ນາຍົກລັດຖະມົນຕີ ສສ ຫວຽດນາມ ກ່າວວ່າ: “ສັງຄົມຍັງບໍ່ທັນເຂົ້າໃຈເລິກເຊິ່ງ ເຖິງຄວາມລຳບາກຂອງ ຄູ”

ໃນໂອກາດຄົບຮອບ ວັນຄູແຫ່ງຊາດຫວຽດນາມ, ຕອນບ່າຍ ວັນທີ 19 ພະຈິກ, ຢູ່ຫ້ອງວ່າການລັດຖະບານ, ນາຍົກລັດຖະມົນຕີ ຫງວ໋ຽນ ຊວນຟຸ໋ກ ໄດ້ພົບປະຄູອາຈານ, ພະນັກງານ ຄຸ້ມຄອງການສຶກສາ ຈຳນວນ 200 ຄົນ,

ນາຍົກລັດຖະມົນຕີໄດ້ແບ່ງປັນວ່າ: ເຄິ່ງເດືອນກ່ອນ, ທ່ານໄດ້ຮູ້ຈັກເລື່ອງ ອ້າຍຄູ ເຖ້ ຢູ່ເມືອງມາງທີ້້ດ, ແຂວງວິ້ງລ່ອງ. ເຖິງວ່າສຸຂະພາບອ່ອນແອ ແລະ ຄວບຄົວທຸກຍາກ, ແຕ່ຄູເຖ້ ຍັງເປັນນຳໃນການປຸກລະດົມບໍລິຈາກເສື້ອຜ້າ, ປື້ມອ່ານກໍ່ຄືປຶ້ມຂຽນ ໃຫ້ແກ່ເດັກນ້ອຍ ຢູ່ບ້ານທີ່ທຸກຍາກ ບອ່ນທີ່ ຄູ ເຖ້ ກຳລັງສິດສອນ.

ທ່ານນາຍົກ ມີຄວາມສະອື້ນໃຈ ຕໍ່ກັບການກະທຳ ທີ່ເປັນແບບຢ່າງຂອງ ອ້າຍຄູເຖ້ ທີ່ທຸ້ມເທໝົດຈິດໝົດໃຈກັບອາຊີບຂອງຕົນ. ຄົບຮອບ 49ວັນ ທີ່ ອ້າຍຄູເຖ້ ເຖິງແກ່ກຳ, ນາຍົກລັດຖະມົນຕີ ໄດ້ສົ່ງຂອງຂວັນຈາລຶກບຸນຄຸນໃຫ້ແກ່ຄອບຄົວອ້າຍຄູເຖ້.

ອີກເລື່ອງໜຶ່ງ ທີ່ ນາຍົກລັດຖະມົນ ເລົ່າ ແມ່ນ : ຢູ່ທີ່ ກອງປະຊູມ ສຸດຍອດ APEC ຢູ່ ປະເທດ ປາປົວນິວກີເນຍ ທີ່ຫາກໍ່ສິ້ນສຸດລົງ, ທ່ານ ໄດ້ຖາມ ຜູ້ອຳນວຍການ ບໍລິຫານກອງທຶນການເງິນສາກົນ (IMF) ທ່ານ ນາງ ຄຣິດຕິນ ລາກາດ (Christine Lagarde): “ວິທີແກ້ໄຂເບື້ອງຕົ້ນ ອັນສຳຄັນທີ່ສຸດຂອງ ທ່ານ ແມ່ນຫຍັງ”. ທ່ານ ນາງ ນາງ ຄຣິດຕິນ ລາກາດ ຕອບວ່າ: “ການສຶກສາ”. “ສາມາດເວົ້າໄດ້ວ່າ, ການສຶກສາຕັດສິນ ການພັດທະນາຂອງສັງຄົມ”, ນາຍົກລັດຖະມົນຕີຍົກເລື່ອງ ແລະ ເນັ້ນໜັກ.

ທ່ານນາຍົກລັດຖະມົນຕີ ກໍ່ໄດ້ກວດກາຄືນຜົນງານຂອງຂະແໜງສຶກສາທິການ: ໄດ້ສຳເລັດ ອະນຸບານສຶກສາ ພາກບັງຄັບ 5 ປີ ແລະ ກຳລັງສືບຕໍ່ເປີດກວ້າງພາກບັງຄັບ ໃຫ້ຢູ່ ໃນອາຍຸຕຳ່ກວ່າ; ມັດທະຍົມສຶກສາໄດ້ຖືກຍອມຮັບທົ່ວໂລກຜ່ານບັນດາ ການຕີລາຄາຈັດລຳດັບ ແລະ ລາງວັນສາກົນຕ່າງໆ; ມະຫາວິທະຍາໄລສຶກສາ ມີບາດກ້າວເຂັ້ມແຂງຂື້ນໃນຕາຕະລາງການຈັດອັນດັບຂອງໂລກ, ຂົງເຂດ ແລະ ກຳລັງກ້າວໄປສູ່ການເປັນເຈົ້າຕົນເອງ.

