບົບບຳລຸງສ້າງຄື: ມັດທະຍົມສົມບູນ, ວິທະຍາໄລ, ມະຫາວິທະຍາໄລ ແລະ ຫຼັງມະຫາ. ບຸນປີໃໝ່ ໄດ້ຈັດຕັ້ງເພື່ອປະກອບສ່ວນເພີ່ມທະວີຄວາມຮັກແພງຕິດພັນລະຫວ່າງບັນດານັກສຶກສາຕ່າງປະເທດກັບພະນັກງານ, ປະຊາຊົນໃນແຂວງ; ພ້ອມກັນນັ້ນ, ກໍ່ຊຸກຍູ້ວຽກງານສຶກສາດ້ານການເມືອງແນວຄິດ, ຍົກສູງຄວາມຮັບຮູ້ໃຫ້ແກ່ນັກສຶກສາ ລາວ ກ່ຽວກັບສາຍພົວພັນ, ມິດຕະພາບຄວາມສາມັກຄີ ແລະ ການຮ່ວມມືຮອບດ້ານລະຫວ່າງສອງປະເທດ, ປະຊາຊົນສອງຊາດ.
ມິງດຶກ
