| ຫວຽດນາມ - ຈຸດທີ່ດຶງດູດຂອງພາກພື້ນ ອາຊີ ໃນລະດູການທ່ອງທ່ຽວ 2024 | |
| ຖືເປັນສຳຄັນການຂົນຂວາຍປະຕິບັດໂຄງການລົບລ້າງເຮືອນຢູ່ຊົ່ວຄາວໃນປີ 2024 |
ຕາມທ່ານ ຟານແອງເຊີນ ແລ້ວ, ໃນປີ 2024 ສະມາຄົມ ຫວຽດນາມ - ອາເມລິກາ ຕ້ອງສຸມໃສ່ 4 ວຽກງານຈຸດສຸມຄື: ປັບປຸງການຈັດຕັ້ງຂອງສະມາຄົມ; ຄົ້ນຄວ້າ ແລະ ພິຈາລະນາການຈັດຕັ້ງສັບປະດາວິສາຫະກິດ ຫວຽດນາມ ຢູ່ ອາເມລິກາ ຜ່ານສູນສົ່ງເສີມການຄ້າ ຫວຽດນາມ - ອາເມລິກາ; ຕີລາຄາ, ຮັບຮູ້, ສ້າງ “ແຜນທີ່” ບັນດາຄູ່ຮ່ວມມືຂອງສະມາຄົມ ແລະ VUFO ບົນຊ່ອງທາງປະຊາຊົນໃນການພົວພັນກັບ ອາເມລິກາ; ຜັນຂະຫຍາຍຂໍ້ຕົກລົງທີ່ສະມາຄົມໄດ້ລົງນາມ.
 |
ກອງປະຊຸມສະຫລຸບວຽກງານປີ 2023 ແລະ ທິດທາງການເຄື່ອນໄຫວປີ 2024 |
ໂດຍປາດຖະໜາວ່າ ສະມາຄົມ ຫວຽດນາມ - ອາເມລິກາ ຈະມີບັນດາການເຄື່ອນໄຫວທີ່ຕັ້ງໜ້າໃນອະນາຄົດ, ທ່ານ ຟານແອງເຊີນ ໃຫ້ຮູ້ວ່າ: VUFO ຈະພ້ອມກັບສະມາຄົມ ແລະ ແລກປ່ຽນຢ່າງເປັນປະຈຳ ເພື່ອໜູນຊ່ວຍວຽກງານຂອງສະມາຄົມໃຫ້ດີກ່ວາອີກ.
ຕາມບົດລາຍງານ ແລະ ບັນດາກ່າວຄຳປາໄສທີ່ກອງປະຊຸມ: ໃນປີ 2023, ສະພາບການຂອງໂລກ ແລະ ພາກພື້ນໄດ້ມີການປ່ຽນແປງຢ່າງວ່ອງໄວ, ສັບສົນ, ຄາດເດົາໄດ້ຍາກ, ການພົວພັນ ຫວຽດນາມ - ອາເມລິກາ ສືບຕໍ່ຢູ່ໃນທ່ວງທ່າພັດທະນາຢ່າງດີງາມຈາກຊຸ່ມປີທີ່ຜ່ານມາ. ພິເສດແມ່ນໃນປີສະເຫຼີມສະຫຼອງ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຮອບດ້ານຫວຽດນາມ - ອາເມລິກາ ໄດ້ມີຫລາຍການເຄື່ອນໄຫວທາງການທູດທີ່ມີຄວາມໝາຍປະຫວັດສາດລະຫວ່າງ 2 ປະເທດ. ໂດດເດັ່ນແມ່ນ, 2 ປະເທດໄດ້ຍົກລະດັບການພົວພັນຂຶ້ນສູ່ລະດັບການພົວພັນຄູ່ຮ່ວມມືຍຸດທະສາດຮອບດ້ານເພື່ອສັນຕິພາບ, ການຮ່ວມມື ແລະ ພັດທະນາແບບຍືນຍົງ ເນື່ອງໃນໂອກາດທ່ານປະທານາທິບໍດີ ອາເມລິກາ Joe Biden ມາຢ້ຽມຢາມ ຫວຽດນາມ ແຕ່ວັນທີ 10-11 ກັນຍາ 2023.
ໃນສະພາບການນັ້ນ, ສະມາຄົມ ຫວຽດນາມ - ອາເມລິກາ ໄດ້ຜັນຂະຫຍາຍຫລາຍການເຄື່ອນໄຫວທີ່ຟົດຟື້ນ. ພິເສດ, ສະມາຄົມໄດ້ສົມທົບກັນຈັດຕັ້ງລາຍການສະເຫຼີມສະຫຼອງ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຮອບດ້ານ ແລະ ຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມລິກາ ໂດຍ VUFO ເປັນເຈົ້າພາບໃນວັນທີ 2 ທັນວາ 2023. ໃນນັ້ນມີກອງປະຊຸມທວນຄືນ 10 ປີແຫ່ງການພົວພັນຄູ່ຮ່ວມມືຮອບດ້ານ ແລະ ການຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມລິກາ ເພື່ອສັນຕິພາບ, ການຮ່ວມມື ແລະ ພັດທະນາແບບຍືນຍົງ ແລະ ເຫດການແລກປ່ຽນມິດຕະພາບ ຫວຽດນາມ - ອາເມລິກາ ໄດ້ດຶງດູດກ່ວາ 3.000 ຄົນເຂົ້າຮ່ວມ.
