| 33 ບົດຂຽນດີເດັ່ນໄດ້ຮັບລາງວັນສື່ມວນຊົນກ່ຽວກັບຫົວຂໍ້ໄພພິບັດທາດພິດສີສົ້ມຢູ່ຫວຽດນາມ | |
| ວົງເງິນການນຳເຂົ້າ - ສົ່ງອອກຂອງ ຫວຽດນາມ ເພີ່ມຂຶ້ນ 33% |
ແຕ່ວັນທີ 25-27 ທັນວາ, ຢູ່ນະຄອນ ນິ່ງບິງ ໄດ້ດຳເນີນກອງປະຊຸມສາມັນປະຈຳປີຄັ້ງທີ 33 ລະຫວ່າງຄະນະຜູ້ແທນຊາຍແດນ ຫວຽດນາມ - ລາວ.
ຄະນະຜູ້ແທນ ຫວຽດນາມ ໂດຍສະຫາຍ ຫງວຽນມິງຫວູ, ຮອງລັດຖະມົນຕີກະຊວງການຕ່າງປະເທດ, ປະທານຄະນະກຳມະການຊາຍແດນແຫ່ງຊາດ ເປັນຫົວໜ້າຄະນະ.
ຄະນະຜູ້ແທນ ລາວ ໂດຍສະຫາຍ ໂພໄຊ ໄຂຄຳພິທູນ, ຮອງລັດຖະມົນຕີກະຊວງການຕ່າງປະເທດ, ຫົວໜ້າຄະນະຊາຍແດນ ລາວ - ຫວຽດນາມ ເປັນຫົວໜ້າຄະນະກັບການເຂົ້າຮ່ວມຂອງຜູ້ຕາງໜ້າບັນດາກະຊວງ, ຂະແໜງການທີ່ກ່ຽວຂ້ອງ ແລະ ບັນດາແຂວງຊາຍແດນຂອງສອງປະເທດ.
 |
ບັນຍາກາດທີ່ກອງປະຊຸມ |
ບົນຈິດໃຈມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ, ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, 2 ຝ່າຍໄດ້ປຶກສາຫາລື, ຕີລາຄາສະພາບການ, ໝາກຜົນການປະຕິບັດສັນຍາກ່ຽວກັບລະບຽບຂໍ້ກຳນົດຄຸ້ມຄອງຊາຍແດນ ແລະ ດ່ານຊາຍແດນດິນຕໍ່ແຜ່ນລະຫວ່າງລັດຖະບານ ຫວຽດນາມ - ລາວ ໃນປີ 2016 (ຕໍ່ໄປນີ້ເອີ້ນວ່າ "ສັນຍາລະບຽບຂໍ້ກຳນົດຊາຍແດນ 2016"); ບົດບັນທຶກກອງປະຊຸມສາມັນປະຈຳປີ ຄັ້ງທີ 32 ລະຫວ່າງຄະນະຜູ້ແທນຊາຍແດນສອງປະເທດ, ໝາກຜົນການຮ່ວມມືໃນປີ 2023 ແລະ ວາງອອກທິດທາງການຮ່ວມມື, ຈຸດສຸມວຽກງານໃນປີ 2024.
2 ຝ່າຍໃຫ້ຄຳເຫັນວ່າ: ປີ 2023, ບັນດາກຳລັງປະຕິບັດໜ້າທີ່ ແລະ ທ້ອງຖິ່ນຂອງ 2 ຝ່າຍສືບຕໍ່ສົມທົບກັນຢ່າງແໜ້ນແຟ້ນໃນການຄຸ້ມຄອງ, ປົກປັກຮັກສາຊາຍແດນ, ຈັດຕັ້ງປະຕິບັດສັນຍາລະບຽບຂໍ້ກຳນົດຊາຍແດນ 2016 ຢ່າງມີຜົນ, ຮັກສາເສັ້ນຊາຍແດນໃຫ້ໝັ້ນຄົງ, ພົບເຫັນ, ສະກັດກັ້ນ, ແກ້ໄຂບັນດາການເຄື່ອນໄຫວອາດຊະຍາກຳ ແລະ ການກິລິຍາລະເມີດຊາຍແດນ, ຫຼັກໝາຍຊາຍແດນຢ່າງທັນການ; ຮັກສາການພົວພັນມິດຕະພາບອັນສະໜິດແໜ້ນ, ຄວາມສາມັກຄີ, ຕິດພັນກັນ ໂດຍຜ່ານລະບອບລວມມອບວຽກປະຈຳໄລຍະ, ແລກປ່ຽນຂໍ້ມູນຂ່າວສານ ແລະ ການລາດຕະເວນສອງຝ່າຍ...
ທີ່ກອງປະຊຸມ, ຫົວໜ້າຄະນະຜູ້ແທນຊາຍແດນ 2 ຝ່າຍໄດ້ປຶກສາຫາລືຢ່າງເລິກເຊິ່ງ ແລະ ເຫັນດີເປັນເອກະພາບກ່ຽວກັບຄວາມຮັບຮູ້ຮ່ວມທີ່ສຳຄັນກ່ຽວກັບທິດທາງ, ໜ້າທີ່ຮ່ວມມືໃນປີ 2024, ລວມມີ:
- ຈະສືບຕໍ່ສົມທົບກັນປະຕິບັດອະນຸສັນຍາກ່ຽວກັບເສັ້ນຊາຍແດນ ແລະ ຫຼັກໝາຍຊາຍແດນແຫ່ງຊາດ, ສັນຍາລະບຽບຂໍ້ກຳນົດຊາຍແດນ 2016 ໃຫ້ເປັນຢ່າງດີ.
