ເມື່ອເຂົ້າຮ່ວມກິດຈະກໍາ, ບັນດານັກສຶກສາໍໄດ້ເຂົ້າໄປຢ້ຽມຢາມສຸສານປະທານ ໂຮ່ຈີ່ມິນ, ເບິ່ງຮູບເງົາກ່ຽວກັບລຸງໂຮ່, ໄປຢ້ຽມຊົມເຮືອນຮ້ານ, ໜອງປາຂອງລຸງໂຮ່, ວັດເສົາດຽວ ແລະ ອີກຫຼາຍແຫ່ງທີ່ມີຄວາມໝາຍທາງດ້ານປະຫວັດສາດ ແລະ ວັດທະນະທຳອື່ນໆເຊັ່ນ: ກໍາແພງເມືອງພະລາດຊະວັງ ທັງລອງ; ວັດວັນມ໊ຽວ - ກວັກຕື່ຢາມ, ມະຫາວິທະຍາໄລແຫ່ງທຳອິດຂອງຫວຽດນາມ...
ນັກສຶກສາຕ່າງປະເທດກໍ່ຍັງໄດ້ຊົມ, ຄົ້ນຫາບັນດາເຍື່ອງອາຫານທີ່ຢອດຢ້ຽມຂອງຫວຽດນາມ ດ້ວຍຮ້ານບຸບເຟ້ທີ່ມີອາຫານຫວຽດນາມ ເຖິງ 200 ເຍື່ອງເຊັ່ນ: ເຝີງົວ, ເຂົ້າປຸ້ນແກງປູ, ເຂົ້າປຸ້ນຫອຍ, ຢໍ່ຫອຍໂຮ່ເຕີຍ, ບັນກວັນຢໍ່ອົບເຊີຍ, ແໜມເນືອງ ຍາຈາງ ແລະ ເຂົ້າໜຽວໜຶ້ງໃສ່ຊີ້ນນົກ...
 |
| ອາຈານ ເລຖູຍ (ເສື້ອແດງ) ແລະ ນັກສຶກສາຕ່າງປະເທດ ຫ້ອງ A9, ໂຮງຮຽນ ມິດຕະພາບ 80. (ພາບ: ເລຖູຍ) |
ຕາມທີ່ ອາຈານ ເລຖູຍ, ອາຈານສອນຫ້ອງຮຽນ A9, ໂຮງຮຽນມິດຕະພາບ 80 ແລ້ວ, ກິດຈະກໍານອກຫຼັກສູດຂອງໂຮງຮຽນແມ່ນມີຄວາມໝາຍຫຼາຍ, ເປັນໂອກາດເພື່ອຊ່ວຍໃຫ້ນັກສຶກສາຕ່າງປະເທດຝຶກທັກສະການຟັງ ແລະ ສື່ສານດ້ວຍພາສາຫວຽດນາມ ໃນພາກປະຕິບັດຕົວຈິງ, ປະກອບສ່ວນຍົກສູງຄຸນນະພາບການບຳລຸງສ້າງພາສາຫວຽດຂອງໂຮງຮຽນ.
ພ້ອມກັນນັ້ນ, ກິດຈະກໍາກໍ່ຍັງໄດ້ນຳມາເຊິ່ງປະສົບການ ແລະ ຄວາມຮູ້ຕົວຈິງ ກ່ຽວກັບບັນດາທ້ອງຖິ່ນ, ສະຖານທີ່ທ່ອງທ່ຽວທາງດ້ານວັດທະນະທຳທີ່ມີຊື່ສຽງຂອງນະຄອນຫຼວງຮ່າໂນ້ຍ. ຈາກນັ້ນ, ຍັງໄດ້ເພີ່ມຄວາມເຂົ້າໃຈຕື່ມອີກກ່ຽວກັບຄຸນຄ່າທາງດ້ານປະຫວັດສາດ, ວັດທະນະທຳຮີດຄອງປະເພນີ, ກ່ຽວກັບຄົນຫວຽດນາມ, ເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ລາວ - ກຳປູເຈຍ ໃຫ້ນັບມື້ນັບໝັ້ນຄົງທະນົງແກ່ນອີກດ້ວຍ.
 |
| ນັກສຶກສາລາວ ແລະ ກຳປູເຈຍ ຢ້ຽມຢາມ ສຸສານ ປະທານ ໂຮ່ຈີ່ມິນ. |
 |
| ຢ້ຽມຊົມຫໍພິພິທະພັນ ໂຮ່ຈີ່ມິນ. |
 |
| ໜອງປາລຸງໂຮ່. |
 |
| ກໍາແພງເມືອງພະລາດຊະວັງ ທັງລອງ |
 |
| ຢ້ຽມຢາມ ວັດວັນມ໊ຽວ - ກວັກຕື່ຢາມ. |
ທອງມີ ສີຫາວົງ
