| ກອງປະຊຸມຄັ້ງທີ 7 ມີປະລິມານນິຕິບັນຍັດໃຫຍ່ທີ່ສຸດນັບແຕ່ເລີ່ມຕົ້ນສະໄໝຂອງສະພາແຫ່ງຊາດ ຫວຽດນາມ ຊຸດທີ 15 ມາຮອດປະຈຸບັນ | |
| ໜູນຊ່ວຍນັກສຶກສາມະຫາວິທະຍາໄລ ໄທຫງວຽນ ໄປຝຶກງານ ແລະ ເຮັດວຽກຢູ່ ຍີ່ປຸ່ນ |
ສະມາຄົມມິດຕະພາບ ຫວຽດນາມ-ລາວ ແຂວງ ໄທຫງວຽນ ມີເກືອບ 100.000 ສະມາຊິກ, ໃນນັ້ນມີສະມາຊິກເປັນທາງການກວ່າ 2.000 ຄົນ ແລະ ສະມາຊິກຮ່ວມສຳພັນກວ່າ 95.000 ຄົນ, ເຄື່ອນໄຫວຢູ່ 6 ສະມາຄົມຂັ້ນເມືອງ, ສະມາຊິກກົມກອງລວມໝູ່ 19 ຄະນະ, ສາຂາສະມາຄົມຮາກຖານ 70 ຮາກຖານ.
ພາຍຫຼັງ 15 ປີແຫ່ງການກໍ່ສ້າງ, ສະມາຄົມມິດຕະພາບ ຫວຽດນາມ - ລາວ ແຂວງ ໄທຫງວຽນ ຍາມໃດກໍ່ແມ່ນຂົວຕໍ່ຜັນຂະຫຍາຍການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ, ການຮ່ວມມືຮອບດ້ານ ຫວຽດນາມ - ລາວ. ສະມາຄົມ ກໍໄດ້ຈັດຕັ້ງການເຄື່ອນໄຫວທີ່ອຸດົມສົມບູນ, ແທດຈິງ, ມີປະສິດທິຜົນໃນບັນດາຂົງເຂດຄື: ການເມືອງ, ເສດຖະກິດ, ການສຶກສາ - ບຳລຸງສ້າງ, ສິລະປະ, ກິລາ, ການທ່ອງທ່ຽວ.
 |
| ບັນຍາກາດທີ່ກອງປະຊຸມ. ພາບ: Thaiinguyen.gov.vn |
ໃນນັ້ນ ສາມາດເລົ່າເຖິງບາງການເຄື່ອນໄຫວທີ່ພົ້ນເດັ່ນຄື: ການສຳມະນາຫົວຂໍ້ສະເພາະການຮ່ວມມືດ້ານການລົງທຶນພັດທະນາເສດຖະກິດ ໄທຫງວຽນ ກັບ ລາວ; ຫົວຂໍ້ “ຍົກສູງຄຸນນະພາບການບຳລຸງສ້າງໃຫ້ນັກສຶກສາ ລາວ ຢູ່ ໄທຫງວຽນ”, ງານສະແດງສິລະປະ, ກິລາ ມິດຕະພາບ ຫວຽດນາມ - ລາວ; ປະສານສົມທົບກັບບັນດາໂຮງຮຽນທີ່ມີນັກສຶກສາ ລາວ ເພື່ອຈັດຕັ້ງບຸນປີໃໝ່ ລາວ.
ສະມາຄົມ ໄດ້ສົມທົບກັນຢ່າງຕັ້ງໜ້າກັບບັນດາອົງການສື່ມວນຊົນ, ການສື່ສານໃນບໍລິເວນແຂວງ ເພື່ອຊຸກຍູ້ການໂຄສະນາກ່ຽວກັບສາຍພົວພັນແບບພິເສດ ຫວຽດນາມ - ລາວ. ພົ້ນເດັ່ນແມ່ນການແຂ່ງຂັນເພື່ອຮ່ຳຮຽນປະຫວັດສາດກ່ຽວກັບສາຍພົວພັນແບບພິເສດ ຫວຽດນາມ - ລາວ ເນື່ອງໃນໂອກາດປີສາມັກຄີ, ມິດຕະພາບຫວຽດນາມ - ລາວ. ສະມາຄົມ ກໍໄດ້ຈຳໜ່າຍປຶ້ມບັນທຶກຄວາມຊົງຈຳ 7 ເຫຼັ້ມ; ເປີດເວັບໄຊຂອງສະມາຄົມໃນອິນເຕີເນັດ; ຈັດຕັ້ງໃຫ້ບັນດາພະນັກງານສະມາຊິກ, ນັກຮຽນ, ນັກສຶກສາ ລາວ ແລະ ຫວຽດນາມ ຮັບຟັງການໂອ້ລົມສົນທະນາກ່ຽວກັບການພົວພັນແບບພິເສດ ຫວຽດນາມ-ລາວ.
ແຕ່ລະປີ, ສະມາຄົມໄດ້ສົມທົບກັບບັນດາອົງການຈັດຕັ້ງ, ສະມາຄົມພື້ນເມືອງ ຈັດຕັ້ງບັນດາການຢ້ຽມຢາມຮ່ອງຮອຍປະຫວັດສາດ, ການປະຕິວັດ ຫວຽດນາມ ແລະ ລາວ; ຈັດຕັ້ງການປະຕິບັດໂຄງການ “homestay” - ເອົານັກສຶກສາ ລາວ ໄປດຳລົງຊີວິດຢູ່ເຮືອນຂອງປະຊາຊົນຫວຽດນາມ. ໃນໂອກາດບຸນເຕັດຂອງ ຫວຽດນາມ, ບຸນປິໃໝ່ ລາວ, ສະມາຄົມກໍໄດ້ສົມທົບກັບບັນດາໂຮງຮຽນ ຈັດຕັ້ງບຸນເຕັດໃຫ້ນັກສຶກສາ ລາວ, ອວຍພອນບຸນປີໃໝ່ ສະຖານທູດ ລາວ ປະຈຳ ຫວຽດນາມ...
ສຳລັບ ໄທຫງວຽນ ແລ້ວ, ໃນໄລຍະມໍ່ໆມານີ້, ແຂວງ ໄດ້ສ້າງການພົວພັນມິດຕະພາບ, ການຮ່ວມມືຫຼາຍດ້ານກັບບັນດາທ້ອງຖິ່ນຂອງ ລາວ ຄື: ນະຄອນຫຼວງວຽງຈັນ ແລະ ບັນດາແຂວງ ຫຼວງພະບາງ, ຊຽງຂວາງ, ຫົວພັນ... ປະຈຸບັນ, ໃນບໍລິເວນແຂວງ ມີນັກສຶກສາລາວເກືອບ 2.000 ຄົນທີ່ຮຽນຢູ່ມະຫາວິທະຍາໄລ, ວິທະຍາໄລ, ແລະ ໂຮງຮຽນວັດທະນະທໍາທີ່ຂຶ້ນກັບະຊວງຕຳຫຼວດ 12 ແຫ່ງ.
ມິງດຶກ
