| ວັນບຸນຊ່ວງເຮືອ ມູນເຊື້ອ ສັດສີ່ໂຕທີ່ສັກສິດຂອງຊາວລີເຊີນ | |
| ງານບຸນລະດູບານໃໝ່ ກົນເຊີນ - ກຽບບາກ ປີ 2023 ຈະດຳເນີນແຕ່ວັນທີ 4 – 13 ກຸມພາ ປີ 2023 |
 |
| ງານບຸນບາລູນ (ພາບ: TTXVN) |
ງານບຸນບາລູນໂສມ ງອັກລິງ K5 ດ້ວຍຫົວຂໍ້ “ບິນກັບເມືອປ່າດົງ” ໄຂຂຶ້ນໃນຕອນເຊົ້າວັນທີ 06 ກຸມພາ, ຢູ່ຕາແສງ ດັກຮ່າ, ເມືອງ ຕູເມີຣົງ, ແຂວງ ກອນຕຸມ. ມີປະຊາຊົນນັບພັນຄົນຢູ່ທຸກແຖບຖິ່ນໃນທົ່ວປະເທດໄດ້ເຂົ້າຮ່ວມງານບຸນ ແລະ ພິເສດແມ່ນມີການເຂົ້າຮ່ວມຂອງທ່ານພົນຕີ, ນັກວິລະຊົນກຳລັງປະກອບອາວຸດ ຟ້າມຕວນ. ງານບຸນບາລູນ ດັ່ງກ່າວຈັດຂຶ້ນແຕ່ວັນທີ 06 – 09 ກຸມພາ, ໃນນັ້ນຢູ່ເມືອງ ຕູເມີຣົງ ຈັດຂຶ້ນເປັນ 2 ວັນ ແລະ ຢູ່ນະຄອນ ກອນຕຸມ 2 ວັນ. ຕາມຄະນະຈັດຕັ້ງແລ້ວ, ດ້ວຍໝາກບາລູນ 30 ໜ່ວຍ, ງານບຸນໄດ້ກຳນົດສະຖິຕິຂອງ ຫວຽດນາມ ກ່ຽວກັບຈຳນວນບາລູນບິນຢູ່ເຫດການໜຶ່ງ.ພ້ອມກັບງານບຸນນີ້, ເມືອງ ຕູເມີຣົງ ຍັງຈັດຫຼາຍເຫດການຄື: ຕະຫຼາດໂສມ ງອັກລິງ; ກອງປະຊຸມສຳມະນາຄວາມສາມາດບົ່ມຊ້ອນ ແລະ ມາດຕະການແກ້ໄຂພັດທະນາການທ່ອງທ່ຽວເມືອງ ຕູເມີຣົງ.
ຕາມປະທານຄະນະກຳມະການປະຊາຊົນເມືອງ ຕູເມີຣົງ ຫວໍຈຸງແມັ້ງແລ້ວ, ດ້ວຍການເຊື້ອເຊີນທ່ານພົນຕີ, ນັກວິລະຊົນກຳລັງປະກອບອາວຸດ ຟ້າມຕວັນ ເຂົ້າຮ່ວມພິທີໄຂ, ຄະນະຈັດຕັ້ງມີຄວາຫມວັງຈະນຳມາເຊິ່ງຄວາມກະຕຸກຊຸກຍູ້, ເປັນກຳລັງໃຈໃຫ້ແກ່ພະນັກງານ, ອຳນາດການປົກຄອງ ແລະ ປະຊາຊົນເມືອງ ຕູເມີຣົງໃນປີ 2023.
