ທ່ານນາງ ຄຳເພົາ ເອີນທະວັນ ໄດ້ສະແດງຄວາມຂອບອົກຂອບໃຈຢ່າງຈິງໃຈຕໍ່ທ່ານຜູ້ປະຈຳຄະນະເລຂາທິການ ນາງ ເຈື່ອງທິມາຍ ທີ່ໄດ້ຕ້ອນຮັບ ແລະ ຄວາມຮັບແພງອັນສະໜິດສະໜົມຕໍ່ທ່ານເອກອັກຄະລັດຖະທູດ; ແລະກໍໄດ້ສົ່ງຄຳຢ້ຽມຢາມຖາມຂ່າວຂອງການນຳຂັ້ນສູງຂອງພັກ, ລັດ ລາວ ເຖີງຄະນະປະຈຳຄະນະເລຂາທິການ ແລະ ການນຳຂັ້ນສູງ ຫວຽດນາມ.
ທ່ານນ່າງເອກອັກຄະລັດຖະທູດ ໄດ້ສະແດງຄວາມຊົມເຊີຍບັນດາຜົນງານອັນໃຫຍ່ຫຼວງ, ສຳຄັນ, ຮອບດ້ານໃນທຸກຂົງເຂດທີ່ປະຊາຊົນ ຫວຽດນາມ ບັນລຸໄດ້; ໄດ້ສະແດງຄວາມເຊື່ອໝັ້ນວ່າ ໂດຍການນຳຂອງພັກກອມມູນິດ ຫວຽດນາມ ໂດຍທ່ານເລຂາທິການໃຫຍ່ ຫງວຽນຟຸຈ້ອງ ນຳໜ້າ, ປະຊາຊົນ ຫວຽດນາມ ຈະສືບຕໍ່ຍາດເອົາໄດ້ບັນດາຜົນງານໃໝ່, ໃຫຍ່ຫຼວງກວ່າອີກ ໃນພາລະກິດແຫ່ງການປ່ຽນແປງໃໝ່, ສ້າງສາ ແລະ ປົກປັກຮັກສາປະເທດຊາດ, ປະຕິບັດໄຊຊະນະມະຕິກອງປະຊຸມໃຫຍ່ຄັ້ງທີ XIII ຂອງພັກ, ບັນລຸເປົ້າໝາຍມາຮອດປີ 2030 ເປັນປະເທດພວມພັດທະນາ, ອຸດສາຫະກຳທັນສະໄໝ, ມີລາຍຮັບສູງ, ອດປີ 2045 ກາຍເປັນປະເທດພັດທະນາ, ມີລາຍຮັບສູງ.
 |
| ທ່ານນ່າງເຈື່ອງທິມາຍ - ຜູ້ປະຈຳຄະນະເລຂາທິການ ໄດ້ຕ້ອນຮັບທ່ານນ່າງເອກອັກຄະລັດຖະທູດ ລາວ ປະຈຳ ຫວຽດນາມ ຄຳປາວ ເອີນທະແວງ. ພາບ: ເຟືອງຮວ່າ/TTXVN |
ທ່ານນາງ ຄຳປາວ ເອີນທະແວງ ໄດ້ສະແດງຄວາມປິຕິຊົມຊື່ນກ່ຽວກັບສາຍພົວພັນສາມັກຄີແບບພິເສດ ລາວ-ຫວຽດນາມ ບໍ່ຢຸດຢັ້ງໄດ້ຮັບການປັບປຸງ ແລະ ພັດທະນາ, ໄດ້ສະແດງຄວາມຂອບອົກຂອບໃຈບັນດາການສະນັບສະໜູນ, ໜູນຊ່ວຍອັນໃຫຍ່ຫຼວງ, ມີຜົນ, ທັນການທີ່ ຫວຽດນາມ ໄດ້ມອບໃຫ້ແກ່ ລາວ ມາຮອດປະຈຸບັນ; ພ້ອມກັນນັ້ນ ຢືນຢັນວ່າ ຈະເຮັດຈົນສຸດຄວາມສາມາດຂອງຕົນ ເພື່ອປັບປຸງ ແລະ ເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ໃຫ້ຂຶ້ນສູ່ລະດັບສູງໃໝ່.
ໂດຍສະແດງຄວາມຊົມເຊີຍທ່ານນາງ ຄຳປາວ ເອີນທະແວງ ໄດ້ຮັບການແຕ່ງຕັ້ງຈາກພັກ, ລັດ ລາວ ເປັນເອກອັກຄະລັດ ຖະທູດຜູ້ມີອຳນາດເຕັມປະຈຳ ຫວຽດນາມ, ທ່ານຜູ້ປະຈຳຄະນະເລຂາທິການ ເຈື່ອງທິມາຍ ເຊື່ອໝັ້ນວ່າດ້ວຍຄວາມຮັກແພງ, ສະໜິດສະໜົມກັບປະເທດ, ປະຊາຊົນ ຫວຽດນາມ ແລະ ປະສົບການນຳພາດ້ານການຕ່າງປະເທດ, ທ່ານເອກອັກຄະລັດຖະທູດ ຈະປະຕິບັດສຳເລັດບັນດາໜ້າທີ່ທີ່ພັກ, ລັດ ແລະ ປະຊາຊົນ ລາວ ມີ່ມອບໝາຍໃຫ້ຢ່າງດີເດັ່ນ, ປະກອບສ່ວນສຳຄັນເຂົ້າໃນການເພີ່ມພູນຄູນສ້າງນ້ຳໃຈ ໃຫ້ເແກ່ການພົວພັນສາມັກຄີແບບພິເສດລະຫວ່າງສອງພັກ, ສອງລັດ ແລະ ປະຊາຊົນສອງປະເທດນັບມື້ນັບພັດທະນາຢ່າງເລິກເຊິ່ງ.
