ການນໍາແຂວງຫົວພັນ ຢ້ຽມຢາມ ແລະອວຍພອນບຸນເຕັດອົງຄະນະພັກ, ອໍານາດການປົກຄອງ ແລະປະຊາຊົນບັນດາເຜົ່າແຂວງແທັງຮວ໊າ

	ການນໍາກະຊວງພາຍໃນ ແລະຄະນະສາສະໜາລັດຖະບານ ຮັບຫຼຽນໄຊຂອງພັກ ແລະລັດລາວ
	ການນໍາແຂວງບ່າເຣ້ຍ-ຫວູງເຕົ່າ ຢ້ຽມຢາມ ແລະເຮັດວຽກຢູ່ ແຂວງຊຽງຂວາງ

ຕອນບ່າຍວັນທີ 22 ມັງກອນ, ສະຫາຍ ໂດ້ຈ້ອງຮືງ, ເລຂາພັກແຂວງ, ປະທານສະພາປະຊາຊົນແຂວງແທັງຮວ໊າ, ສສ.ຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງແຂວງຫົວພັນ ນໍາໂດຍສະຫາຍ ຄໍາແພງ ໄຊສົມແພງ, ເລຂາພັກແຂວງ, ເຈົ້າແຂວງຫົວພັນ, ສປປ ລາວ ໄດ້ມາອວຍພອນບຸນປີໃໝ່ປະຈໍາຊາດ ປີມະໂລງ 2024 ອົງຄະນະພັກ, ອໍານາດການປົກຄອງ ແລະປະຊາຊົນບັນດາເຜົ່າແຂວງແທັງຮວ໊າ.

ບັນຍາກາດທີ່ການຕ້ອນຮັບ. ພາບ: baothanhhoa.vn

ທີ່ການຕ້ອນຮັບ, ສະຫາຍ ຄໍາແພງ ໄຊສົມແພງ ຫວັງວ່າ ໃນໄລຍະຈະມາເຖິງ, ສອງແຂວງຈະສືບຕໍ່ຮ່ວມແຮງຮ່ວມໃຈເພີ່ມພູນຄູນສ້າງ, ພັດທະນາສາຍພົວພັນຮ່ວມມືໃຫ້ຂຶ້ນສູ່ລະດັບສູງໃໝ່ ແລະນັບມື້ນັບດີງາມ, ໝັ້ນແກ່ນກວ່າອີກ. ເນື່ອງໃນໂອກາດກະກຽມຕ້ອນຮັບບຸນປີໃໝ່ປະຈໍາຊາດຂອງຫວຽດນາມ - ປີມະໂລງ 2024, ໂດຍຕາງໜ້າໃຫ້ອົງຄະນະພັກ, ອໍານາດການປົກຄອງ ແລະປະຊາຊົນລາວບັນດາເຜົ່າແຂວງຫົວພັນ, ສະຫາຍ ຄໍາແພງ ໄຊສົມແພງ ໄດ້ສົ່ງພອນໄຊອັນປະເສີດມາຍັງອົງຄະນະພັກ, ອໍານາດການປົກຄອງ ແລະປະຊາຊົນບັນດາເຜົ່າແຂວງແທັງຮວ໊າ ປີໃໝ່ຈົ່ງມີໄຊຊະນະໃໝ່ຫຼາຍຢ່າງ.

ສະຫາຍ ຄໍາແພງ ໄຊສົມແພງ ມອບຂອງຂວັນໃຫ້ແຂວງແທັງຮວ໊າ. ພາບ: baothanhhoa.vn

ຕາງໜ້າການນຳແຂວງແທັງຮວ໊າ, ສະຫາຍ ໂດ້ຈ້ອງຮືງ ໄດ້ສະແດງຄວາມປິຕິຊົມຊື່ນຕໍ່ສາຍພົວພັນລະຫວ່າງສອງປະເທດ ແລະສອງແຂວງໃນໄລຍະມໍ່ໆມານີ້, ສືບຕໍ່ໄດ້ຮັບການປັບປຸງ, ເພີ່ມທະວີ ແລະພັດທະນາຂຶ້ນສູ່ລະດັບໃໝ່, ນັບມື້ນັບເລິກເຊິ່ງ, ຮອບດ້ານກວ່າອີກ, ບັນລຸໄດ້ໝາກຜົນທີ່ແທດຈິງ ແລະສໍາຄັນໃນແຕ່ລະຂົງເຂດ.

ສະຫາຍ ໂດ້ຈ້ອງຮືງ ສະແດງຄວາມຂອບອົກຂອບໃຈຕໍ່ນໍ້າໃຈ ແລະຄຳອວຍພອນທີ່ດີງາມເຊິ່ງສະຫາຍ ຄໍາແພງ ໄຊສົມແພງ ໄດ້ຕາງໜ້າໃຫ້ຄະນະຜູ້ແທນຂັ້ນສູງ ແລະອົງຄະນະພັກ, ອໍານາດການປົກຄອງ ແລະປະຊາຊົນລາວບັນດາເຜົ່າແຂວງຫົວພັນ ທີ່ສະຫງວນໃຫ້ອົງຄະນະພັກ, ອໍານາດການປົກຄອງ ແລະປະຊາຊົນບັນດາເຜົ່າແຂວງແທັງຮວ໊າ, ເນື່ອງໃນໂອກາດບຸນປີໃໝ່ປະຈໍາຊາດຂອງຫວຽດນາມ. ຂໍອວຍພອນໃຫ້ນໍ້າໃຈມິດຕະພາບຂອງແຂວງແທັງຮວ໊າ-ຫົວພັນ ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ.