| ຄະນະຜູ້ແທນສະພາປະຊາຊົນແຂວງຫຼວງນ້ຳທາ ໄດ້ເຂົ້າພົບປະກັບ ການນຳສະພາປະຊາຊົນແຂວງເຊີນລາ (ສສ ຫວຽດນາມ) | |
| ຄະນະຜູ້ແທນຂັ້ນສູງແຂວງຫຼວງນ້ຳທາ ເຂົ້າພົບປະໂອ້ລົມ ຄະນະກໍາມະການປະຈໍາພັກແຂວງເຊີນລາ |
ໃນວັນທີ 6 ມີນານີ້, ສະຖານກົງສຸນໃຫຍ່ຫວຽດນາມປະຈຳແຂວງຫຼວງພະບາງ (ລາວ) ໄດ້ສົມທົບກັບສະຫະພັນກຳມະບານແຂວງຫຼວງພະບາງ (ລາວ) ໄດ້ຈັດຕັ້ງພິທີສະເຫຼີມສະຫຼອງ 114 ປີແຫ່ງວັນແມ່ຍິງສາກົນ 8 ມີນາ. ໃນຂອບເຂດການວຽກງານ, ສະຖານກົງສຸນໃຫຍ່ຫວຽດນາມ ປະຈຳແຂວງຫຼວງພະບາງ (ລາວ) ແລະ ຜູ້ຕາງໜ້າສະມາຄົມ/ຄະນະບໍລິຫານງານສູນກາງຫວຽດນາມ ຢູ່ບັນດາແຂວງພາກເໜືອຂອງລາວ ແລະ ສະມາຄົມວິສາຫະກິດຫວຽດນາມ ຢູ່ພາກເໜືອລາວ ໄດ້ໄປຢ້ຽມຢາມ ແລະ ມອບຂອງຂວັນໃຫ້ໂຮງຮຽນກິນນອນຊົນເຜົ່າແຂວງຫຼວງນ້ຳທາ.
ກ່າວຄຳເຫັນທີ່ການຢ້ຽມຢາມ, ທ່ານນາງກົງສຸນໃຫຍ່ ກ່ຽວຖິຮັ່ງຟູກ ໄດ້ຊົມເຊີຍບັນດາຜົນງານທີ່ບັນດາຄູອາຈານ, ນັກຮຽນ ແລະ ລຸ້ນຫຼັງຂອງໂຮງຮຽນກິນນອນຊົນເຜົ່າແຂວງຫຼວງນ້ຳທາ ບັນລຸໄດ້ໃນໄລຍະມໍ່ໆມານີ້. ພ້ອມກັນນັ້ນ, ໄດ້ແບ່ງປັນຄວາມຫຍຸ້ງຍາກ ແລະ ຄວາມລຳບາກກາກກຳທີ່ຄູ-ອາຈານ ແລະ ພະນັກງານຂອງໂຮງຮຽນໄດ້ຜ່ານຜ່າ ເພື່ອໃຫ້ນັກຮຽນມີຄວາມຮູ້ ແລະ ເຄື່ອງມືເຂົ້າສູ່ຊີວິດ.
 |
| ຂອງຂວັນທີ່ມີຄວາມແທດກັບຕົວຈິງຫຼາຍຢ່າງ ໃຫ້ແກ່ຄູ ແລະ ນັກຮຽນຂອງໂຮງຮຽນກິນນອນຊົນເຜົ່າແຂວງຫຼວງນ້ຳທາ (ລາວ) |
“ເຖິງວ່າສິ່ງອຳນວຍຄວາມສະດວກຂອງໂຮງຮຽນຍັງປະສົບກັບຄວາມຫຍຸ້ງຍາກ ແລະ ຂາດເຂີນຫລາຍຢ່າງກໍ່ຕາມ, ແຕ່ຂ້າພະເຈົ້າເຊື່ອໝັ້ນວ່າ ດ້ວຍຄວາມເຫັນດີເຫັນພ້ອມ ແລະ ຄວາມສາມັກຄີຂອງຄະນະອຳນວຍການໂຮງຮຽນ ແລະ ການຊ່ວຍເຫຼືອຂອງບັນດາອົງການສັງຄົມ, ໂຮງຮຽນຈະນັບມື້ນັບພັດທະນາ ແລະ ປະສົບຜົນສຳເລັດຫລາຍຢ່າງ” , ທ່ານນາງກົງສຸນໃຫຍ່ ກ່ຽວຖິຮັ່ງຟູກ ກ່າວວ່າ.
ທ່ານນາງກົງສຸນໃຫຍ່ ຂໍອວຍພອນໃຫ້ຄູ-ອາຈານ ຈົ່ງມີສຸຂະພາບເຂັ້ມແຂງ, ປາດຖະໜາໃຫ້ນ້ອງໆນັກຮຽນ ຈົ່ງມີຄວາມອົດທົນ ແລະ ຮໍ່າຮຽນເປັນຢ່າງດີ ເພື່ອບໍ່ໃຫ້ພໍ່ແມ່, ຄູ-ອາຈານ ມີຄວາມຜິດຫວັງ ແລະ ຈະມີການປະກອບສ່ວນຫຼາຍຢ່າງເຂົ້າໃນການກໍ່ສ້າງ ແລະ ພັດທະນາເສດຖະກິດ-ສັງຄົມຂອງປະເທດລາວທີ່ສວຍງາມ; ອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ແລະ ການຮ່ວມມືຮອບດ້ານລະຫວ່າງຫວຽດນາມ - ລາວ ເປັນສີຂຽວຕະຫຼອດໄປ ແລະ ໝັ້ນຄົງຂະໜົງແກ່ນຈົນຊົ່ວກາລະນານ.
ທີ່ການພົບປະ, ຄະນະໄດ້ມອບຄອມພິວເຕີຕັ້ງໂຕະ 1 ເຄື່ອງ, ພັບຂຽນ 3.000 ໂຕໃຫ້ນັກຮຽນ, ເຂົ້າສານ 1 ໂຕນ ໃຫ້ໂຮງຮຽນກິນນອນຊົນເຜົ່າແຂວງຫຼວງນ້ຳທາ. ຂອງຂວັນອັນນ້ອຍນັ້ນແມ່ນບັນດານ້ຳໃຈສະໜິດສະໜົມຂອງກົງສຸນຫວຽດນາມ, ສະມາຄົມ / ຄະນະບໍລິຫານງານຫວຽດນາມ, ຢູ່ 8 ແຂວງພາກເໜືອຂອງລາວ, ແລະ ສະມາຄົມວິສາຫະກິດຫວຽດນາມ ຢູ່ພາກເໜືອລາວ.
ຄຳຮຸ່ງ