ໂດຍຕີລາຄາສູງບົດບາດສຳຄັນຂອງສະຖານທູດ ລາວ ປະຈຳ ຫວຽດນາມ, ທ່ານນ່າງເຈື່ອງທິມາຍ - ຜູ້ປະຈຳຄະນະເລຂາທິການ ຫວັງວ່າສະຖານທູດຈະສືບຕໍ່ເປັນຂົວຕໍ່ຊ່ວຍໃຫ້ບັນດາກະຊວງ, ຄະນະ, ຂະແໜງການ, ອົງຄະນະ ແລະ ທ້ອງຖິ່ນຂອງ 2 ປະເທດ ເພີ່ມທະວີການຮ່ວມມື, ແລກປ່ຽນຂໍ້ມູນຂ່າວສານ, ແບ່ງປັນປະສົບການ, ຊ່ວຍເຫຼືອເຊິ່ງກັນແລະກັນພັດທະນາ.
ໂດຍສະເໜີບາງຂໍ້ມູນຂ່າວສານທົ່ວໄປກ່ຽວກັບສະພາບການຢູ່ ຫວຽດນາມ, ໃນນັ້ນ ມີວຽກງານກໍ່ສ້າງພັກ, ທ່ານຜູ້ປະຈຳຄະນະເລຂາທິການ ເຈື່ອງທິມາຍ ໄດ້ສະແດງຄວາມຊົມເຊີຍບັນດາຜົນງານອັນໃຫຍ່ຫຼວງ, ສຳຄັນທີ່ພີ່ນ້ອງຊາວ ລາວ ບັນລຸໄດ້; ກໍໄດ້ສະແດງຄວາມເຊື່ອໝັ້ນວ່າ ໂດຍການນຳພາຂອງພັກປະຊາຊົນປະຕິວັດ ລາວ, ປະຊາຊົນ ລາວ ຈະປະຕິບັດໄຊຊະນະະຕິກອງປະຊຸມໃຫຍ່ຄັ້ງທີ XI ຂອງພັກ, ຈັດຕັ້ງກອງປະຊຸມໃຫຍ່ພັກທຸກຂັ້ນກ້າວໄປສູ່ກອງປະຊຸມໃຫຍ່ພັກທົ່ວປະເທດຄັ້ງທີ XII ຢ່າງມີຜັນສຳເລັດ, ສຳເລັດພາລະສຳຄັນ, ບົດບາດຂອງປະທານອາຊຽນ, ປະທານ AIPA ໃນປີ 2024, ປະກອບສ່ວນຍົກສູງທີ່ຕັ້ງອງ ລາວ ໃນພາກພື້ນ ແລະ ໃນໂລກ.
ທ່ານຜູ້ປະຈຳຄະນະເລຂາທິການ ເຈື່ອງທິມາຍ ໄດ້ສະແດງຄວາມຂອບອົກຂອບໃຈຕໍ່ການໜຸ່ມຊ່ວຍ, ສະນັບສະໜູນອັນລ້ຳຄ່າທີ່ພັກ, ລັດ, ປະຊາຊົນ ລາວ ໄດ້ມອບໃຫ້ ຫວຽດນາມ ມາຮອດປະຈຸບັນ ແລະ ຢືນຢັນວ່າ ຫວຽດນາມ ຈະພ້ອມກັບ ລາວ ຮັກສາ ແລະ ບໍ່ຢຸດຢັ້ງເພີ່ມພູນຄູນສ້າງນ້ຳໃຈໃຫ້ແກ່ສາຍພົວພັນສາມັກຄີແບບພິເສດຫວຽດນາມ - ລາວ ນັບມື້ນັບພັດທະນາຢ່າງເລິກເຊິ່ງ, ແທດຈິງ, ມີປະສິດທິຜົນໃນທຸກຂົງເຂດ ແລະ ສົ່ງຕໍ່ໃຫ້ຄົນລຸ້ນຫຼັງ.
ທ່ານຜູ້ປະຈຳຄະນະເລຂາທິການ ເຈື່ອງທິມາຍ ໄດ້ສົ່ງຄຳຢ້ຽມຢາມຖາມຂ່າວອັນສະໜິດຊິດເຊື້ອ ແລະ ບັນດາຄຳອວຍພອນທີ່ດີທີ່ສຸດມາຍັງບັນດາການນຳຂັ້ນສູງຂອງພັກ, ລັດ ລາວ.
ມິງດຶກ