- ຟື້ນຟູຄວາມຫຍຸ້ງຍາກ, ປະສານສົມທົບໃນການຜັນຂະຫຍາຍການສ້າງຄືນ, ຟື້ນຟູບັນດາຫຼັກຊາຍແດນ ທີ່ໄດ້ຮັບຄວາມເສຍຫາຍ, ຖືກນໍ້າຖ້ວມ, ໃນນັ້ນ ບູຣິມະສິດແກ້ໄຂບັນດາກໍລະນີເສຍຫາຍຮ້າຍແຮງ ແລະ ດິນເຈື່ອນ...
- ເປັນເຈົ້າການ, ຕັ້ງໜ້າລົງທຶນກໍ່ສ້າງພື້ນຖານໂຄງລ່າງ, ທາງຄົມມະນາຄົມ ເພື່ອຊຸກຍູ້ການຜັນຂະຫຍາຍປະຕິບັດງານເປີດ, ປັບປຸງດ່ານຊາຍແດນ ເພື່ອຕອບສະໜອງຄວາມຕ້ອງການໃນການພັດທະນາເສດຖະກິດ - ສັງຄົມ ແລະ ການແລກປ່ຽນລະຫວ່າງບັນດາທ້ອງຖິ່ນຂອງສອງປະເທດ, ຮັບປະກັນປະສິດທິຜົນການເຄື່ອນໄຫວກໍຄືຄວາມເໝາະສົມ, ຄົບຊຸດລະຫວ່າງສອງຝ່າຍ; ບູຣິມະສິດເປີດ, ປັບປຸງບັນດາດ່ານຊາຍແດນຄູ່ທີ່ມີມາດຖານຕາມລະບຽບກົດໝາຍພາຍໃນຂອງແຕ່ລະປະເທດ.
- ອົງການຫນ້າທີ່ຂອງທັງສອງຝ່າຍໄດ້ແລກປ່ຽນ, ເຫັນດີເປັນເອກະພາບກ່ຽວກັບຮູບແບບເອກະສານ ເພື່ອສ້າງເງື່ອນໄຂສະດວກໃຫ້ຊາວເຂດຊາຍແດນເດີນທາງໄປມາ.
- ສຸມໃສ່ປ່ຽນແປງໃໝ່ເນື້ອໃນໂຄສະນາເຜີຍແຜ່, ໂດຍສະເພາະແມ່ນຕ້ອງເພີ່ມທະວີການນຳໃຊ້ເຕັກໂນໂລຊີຂໍ້ມູນຂ່າວສານ, ພື້ນຖານດິຈິຕອລ... ມຸ່ງໄປສູ່ແຕ່ລະເປົ້າໝາຍໂຄສະນາເຜີຍແຜ່ລະອຽດ ເພື່ອເພີ່ມເປັນລັກສະນະຂ່າວ, ແຜ່ຂະຫຍາຍ ແລະ ປະສິດທິຜົນຂອງວຽກງານນີ້.
- ເພີ່ມທະວີການໂຄສະນາເຜີຍແຜ່ ແລະ ສຶກສາລຸ້ນໜຸ່ມຂອງສອງປະເທດກ່ຽວກັບສາຍພົວພັນມິດຕະພາບທີ່ເປັນມູນເຊື້ອແບບພິເສດ ຫວຽດນາມ - ລາວ... ແລະ ເປີດກວ້າງການຄົ້ນຄ້ວາ ແລະ ກວດກາຄືນບັນດາເນື້ອໃນທີ່ຕ້ອງໄດ້ປັບປຸງ, ເພີ່ມເຕີມຂອງສັນຍາລະບຽບຂໍ້ກຳນົດຊາຍແດນ ປີ 2016. ຄວາມເປັນເອກະພາບ, ຄວາມສະດວກໃນການປະຕິບັດ ແລະ ເໝາະສົມກັບສະພາບການໃໝ່.
ຕອນເຊົ້າວັນທີ 27 ທັນວາ, ຢູ່ສຳນັກງານຫ້ອງການພັກແຂວງ, ສະຫາຍ ຟ້າມກ່ວາງຫງອກ, ຮອງເລຂາຄະນະພັກແຂວງ, ປະທານຄະນະກຳມະການປະຊາຊົນແຂວງ ນິ່ງບິງ ໄດ້ຕ້ອນຮັບ ແລະ ມີການໂອ້ລົມສົນທະນາຢ່າງສະໜິດສະໜົມກັບສະຫາຍ ໂພໄຊ ໄຂຄຳພິທູນ, ສະຫາຍ ຫງວຽນມິງຫວູ ແລະ ຜູ້ຕາງໜ້າຂອງສອງປະເທດ.
ໃນຕອນທ້າຍຂອງກອງປະຊຸມ, ສອງຝ່າຍໄດ້ລົງນາມໃນບົດບັນທຶກຮັບຮູ້ບັນດາເນື້ອໃນທີ່ໄດ້ເຫັນດີເປັນເອກະພາບ ແລະ ເປັນເອກະພາບຈັດຕັ້ງກອງປະຊຸມສາມັນປະຈຳປີຄັ້ງທີ 34 ລະຫວ່າງຄະນະຜູ້ແທນຊາຍແດນ ຫວຽດນາມ - ລາວ ໃນທ້າຍໄຕມາດທີ 4 ປີ 2024 ຢູ່ລາວ.
ມິງດຶກ
