| ສະມາຄົມນັກຮົບເກົ່າ ແຂວງ ເຊີນລາ - ແຂວງໄຊຍະບູລີ (ລາວ) ຊຸກຍູ້ການແລກປ່ຽນປະສົບການໃນການປະຕິບັດໜ້າທີ່ຢ່າງມີປະສິດທິຜົນ | |
| ເຊີນລາ: ປິດຊຸດຝຶກອົບຮົມວິຊາການຊາຍແດນໃຫ້ພະນັກງານກອງທັບປະຊາຊົນລາວ ປີ 2023 |
ວັນທີ 7 ມັງກອນ, ຢູ່ແຂວງ ໄຊສົມບູນ, ໄດ້ດຳເນີນພິທີເປີດສະຫຼອງ ແລະມອບ-ຮັບໂຄງການກໍ່ສ້າງສວນສາທາລະນະມິດຕະພາບ ໄຊສົມບູນ-ເຊີນລາ ຢູ່ ລາວ. ນີ້ແມ່ນຂອງຂວັນຂອງອົງຄະນະພັກ, ອຳນາດການປົກຄອງ ແລະປະຊາຊົນບັນດາເຜົ່າແຂວງ ເຊີນລາ ມອບໃຫ້ແກ່ອົງຄະນະພັກ, ອຳນາດການປົກຄອງ ແລະປະຊາຊົນບັນດາເຜົ່າແຂວງ ໄຊສົມບູນ, ທັງແມ່ນໝາກຜົນຂໍ້ຕົກລົງຮ່ວມມືລະຫວ່າງສອງແຂວງໄລຍະ 2022-2024 ແລະເປັນສັນຍາລັກກ່ຽວກັບຄວາມສາມັກຄີ, ມິດຕະພາບລະຫວ່າງສອງທ້ອງຖິ່ນ.
 |
| ພິທີປີດສະຫຼອງສວນສາທາລະນະມິດຕະພາບ ໄຊສົມບູນ-ເຊີນລາ. ພາບ: sonla.gov.vn |
ສວນສາທາລະນະມິດຕະພາບ ໄຊສົມບູນ-ເຊີນລາ ຕັ້ງຢູ່ບ້ານ ພູຫົວຊ້າງ, ເມືອງອະນຸວົງ, ແຂວງ ໄຊສົມບູນ, ເລີ່ມລົງມືກໍ່ສ້າງໃນເດືອນຕຸລາປີ 2022 ໃນເນື້ອທີ່ 5.700 m2.
ພາຍຫຼັງກິດຈະກຳດັ່ງກ່າວກໍ່ສ້າງສໍາເລັດ ແລະເປີດນໍາໃຊ້ນັ້ນ ກໍ່ຈະເປັນບ່ອນຈັດຕັ້ງບັນດາກິດຈະກຳທີ່ສຳຄັນຂອງແຂວງໄຊສົມບູນ; ຊ່ວຍໃຫ້ລຸ້ນໜຸ່ມ ແລະປະຊາຊົນໃນບໍລິເວນມີຄວາມເຂົ້າໃຈກ່ຽວກັບສາຍພົວພັນແບບພິເສດຫວຽດນາມ - ລາວ ເວົ້າລວມ ແລະສອງແຂວງ ເຊີນລາ ແລະແຂວງໄຊສົມບູນ ເວົ້າສະເພາະ ຢ່າງເລິກເຊິ່ງກວ່າອີກ. ໃນຊຸມປີຜ່ານມາ, ການພົວພັນມິດຕະພາບ ແລະການຮ່ວມມືຮອບດ້ານລະຫວ່າງແຂວງ ເຊີນລາ ແລະແຂວງໄຊສົມບູນ ໄດ້ຮັບການພັດທະນາຢ່າງບໍ່ຢຸດຢັ້ງ, ບັນລຸໄດ້ຜົນງານອັນດີງາມຫຼາຍຢ່າງໃນບັນດາຂົງເຂດ, ຜ່ານນັ້ນ ກໍ່ປະກອບສ່ວນສຳຄັນເຂົ້າໃນພາລະກິດແຫ່ງການສ້າງສາ ແລະພັດທະນາເສດຖະກິດ - ສັງຄົມ, ປັບປຸງການປ້ອງກັນຊາດ-ປ້ອງກັນຄວາມສະຫງົບ, ຮັບປະກັນຊີວິດການເປັນຢູ່ຂອງປະຊາຊົນສອງແຂວງໃຫ້ເປັນປົກກະຕິ.
ບູນມີ
