 | ຊາວໜຸ່ມ ສືບຕໍ່ຂຽນບົດບາດໃໝ່ໃຫ້ແກ່ສາຍພົວພັນບ້ານໃກ້ເຮືອນຄຽງລະຫວ່າງຫວຽດນາມ - ລາວ |
ທ່ານຮອງປະທານສະພາແຫ່ງຊາດລາວ: ໂຮງຮຽນມິດຕະພາບ T78 ປະຕິບັດພາລະກຳເຜີຍແຜ່ສາຍພົວພັນແບບພິເສດ ຫວຽດນາມ - ລາວ ເຖິງລຸ້ນໜຸ່ມໄດ້ເປັນຢ່າງດີ
ໃນບັນຍາກາດຂອງການຢ້ຽມຢາມທີ່ຫວຽດນາມ, ວັນທີ 5 ມັງກອນ 2024, ຄະນະຜູ້ແທນ ສະພາແຫ່ງຊາດລາວ ນໍາໂດຍທ່ານຮອງປະທານ ສະພາແຫ່ງຊາດ ຈະເລີີນ ເຢຍປາວເຮີ ໄດ້ໄປຢ້ຽມຢາມ ແລະ ເຮັດວຽກຢູ່ໂຮງຮຽນມິດຕະພາບ T78.
ເຂົ້າຮ່ວມໃນການເຮັດວຽກ ມີບັນດາການນຳຂອງສະພາແຫ່ງຊາດລາວ, ບັນດາສະມາຊິກຂຶ້ນກັບຫ້ອງວ່າການສະພາແຫ່ງຊາດ, ຄະນະກຳມາທິິການກົດໝາຍ, ຄະນະກໍາມາທິການວັດທະນະທຳ - ສັງຄົມ ແລະ ຄະນະກໍາມາທິິການການຕ່າງປະເທດ ຂອງພາແຫ່ງຊາດລາວ.
ຝ່າຍຫວຽດນາມ, ມີຜູ້ຕາງໜ້າການນຳ, ພະນັກງານ, ລັດຖະກອນຂອງບັນດາອົງການ ທີ່ຂຶ້ນກັບຫ້ອງວ່າການສະພາແຫ່ງຊາດ ແລະ ໂທລະພາບແຫ່ງຊາດຫວຽດນາມ; ຄະນະພັກເມືອງ, ຄະນະກຳມະການປະຊາຊົນເມືອງ ຟູ໋ເຖາະ-ຮ່າໂນ້ຍ; ຕາງໜ້າຄະນະພັກ, ຄະນະນຳ, ອະດີດພະນັກງານ, ຄູ-ອາຈານ, ນັກສຶກສາລາວ ແລະ ນັກສຶກສາຫວຽດນາມ ຂອງໂຮງຮຽນມິດຕະພາບ T78 ເຂົ້າຮ່ວມ.
 |
| ຄະນະຜູ້ແທນສະພາແຫ່ງຊາດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ໄປຢ້ຽມຢາມ ແລະ ເຮັດວຽກຢູ່ໂຮງຮຽນມິດຕະພາບ T78. |
ກ່າວຄຳເຫັນທີ່ການຕ້ອນຮັບ, ທ່ານ ປອ ເລຟູ້ທັ້ງ, ເລຂາຄະນະພັກ, ອຳນວຍການໂຮງຮຽນ ໃຫ້ຮູ້ວ່າ: ຄູອາຈານ ແລະ ນັກຮຽນໂຮງຮຽນ T78 ມິດຕະພາບ ມີຄວາມເປັນກຽດ ແລະ ຍິນດີຕ້ອນຮັບທ່ານ ຮອງປະທານສະພາແຫ່ງຊາດ ພ້ອມຄະນະປະຕິບັດງານຂອງສະພາແຫ່ງຊາດ ສາທາລະນະລັດ ປະຊາທິປະໄຕ ປະຊາຊົນລາວ ທີ່ໄດ້ມາຢ້ຽມຢາມ ແລະ ເຮັດວຽກຢູ່ຫວຽດນາມ. ການຢ້ຽມຢາມ ສະແດງໃຫ້ເຫັນເຖິງຄວາມເອົາໃຈໃສ່ອັນເລິກເຊິ່ງ ແລະ ຄວາມຮັກແພງເປັນພິເສດຂອງການນຳພັກ -ລັດຂອງລາວ ແລະ ໃນນາມສ່ວນຕົວ ຂອງທ່ານຮອງປະທານ ສະພາແຫ່ງຊາດລາວ ຕໍ່ກັບໂຮງຮຽນ.