“ປະກອບກຳລັງຫຼາຍທີ່ສຸດໃນບັນດາຜົນສຳເລັດນັ້ນບໍ່ແມ່ນຜູ້ອື່ນຜູ້ໄກ,ແຕ່ແມ່ນຖັນແຖວ ຄູອາຈານ”

ນາຍົກລັດຖະມົນຕີ ໄດ້ກ່າວວ່າ: ທ່ານ ເຫັນໃຈກັບແຮງກົດດັນ ທີ່ ກຳລັງຢູ່ເທິງບ່າ ຂອງຄູອາຈານ ກຳລັງໜັກໜ່ວງຂຶ້ນ, ໃນຂະນະທີ່ ຊີວິດການເປັນຢູ່ ແລະ ລາຍໄດ້ຍັງບໍ່ທັນໄດ້ຮັບການປັບປຸງໃຫ້ດີເທົ່າທີ່ຄວນ. ພາກສ່ວນໃດໜຶ່ງຂອງສັງຄົມຍັງບໍ່ທັນເຂົ້າໃຈຢ່າງເລິກເຊິ່ງ, ແບ່ງປັນ ຄວາມຍາກລຳບາກ ຂອງຄູ. “ປີໃໝ່, ງານບຸນ, ຫຼາຍໆອົງການຈັດຕັ້ງ, ຫົວໜ່ວຍ, ວິສາຫະກິດມອບເງິນບຳເນັດໃຫ້ພະນັກງານເປັນສິບໆລ້ານ ແຕ່ວ່າມີໂຮງຮຽນປະຖົມ ໃຫ້ເງິນບຳເນັດພຽງແຕ່ 100.000 ດົງ” .

ຄັດຄຳເວົ້າ ຂອງ ນັກຟິຊິກສາດ ທ່ານ ອານເບີດ ອາລສຕານ (Albert Einstein): “ສຶກສາບໍ່ແມ່ນການທ່ອງຂຶ້ນໃຈ ສິ່ງທີ່ ເຫັນ, ສຶກສາແມ່ນການຝຶກແອບທັກສະ ຈິນຕະນາການ”, ນາຍົກລັດຖະມົນຕີກ່າວວ່າ: ຄູບໍ່ພຽງແຕ່ເອົາຊະນະດ້ວຍຄວາມຮູ້ທີ່ເລິກກວ້າງຂອງຕົນ ແຕ່ດ້ວຍແບບວິທີ, ທັກສະ ໃນການຖ່າຍທອດທີ່ເໝາະສົມ; ບໍ່ພຽງແຕ່ ຢູ່ໜ້າກະດານເທົ່ານັ້ນ ແຕ່ຍັງລວມທັງການດຳລົງຊີວິຈິງນຳອີກດ້ວຍ.

ນາຍົກລັດຖະມົນຕີຢືນຢັນ, ພັກ-ລັດ ຈະສືບຕໍ່ເອົາໃຈໃສ່ພັດທະນາ ຖັ້ນແຖວຄູອາຈານ, ສ້າງເງື່ອນໄຂສະດວກເພື່ອໃຫ້ບັນດາຄູອາຈານເສີມຂະຫຍາຍກຳລັງ, ທັກສະຫົວຄິດປະດິດສ້າງ, ອຸ່ນອ່ຽນທຸ່ນທ່ຽງ ເພື່ອອຸທິດຕົນ. ທ່ານໄດ້ສະເໜີ ກວດຄືນຢ່າງລະອຽດ ແລະ ເຮັ່ງດ່ວນ ສະພາບການປະຈຸບັນ ກ່ຽວກັບຖັ້ນແຖວຄູອາຈານ, ຮັບປະກັນໃຫ້ຄົບຖ້ວນ ແລະ ເສີມຂະຫຍາຍປະສິດທິພາບ; ແກ້ໄຂບັນຫາຂາດ-ເຫຼືອ ຄູອາຈານພາຍໃນ ຢູ່ໃນບາງທ້ອງຖິ່ນ.

（ຫັດ​ທະ​ບູນ）