ປີ 2023, ສະມາຄົມໄດ້ຕ້ອນຮັບ ແລະ ສັບຊ້ອນລາຍການເຮັດວຽກຢູ່ ຫວຽດນາມ ໃຫ້ 11 ຄະນະເພື່ອນມິດ, ຄູ່ຮ່ວມມື ອາເມລິກາ ກັບກຸ່ມພາກສ່ວນທີ່ຫຼາກຫຼາຍຄື: ນັກເຄື່ອນໄຫວສັນຕິພາບ, ນັກຮົບເກົ່າ, ຍາດຕິພີ່ນ້ອງຂອງນັກຮົບເສຍສະຫຼະຊີວິດເພື່ອຊາດ, ນັກຮຽນ, ນັກສຶກສາ, ເອກອັກຄະລັດຖະທູດມິດຕະພາບ, ບັນດາອົງການກ່ຽວກັບສາສະໜາ... ບັນດາລາຍການເຮັດວຽກ, ການພົວພັນ, ແລກປ່ຽນ ໄດ້ຊ່ວຍເພີ່ມທະວີຄວາມເຂົ້າອົກເຂົ້າໃຈຂອງເພື່ອນມິດ ແລະ ຄູ່ຮ່ວມມື ອາເມລິກາ ກ່ຽວກັບ ຫວຽດນາມ, ປະກອບສ່ວນເພີ່ມທະວີການປັບປຸງຊ່ອງທາງແລກປ່ຽນປະຊາຊົນລະຫວ່າງສອງປະເທດ.
ໃນການປະຕິບັດງານໄກ່ເກ່ຍ, ລະດົມການຊ່ວຍເຫຼືອ, ສະມາຄົມລະດົມ, ສົມທົບກັບບັນດາອົງການນັກຮົບເກົ່າ ອາເມລິກາ ແລະ ບັນດາອົງການຂອງຍາດຕິພີ່ນ້ອງຂອງບັນດານັກຮົບ ອາເມລິກາ ທີ່ເຂົ້າຮ່ວມສົງຄາມ/ເສຍຊີວິດຢູ່ ຫວຽດນາມ (ເຊັ່ນ: ອົງການຈັດຕັ້ງໂຄງການ 2 ຝ່າຍ - 2SP; ອົງການຈັດຕັ້ງນັກຮົບເກົ່າ ອາເມລິກາ ທີ່ເຂົ້າຮ່ວມສົງຄາມ ຫວຽດນາມ - VVA; ອົງການຈັດຕັ້ງນັກຮົບເກົ່າເພື່ອສັນຕິພາບ - VFP...) ຜັນຂະຫຍາຍບັນດາລາຍການໜູນຊ່ວຍປະຊາຊົນທີ່ປະສົບກັບຄວາມຫຍຸ້ງຍາກ, ຜູ້ຖືກເຄາະຮ້າຍຈາກທາດພິດສີສົ້ມ, ລະເບີດຝັງດິນທີ່ຍັງບໍ່ທັນແຕກຢູ່ ຫວຽດນາມ.
ການປະຕິບັດງານສົມທົບກັບບັນດາສະມາຄົມມິດຕະພາບ ຫວຽດນາມ - ອາເມລິກາ ຢູ່ທ້ອງຖິ່ນ ໄດ້ຮັບການຊຸກຍູ້. ສະມາຄົມໄດ້ແລກປ່ຽນ, ສົມທົບກັບບັນດາທ້ອງຖິ່ນຂອງ ຫວຽດນາມ - ອາເມລິກາ ເປັນປະຈຳ ໃນການຕ້ອນຮັບ ແລະ ນຳບັນດາຄະນະເພື່ອນມິດ ອາເມລິກາ ໄປເຮັດວຽກຢູ່ທ້ອງຖິ່ນ; ແນະນຳ, ໃຫ້ຄຳປຶກສາທ້ອງຖິ່ນກ່ຽວກັບຂະບວນການ ແລະ ລະບຽບການສ້າງຕັ້ງສະມາຄົມຊາວ ຫວຽດນາມ - ອາເມລິກາ ຂອງທ້ອງຖິ່ນ.
ທີ່ກອງປະຊຸມ, ທ່ານເອກອັກຄະລັດຖະທູດ ຟ້າມກວາງວິງ, ປະທານສະມາຄົມ ຫວຽດນາມ - ອາເມລິກາ ໄດ້ມອບໃບຍ້ອງຍໍໃຫ້ 3 ກຸ່ມ ແລະ 4 ບຸກຄົນທີ່ໄດ້ປະກອບສ່ວນຫຼາຍຢ່າງເຂົ້າໃນວຽກງານການທູດປະຊາຊົນ ຫວຽດນາມ - ອາເມລິກາ ໃນປີ 2023.
ມິງດຶກ
