ວັນທີ 20 ທັນວາ, ທີ່ແຂວງໄທງວຽນ, ໂຮງຮຽນວິທະຍາໄລໄທງວຽນ ໄດ້ຈັດຕັ້ງພິທີຕ້ອນຮັບຫຼຽນໄຊມິດຕະພາບຂອງປະເທດ ສປປ ລາວ ແລະຫຼຽນໄຊພະບໍລົມວົງສານຸວົງ Sahametrei ຊັ້ນ Tepidin ຂອງລັດຖະບານພະບໍລົມວົງສານຸວົງກໍາປູເຈຍ; ສະເຫຼີມສະຫຼອງ 45 ປີແຫ່ງວັນມູນເຊື້ອຂອງໂຮງຮຽນ (20-12-1978 / 20-12-2023). ເຂົ້າຮ່ວມມີຜູ້ຕາງໜ້າສະຖານທູດລາວ,ສຖານທູດກໍາປູເຈຍ ປະຈໍາ ຫວຽດນາມ, ການນໍາແຂວງ ແລະນັກສຶກສາເປັນຈໍານວນຫຼວງຫຼາຍຂອງໂຮງຮຽນ.
 |
| ບັນຍາກາດທີ່ພິທີປະດັບຫຼຽນໄຊ. ພາບ: TTXVN |
ກ່າວຄໍາເຫັນທີ່ພິທີ, ທ່ານ ຟ້າມຮວ່າງເຊິນ ຮອງເລຂາຜູ້ປະຈໍາການຄະນະພັກແຂວງໄທງວຽນ ເນັ້ນໜັກວ່າ ນີ້ແມ່ນການຮັບຮູ້ທີ່ສົມກັບການປະກອບສ່ວນຂອງໂຮງຮຽນໃນການສຶກສາ ແລະພັດທະນາຊັບພະຍາກອນມະນຸດໃຫ້ປະເທດເພື່ອນ, ປະກອບສ່ວນເຂົ້າໃນຜົນສໍາເລັດຂອງວຽກງານການທູດປະຊາຊົນຂອງແຂວງ ແລະຂອງປະເທດ; ພ້ອມທັງ ເພີ່ມພູນຄູນສ້າງນໍ້າໃຈສາມັກຄີມິດຕະພາບທີ່ເປັນມູນເຊື້ອລະຫວ່າງສາມປະເທດ.
ທ່ານ ຟ້າມຮວ່າງເຊີນ ສະເໜີວ່າ ໃນໄລຍະຈະມາເຖິງໂຮງຮຽນຕ້ອງເອົາໃຈໃສ່ຕື່ມເຖິງບັນດາກຸ່ມຂະແໜງ, ຄື: ເຕັກໂນໂລຢີ, ການບໍລິການ; ອອກແບບປະດິດສ້າງ; ເອເລັກໂຕນິກ...; ຕັ້ງໜ້າ, ເປັນເຈົ້າການປ່ຽນແປງໃໝ່, ໜູນໃຊ້ການຫັນເປັນດີຈີຕອນ ແລະຜົນງານດ້ານວິທະຍາສາດ-ເຕັກໂນໂລຢີ ໃນການສິດສອນ.
ບູນມີ
