ຄະນະຜູ້ແທນສະພາປະຊາຊົນແຂວງຫຼວງນ້ຳທາ ເຂົ້າພົບປະກັບ ການນຳສະພາປະຊາຊົນແຂວງເຊີນລາ ສສ ຫວຽດນາມ. (ພາບ: baosonla.org.vn)
ທີ່ກອງປະຊຸມພົບປະ, ທ່ານນາງ ເຍິມ ຖິ ເຟືອງ ໄດ້ສະຫຼຸລລາຍງານ ບາງຜົນງານທີ່ພົ້ນເດັ່ນ ໃນຂົງເຂດການພັດທະນາເສດຖະກິດ ຂອງແຂວງເຊີນລາ; ແນະນຳກ່ຽວກັບ ການຈັດຕັ້ງ, ຂັ້ນຕອນການກໍ່ສ້າງ, ການພັດທະນາ ແລະ ການຈັດຕັ້ງປະຕິບັດໜ້າທີ່ກໍ່ຄືພາລະກິດ ຂອງສະພາປະຊາຊົນແຂວງເຊີນລາໃນໄລຍະຜ່ານມາ, ໂດຍສະເພາະແມ່ນປະສິດທິຜົນຂອງບັນດານະໂຍບາຍຕ່າງໆ ທີ່ສະພາປະຊາຊົນຂັ້ນແຂວງ ໄດ້ກໍ່ສ້າງ ແລະ ວາງອອກ. ສະພາປະຊາຊົນແຂວງເຊີນລາ ຄາດວ່າຈະຈັດກອງປະຊຸມແລກປ່ຽນ ກໍ່ຄືການປຶກສາຫາລື ກັບ ບັນດາແຂວງພາກເໜືອຂອງລາວ ກ່ຽວກັບວຽກງານສະພາປະຊາຊົນ, ໂດຍສຸມໃສ່ທັກສະໃນການຕິດຕາມກວດກາ, ການເຂົ້າເຖິງປະຊາຊົນ ຜູ້ມີສິດເລືອກຕັ້ງ, ສ້າງ ແລະ ອອກບັນນະໂຍບາຍຕ່າງໆ; ຈັດຕັ້ງການຢ້ຽມຢາມບັນດາຮູບແບບເສດຖະກິດ ທີ່ໄດ້ຮັບຜົນປະໂຫຍດຈາກນະໂຍບາຍ ທີ່ວາງອອກໂດຍສະພາປະຊາຊົນ ຢູ່ເມືອງ. ທ່ານຫວັງເປັນຢ່າງວ່າ ສະພາປະຊາຊົນສອງແຂວງ ຈະສືບຕໍ່ຊຸກຍູ້ການຮ່ວມມື, ຮ່ວມກັານພັດທະນາໃນຫລາຍຂົງເຂດ, ປະກອບສ່ວນເພີ່ມທະວີຄວາມສາມັກຄີມິດຕະພາບແບບພິເສດ, ການຮ່ວມມືຮອບດ້ານ ລະຫວ່າງສອງພັກ, ສອງລັດ, ສອງແຂວງເວົ້າລວມ ແລະ ສະພາປະຊາຊົນຂອງສອງແຂວງເວົ້າສະເພາະ.
ສະຫາຍ ອຸ່ນຫຼ້າ ເລັ່ງລໍລາດ ໄດ້ມອບໃບຍ້ອງຍໍຂອງ ເລຂາພັກແຂວງ, ເຈົ້າແຂວງໆ ຫຼວງນ້ຳທາ ມອບໃຫ້ສະພາປະຊາຊົນແຂວງເຊີນລາ ສສ ຫວຽດນາມ. (ພາບ: baosonla.org.vn)
ຕາງໜ້າຄະນະຜູ້ແທນສະພາປະຊາຊົນແຂວງຫຼວງນຳ້ທາ, ສະຫາຍ ອຸ່ນຫຼ້າ ເລັ່ງລໍລາດ ໄດ້ສະແດງຄວາມຂອບອົກຂອບໃຈຕໍ່ການຕ້ອນຮັບອັນອົບອຸ່ນ ແລະ ຈິງໃຈ ຂອງສະພາປະຊາຊົນແຂວງເຊີນ; ສະແດງຄວາມເຄົາລົບນັບຖືຄວາມຮັກແພງ ແລະ ຊ່ວຍເຫຼືອຍູ້ໜູນ ຂອງ ສະພາປະຊາຊົນແຂວງເຊີນລາ ທີ່ມອບໃຫ້ ສະພາປະຊາຊົນແຂວງຫຼວງນ້ຳທາ, ໂດຍສະເພາະແມ່ນສ້າງເງື່ອນໄຂໃຫ້ພະນັກງານຂັ້ນແຂວງ ໄດ້ມາຮຽນພາສາຫວຽດ. ຍ້ອນວ່າສະພາປະຊາຊົນແຂວງຫຼວງນ້ຳທາ ຫາກໍ່ໄດ້ຮັບການສ້າງຕັ້ງໃໝ່, ປະກອບກັບ ຍັງມີຄວາມຫຍຸ້ງຍາກຫຼາຍຢ່າງ, ທ່ານຫວັງວ່າໃນໄລຍະຈະມາເຖິງ, ສະພາປະຊາຊົນແຂວງເຊີນລາ ສືບຕໍ່ຊ່ວຍເຫຼືອສະພາປະຊາຊົນແຂວງຫຼວງນຳ້ທາ ໃນບັນດາທັກສະ, ໃນການເຄື່ອນໄຫວສະພາປະຊາຊົນ ແລະ ການກໍ່ສ້າງພະນັກງານສະພາປະຊາຊົນແຂວງ...
ຄະນະຜູ້ແທນຂອງສະພາປະຊາຊົນແຂວງຫລວງນ້ຳທາ ໄດ້ໄປຢ້ຽມຢາມອະນຸສອນສະຖານແຫ່ງຊາດພິເສດຄຸກເຊີນລາ. (ພາບ: baosonla.org.vn)
ເນື່ອງໃນໂອກາດນີ້, ສະຫາຍ ອຸ່ນຫຼ້າ ເລັ່ງລໍລາດ ໄດ້ມອບໃບຍ້ອງຍໍ ຂອງເລຂາພັກແຂວງ, ເຈົ້າແຂວງໆຫຼວງນ້ຳທາ ໃຫ້ສະພາປະຊາຊົນແຂວງເຊີນລາ. ໃນການຢ້ຽມຢາມ ແລະ ເຮັດວຽກ ຢູ່ແຂວງເຊີນລາ, ຄະນະຜູ້ແທນສະພາປະຊາຊົນແຂວງຫຼວງນຳ້ທາ ໄດ້ມາຖະຫວາຍທູບທຽນ ຢູ່ ອະນຸສາວະລີວິລະຊົນ ຂອງຄຸກເຊີນລາ ແລະ ຢ້ຽມຢາມ ອະນຸສອນສະຖານແຫ່ງຊາດພິເສດ ຄຸກເຊີນລາ.
（ຫັດທະບູນ）
