| ການນໍາແຂວງກວາງບິ່ງ ເຮັດວຽກກັບຄະນະຜູ້ແທນລາວ ແລະ ອົດສະຕາລີ ປະຈຳຫວຽດນາມ | |
| ການນໍານະຄອນໂຮ່ຈີມິນ ຕ້ອນຮັບກໍາມະການກົມການເມືອງ, ຜູ້ປະຈໍາການຄະນະເລຂາທິການສູນກາງພັກກອມມູນິດ ກູບາ |
ວັນທີ 18 ທັນວາ, ຢູ່ຮ່າໂນ້ຍ, ໄດ້ດຳເນີນພິທີປະດັບຫຼຽນໄຊ, ຫຼຽນກາຂອງພັກ, ລັດ ແຫ່ງ ສປປ ລາວ ໃຫ້ບັນດາບຸກຄົນທີ່ມີຜົນງານດີເດັ່ນໃນການເສີມຂະຫຍາຍສາຍພົວພັນມິດຕະພາບຫວຽດນາມ-ລາວ.
ຕາມລັດຖະດຳລັດທີ່ໄດ້ປະກາດໃນພິທີ, ທ່ານປະທານປະເທດ ແຫ່ງ ສປປ ລາວ ໄດ້ຕົກລົງປະດັບຫຼຽນໄຊອິດສະຫຼະ ຊັ້ນ III ໃຫ້ບັນດາສະຫາຍຄື: ສະຫາຍ ຫວູ້ຈຽນຖັງ, ຮອງລັດຖະມົນຕີກະຊວງພາຍໃນ; ສະຫາຍ ຮວ່າງຊວນເລືອງ, ອະດີດຮອງປະທານຄະນະກໍາມະການຊົນເຜົ່າ; ປະດັບຫຼຽນໄຊແຮງງານ ຊັ້ນ III ໃຫ້ 6 ຄົນ ແລະຫຼຽນກາແຮງງານ ໃຫ້ແກ່ 8 ຄົນ ຂອງຄະນະກໍາມະການຊົນເຜົ່າ ແລະຄະນະສາສະໜາລັດຖະບານ (ກະຊວງພາຍໃນ).
 |
| ບັນຍາກາດທີ່ພິທີ. ພາບ: btgcp.gov.vn |
ຕໍ່ຈາກນັ້ນ, ໂດຍໄດ້ຮັບມອບສິດຈາກທ່ານນາຍົກລັດຖະມົນຕີລາວ, ທ່ານ ຄໍາໄຫຼ ສີປະເສີດ ກຳມະການສູນກາງພັກປະຊາຊົນປະຕິວັດລາວ, ຮອງປະທານຜູ້ປະຈໍາການສູນກາງແນວລາວສ້າງຊາດ ໄດ້ມອບລາງວັນອັນສູງສົ່ງໃຫ້ແກ່ບັນດາບຸກຄົນ; ຮັບຮູ້ບັນດາຜົນງານດີເດັ່ນຂອງການນຳ ແລະພະນັກງານຫຼັກແຫຼ່ງຂອງສອງອົງການທີ່ໄດ້ປະກອບສ່ວນຊຸກຍູ້ການພົວພັນຮ່ວມມືລະຫວ່າງຄະນະກໍາມະການສູນກາງແນວລາວສ້າງຊາດ ແລະຄະນະກຳມະການຊົນເຜົ່າ, ຄະນະສາສະໜາລັດຖະບານ.
ຕາມທ່ານ ຄຳໄຫຼ ສີປະເສີດ ແລ້ວ, ໃນໄລຍະຜ່ານມາ, ພັກ, ລັດ ແລະປະຊາຊົນຫວຽດນາມ ໄດ້ເອົາໃຈໃສ່ສະໜັບສະໜູນ, ຊ່ວຍເຫຼືອໃຫ້ແກ່ພັກ, ລັດ ແລະປະຊາຊົນລາວໃນຫຼາຍດ້ານ; ໃນນັ້ນ, ຄະນະກຳມະການຊົນເຜົ່າ ແລະຄະນະສາສະໜາລັດຖະບານ ໄດ້ເສີມຂະຫຍາຍການພົວພັນມິດຕະພາບ, ຄວາມສາມັກຄີແບບພິເສດ ແລະການຮ່ວມມືກັບຄະນະກໍາມະການສູນກາງແນວລາວສ້າງຊາດ, ພິເສດແມ່ນໄດ້ລົງນາມໃນຂໍ້ຕົກລົງຮ່ວມມືໃນແຕ່ລະໄລຍະ. ການນຳ, ພະນັກງານຫຼັກແຫຼ່ງຂອງສອງອົງການໄດ້ກາຍເປັນຄູ່ຮ່ວມມື, ເອົາໃຈໃສ່ຈັດຕັ້ງຜັນຂະຫຍາຍບັນດາເນື້ອໃນຂອງຂໍ້ຕົກລົງຮ່ວມມື ໃຫ້ບັນລຸໄດ້ໝາກຜົນທີ່ດີ.
ທ່ານຮອງລັດຖະມົນຕີ ຫວູ້ຈຽນຖັງ ເຊື່ອໝັ້ນວ່າ ໃນໄລຍະຈະມາເຖິງ, ສອງອົງການທີ່ເຮັດວຽກງານສາສະໜາ, ຊົນເຜົ່າຢູ່ຫວຽດນາມ ແລະຄະນະກຳມະການສູນກາງແນວລາວສ້າງຊາດ ຈະສົມທົບກັນປະຕິບັດຂໍ້ຕົກລົງຮ່ວມມືຢ່າງມີປະສິດທິຜົນກວ່າອີກ; ເພີ່ມທະວີການເຄື່ອນໄຫວແລກປ່ຽນຄະນະຄົ້ນຄ້ວາ, ແລກປ່ຽນບົດຮຽນປະສົບການກ່ຽວກັບວຽກງານສາສະໜາ, ຊົນເຜົ່າ.
ບູນມີ