 |
| ທ່ານ ເລຟູ້ທັ້ງ, ເລຂາຄະນະພັກ, ອຳນວຍການໂຮງຮຽນ ມິດຕະພາບ T78 ກ່າວຄຳເຫັນທີ່ກອງປະຊຸມພົບປະ. |
ຂໍ້້ມູູນກ່ຽວກັບການເຄື່ອນໄຫວຂອງໂຮງຮຽນ, ທ່ານ ປອ ເລ ຟູ້ທັ້ງ ໃຫ້ຮູ້ວ່າ: ພາຍຫຼັງ 66 ປີແຫ່ງການກໍ່ສ້າງ ແລະ ພັດທະນາ, ໂຮງຮຽນມິດຕະພາບ T78 ໄດ້ຕ້ອນຮັບ ແລະ ບໍາລຸງສ້າງນັກສຶກສາຕ່າງປະເທດໃຫ້ລາວນັບໝື່ນຄົນ. ນີ້ແມ່ນແຫຼ່ງຊັບພະຍາກອນມະນຸດທີ່ມີຄຸນນະພາບ, ປະກອບສ່ວນສຳຄັນເຂົ້າໃນພາລະກິດແຫ່ງການສ້າງສາ ແລະ ປະກອບສ່ວນໃນການປົກປັກຮັກສາ ແລະ ເສີມຂະຫຍາຍສາຍພົວພັນແບບພິເສດຫວຽດນາມ - ລາວ ໃຫ້ແໜ້ນແຟ້ນຍິ່ງຂຶ້ນ.
ໃນສົກຮຽນ 2023-2024, ໂຮງຮຽນມີນັກຮຽນ 1.500 ກວ່າຄົນ, ໃນນັ້ນມີນັກສຶກສາລາວ 213 ຄົນ: ນັກຮຽນທີ່ພວມກຽມພາສາຫວຽດນາມ 173 ຄົນ ເພື່ອກະກຽມເງື່່ອນໄຂທາງດ້ານພາສາ ເພື່ອສືບຕໍ່ຮຽນຕໍ່ລະດັບສູງກວ່າ; ນັກສຶກສາ 40 ຄົນທີ່ຮຽນຈົບ ຫຼັກສູດກຽມພາສາຫວຽດນາມ ພວມສືບຕໍ່ຮ່ຳຮຽນລະດັບສາມັນກັບນັກສຶກສາ ຫວຽດນາມ. ທາງໂຮງຮຽນຍາມໃດກໍ່ເອົາໃຈໃສ່, ສະໜອງເງື່ອນໄຂ ແລະ ອຳນວຍຄວາມສະດວກ ເພື່ອໃຫ້ນັກສຶກສາລາວ ມີຄວາມໝັ້ນໃຈໃນການຮຽນ ແລະ ເຊື່ອມຕົວເຂົ້າກັບສະພາບແວດລ້ອມໃນການດຳລົງຊີວິດຢູ່ ຫວຽດນາມ.
ກ່າວຄຳເຫັນທີ່ກອງປະຊຸມ, ທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດລາວ ໄດ້ສະແດງຄວາມປິຕິຊົມຊືື່ນ ເມື່ອໄດ້ມາຢ້ຽມຢາມໂຮງຮຽນທີ່ນັກຮຽນລາວຫຼາຍລຸ້ນຄົນ ໄດ້ຮ່ຳຮຽນ, ໃນນັ້ນ ຫຼາຍຄົນກໍ່ໄດ້ກາຍເປັນການນຳຂັ້ນສູງຂອງພັກ ແລະ ລັດລາວ.
 |
| ທ່ານຮອງປະທານສະພາແຫ່ງຊາດລາວ (ທີ່ 3 ຈາກເບື້ອງຂວາ) ມອບຂອງທີ່ລະນຶກໃຫ້ຜູ້ຕາງໜ້າຄະນະອໍານວຍການໂຮງຮຽນມິດຕະພາບ T78. |
ທ່ານ ຈະເລີນ ເຢຍປາວເຮີ ໄດ້ຫວນຄືນຄວາມຊົງຈຳໃນຊຸມປີທີ່ຕົນຮ່ຳຮຽນຢູ່ໂຮງຮຽນ (ໄລຍະທີ່ໂຮງຮຽນ T78 ຖືກຍົກຍ້າຍຢູ່ຕາແສງ ເຟືອງທິງ, ຕາມນົງ, ຂຶ້ນກັບວິງຟຸກ) ແລະ ໄດ້ສົ່ງຄຳສະແດງຄວາມຂອບໃຈ ໄປຍັງບັນດາຄູອາຈານ, ພະນັກງານໃນໂຮງຮຽນ. ທ່ານຢືນຢັນ ແລະ ເຊື່ອໝັ້ນວ່າ: ໂຮງຮຽນມິດຕະພາບ T78 ແມ່ນສະຖານທີ່ການສຶກສາທີ່ມີຄຸນນະພາບໃນການບຳລຸງສ້າງທີ່ດີ ເພື່ອໃຫ້ນັກຮຽນລາວຮຽນພາສາຫວຽດນາມ ແລະ ວັດທະນະທຳ ເພື່ອສືບຕໍ່ຮ່ຳຮຽນວິຊາສະເພາະ ແລະ ສຶກສາການເມືອງຢູ່ບັນດາມະຫາວິທະຍາໄລ, ສະຖາບັນ ຂອງຫວຽດນາມ.
“ໃນສະພາບການປະຈຸບັນ, ຕ້ອງເພີ່ມທະວີການໂຄສະນາເຜີຍແຜ່ໃຫ້ແກ່ລຸ້ນໜຸ່ມຂອງສອງປະເທດ ກ່ຽວກັບສາຍພົວພັນແບບພິເສດຫວຽດນາມ - ລາວ, ໂຮງຮຽນມິດຕະພາບ T78 ແມ່ນໂຮງຮຽນທີ່ມີມູນເຊື້ອ ແລະ ປະສົບການມາແຕ່ດົນນານໃນການບຳລຸງສ້າງນັກສຶກສາລາວ ແນ່ນອນວ່າຈະປະຕິບັດສຳເລັດພາລະກຳນັ້ນ. ທ່ານ ຈະເລີນ ເຢຍປ່າວເຮີ ຮອງປະທານສະພາແຫ່ງຊາດລາວ ກ່າວ.
ໃນການໂອ້ລົມກັບນັກຮຽນຂອງໂຮງຮຽນ, ທ່ານ ຈະເລີນ ເຢຍປາວເຮີ ຫວັງວ່າ ນັກຮຽນແຕ່ລະຄົນ ຈະມານະພະຍາຍາມ ແລະ ພະຍາຍາມເຮັດສຳເລັດໜ້າທີ່ວິຊາສະເພາະຂອງຕົນໃຫ້ເປັນຢ່າງດີ. ນັກສຶກສາລາວ ແລະ ນັກສຶກສາຫວຽດນາມ ຕ້ອງຖືເປັນຄືອ້າຍນ້ອງດຽວກັນ, ຍາມໃດກໍ່ສາມັກຄີ, ຊ່ວຍເຫຼືອເຊິ່ງກັນແລະກັນພ້ອມກັນກ້າວໜ້າ. ໃນອະນາຄົດ, ຫລາຍທ່ານຈະກາຍເປັນພະນັກງານທີ່ດີ, ພົນລະເມືອງທີ່ດີ, ບາງທ່ານຈະກາຍເປັນການນຳຂັ້ນສູງ, ເປັນເສົາຄ້ຳໃນການສ້າງສາ, ພັດທະນາປະເທດຊາດ ແລະ ກໍ່ເປັນເຈົ້າການສືບຕໍ່ປົກປັກຮັກສາ, ຊຸກຍູ້ ແລະ ເພີ່ມທະວີການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງລາວ-ຫວຽດນາມ.
ທີ່ການພົບປະ, ທ່ານຮອງປະທານສະພາແຫ່ງຊາດລາວ ພ້ອມດ້ວຍຄະນະ ໄດ້ໄປຢ້ຽມຊົມເຂດວາງສະແດງຮູບພາບມູນເຊື້ອປະຫວັດສາດຂອງໂຮງຮຽນ ແລະ ປູກຕົ້ນໄມ້ທີ່ລະນຶກ.
 |
| ທ່ານຮອງປະທານສະພາແຫ່ງຊາດລາວ ພ້ອມຄະນະ ຢ້ຽມຊົມເຂດວາງສະແດງຮູບພາບມູນເຊື້ອປະຫວັດສາດຂອງໂຮງຮຽນ. |
 |
| ທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດລາວ ພ້ອມດ້ວຍຄະນະ ປູກຕົ້ນໄມ້ທີ່ລະນຶກຢູ່ໂຮງຮຽນມິດຕະພາບ T78. |
ໂຮງຮຽນມິດຕະພາບ T78 ໄດ້ຮັບການສ້າງຕັ້ງໂດຍ ຄະນະເລຂາທິການສູນກາງພັກກອມມູນິດຫວຽດນາມ ໃນວັນທີ 1 ມັງກອນ 1958. ນີ້ແມ່ນໂຮງຮຽນແຫ່ງທຳອິດສຳລັັບນັກສຶກສາລາວ ທີ່ໄດ້ຮັບການສ້າງຕັ້ງຂຶ້ນຢູ່ຫວຽດນາມ, ທັງແມ່ນໂຮງຮຽນທີ່ບຳລຸງສ້າງນັກຮຽນ, ນັກສຶກສາລາວຫຼາຍກວ່າໝູ່.
ປະຈຸບັນ, ໂຮງຮຽນມິດຕະພາບ T78 ແມ່ນຮາກຖານການສຶກສາຂອງລັດ ຂຶ້້ນກັບກະຊວງສຶກສາ ແລະ ກໍ່ສ້າງ ຫວຽດນາມ, ມີໜ້າທີ່ບຳລຸງສ້າງກຽມພາສາຫວຽດນາມ ແລະ ການສອນວັດທະນະທຳຂັ້ນສາມັນໃຫ້ນັກຮຽນ ແລະ ນັກສຶກສາ ລາວ - ຫວຽດນາມ.
ຊ ສະຫວັດ
