| ນະຄອນ ໂຮ່ຈີມິນ ຍ້ອງຍໍຊົມເຊີຍນັກສຶກສາຕົວແບບ ລາວ ແລະ ກຳປູເຈຍ | |
| ສື່ມວນຊົນຍີ່ປຸ່ນໄດ້ຕີລາຄາສູງການຢ້ຽມຢາມຍີ່ປຸ່ນຂອງທ່ານປະທານປະເທດ ຫວໍວັນເຖືອງ |
ຕາມທ່ານ ຟ່ານວັນໝາຍ ແລ້ວ, ນະຄອນ ໂຮ່ຈີມິນ ແລະ ແຂວງ Hyogo ຍັງມີຫຼາຍຄວາມສາມາດບົ່ມຊ້ອນ ແລະ ທ່າໄດ້ປຽບເພື່ອຊຸກຍູ້ການຮ່ວມມືໃນຫລາຍຂົງເຂດຄື: ການຄ້າ, ການລົງທຶນ, ຜະລິດຕະພັນກະເສດ, ຜະລິດຕະພັນຮັບໃຊ້ເສດຖະກິດກະສິກຳ, ເອເລັກໂຕນິກ, ຜະລິດວັດສະດຸເຄິ່ງຊັກນຳໄຟຟ້າ, ບຳລຸງສ້າງແຫຼ່ງຊັບພະຍາກອນມະນຸດ, ຜະລິດຕະພັນສາທາລະນະສຸກ ປົວແປງເບິ່ງແຍງດູແລຍົກສຸງຄຸນນນນະພາບຊີວິດໃຫ້ດີຂຶ້ນ.
2 ທ້ອງຖິ່ນກໍ່ຕ້ອງຈັດຕັ້ງບັນດາຄະນະເພື່ອແລກປ່ຽນບົດຮຽນເຊິ່ງກັນ ແລະ ກັນຢ່າງເປັນປະຈຳ. ພິເສດແມ່ນເປີດກວ້າງບັນດາຄະນະເຊິ່ງແມ່ນນັກສຶກສາ, ຊາວໜຸ່ມ...ເພື່ອຊຸກຍູ້ການຮ່ວມມືຮອບດ້ານ, ຫຼາກຫຼາຍຮູບແບບ ແລະ ຫຼາຍພະລັງຊີວິດລະຫວ່າງນະຄອນ ໂຮ່ຈີມິນ ແລະ ແຂວງ Hyogo.
 |
| ທ່ານປະທານຄະນະກຳມະການປະຊາຊົນນະຄອນ ໂຮ່ຈີມິນ ຟ່ານວັນໝາຍ ແລະ ຜູ້ວ່າການແຂວງ Hyogo (ຍີ່ປຸ່ນ) ທ່ານ Saito Motohiko ໃນຕອນເຮັດວຽກວັນທີ 20 ທັນວາ ຢູ່ນະຄອນ ໂຮ່ຈີມິນ. |
ຜູ້ວ່າການແຂວງ Hyogo (ຍີ່ປຸ່ນ) ທ່ານ Saito Motohiko ເຫັນດີເຫັນກັບບັນດາຂໍ້ສະເໜີຂອງທ່ານປະທານຄະນະກຳມະການປະຊາຊົນນະຄອນ ໂຮ່ຈີມິນ ຟ່ານວັນໝາຍ. ຕາມທ່ານ Saito Motohiko ແລ້ວ, ພາຍຫຼັງ 15 ປີແຫ່ງການລົງນາມໃນການສ້າງຕັ້ງການພົວພັນມິດຕະພາບຮ່ວມມື (ໃນປີ 2007), ການພົວພັນລະຫວ່າງນະຄອນ ໂຮ່ຈີມິນ ແລະ ແຂວງ Hyogo ກໍ່ພວມພັດທະນາຢ່າງບໍ່ຢຸດຢັ້ງ. ພາຍຫຼັງເວລາຖືກຂາດຕອນຍ້ອນພະຍາດ, ແຕ່ປີ 2022, ນະຄອນໂຮ່ຈິມິນ ແລະ ແຂວງ Hyogo ກໍ່ໄດ້ຈັດຕັ້ງບັນດາການເຄື່ອນໄຫວຊຸກຍູ້ການຮ່ວມມືລະຫວ່າງ 2 ທ້ອງຖິ່ນຄື ບັນດາການຢ້ຽມຢາມເຊິ່ງກັນ ແລະ ກັນຂອງການນຳນະຄອນ ໂຮ່ຈີມິນ ແລະ ແຂວງ Hyogo, ເວທີການຮ່ວມມືດ້ານເສດຖະກິດລະຫວ່າງສອງທ້ອງຖິ່ນ...
ທ່ານ Saito Motohiko ໄດ້ສະແດງຄວາມປະທັບໃຈຕໍ່ການພັດທະນາຂອງນະຄອນໂຮ່ຈິມິນ ແລະ ຖືວ່າມີວິສາຫະກິດຫຼາຍແຫ່ງຢູ່ແຂວງ Hyogo ປາດຖະໜາຢາກເຂົ້າຮ່ວມ ແລະ ພັດທະນາກັບນະຄອນ. ນອກຈາກດ້ານເສດຖະກິດ, ທ່ານ Saito Motohiko ເຊື່ອໝັ້ນວ່າ ແຂວງ Hyogo ແລະ ນະຄອນໂຮ່ຈິມິນ ຈະສາມາດເພີ່ມທະວີການຮ່ວມມື, ແລກປ່ຽນໃນຫຼາຍຂົງເຂດຄື: ການທ່ອງທ່ຽວ, ບຳລຸງສ້າງແຫຼ່ງຊັບພະຍາກອນມະນຸດ, ສາທາລະນະສຸກ...
2 ຝ່າຍກໍ່ເຫັນດີເປັນເອກະພາບສ້າງເງື່ອນໄຂໃຫ້ນັກຮຽນມັດທະຍົມປາຍແຂວງ Hyogo ມາຍັງນະຄອນ ໂຮ່ຈີມິນ ເພື່ອແລກປ່ຽນ, ຮ່ຳຮຽນ ແລະ ຊອກຮູ້ວັດທະນະທຳ. ພ້ອມກັນນັ້ນ, ກໍ່ສ້າງກາລະໂອກາດແລກປ່ຽນລະຫວ່າງການນຳການເມືອງໜຸ່ມ, ນັກທຸລະກິດໜຸ່ມ, ພູມປັນຍາໜຸ່ມ, ຜ່ານນັ້ນ ກໍ່ປະກອບສ່ວນເພີ່ມທະວີເຂົ້າໃນການພົວພັນມິດຕະພາບລະຫວ່າງ 2 ທ້ອງຖິ່ນຫຼາຍກ່ວາອີກ.
ມິງດຶກ
