| ອົດສະຕຣາລີ ສະໜັບສະໜູນອຸປະກອນ ເຕັກໂນໂລຊີ ເຂົ້າໃນລະບົບພັດທະນາວິຊາຊີບຄູ ຂອງ ສປປ ລາວ | |
| ອົດສະຕຣາລີ ສືບຕໍ່ໜູນຊ່ວຍວັກຊີນ ໂຄວິດ-19 ໃຫ້ຫວຽດນາມ 3,7 ລ້ານ ໂດສ |
ທ່ານ ຫງວຽນວັນຮິວ - ກຳມະການສຳຮອງສູນກາງພັກ, ເລຂາຄະນະກຳມະການພັກນະຄອນ ເຄີນເທີ ໃຫ້ຮູ້ວ່າ ນະຄອນ ເຄີນເທີ ພວມຕັ້ງໜ້າດຶງດູດບັນດານັກລົງທຶນຍຸດທະສາດມາລົງທຶນຢູ່ນະຄອນ ເຄີນເທີ ພິເສດແມ່ນໃນບັນດາຂົງເຂດສຶກສາ, ສາທາລະນະສຸກ, ກະສິກຳເຕັກໂນໂລຊີສູງປັບຕົວເຂົ້າກັບການປ່ຽນແປງຂອງດິນຟ້າອາກາດ. ເຄີນເທີ ກໍຕ້ອງມີຊັບພະຍາກອນເພື່ອລົງທືນໃຫ້ທາງດ້ານພື້ນຖານໂຄງລ່າງ, ໂດຍສະເພາະ ແມ່ນບັນດາໂຄງການທີ່ຕິດພັນກັບບັນຫາ ຕ້ານນ້ຳຖ້ວມ, ເຈື່ອນພັງ, ກັນເຈື່ອນ, ປະຕູນໍ້າ... ນອກຈາກນັ້ນ, ເພື່ອແກ້ໄຂການຫັນເປັນວຽກເຮັດງານທຳໃຫ້ປະຊາຊົນທີ່ບໍ່ມີບ່ອນຢູ່ລຽບຕາມຄອງຄອງ, ນະຄອນ ຍັງໄດ້ສຸມໃສ່ພັດທະນາພື້ນຖານໂຄງລ່າງດ້ານອຸດສາຫະກຳ ເພື່ອດຶງດູດບັນດາວິສາຫະກິດຂະໜາດໃຫຍ່ເຂົ້າມາລົງທຶນໃນນະຄອນ
 |
ທ່ານ ຫງວຽນວັນຮິວ - ເລຂາຄະນະກຳມະການພັກນະຄອນ ເຄີນເທີ (ຂວາ) ໃນການພົບປະກັບທ່ານ Andrew Goledzinowski, ເອກອັກຄະລັດຖະທູດ ອົດສະຕຣາລີ ປະຈຳ ຫວຽດນາມ. |
ທ່ານ ຫງວຽນວັນຮິວ ປາດຖະໜາວ່າ ອົດສະຕຣາລີ ສືບຕໍ່ມີບັນດາໂຄງການສົມທົບໜູນຊ່ວຍໃຫ້ນະຄອນ ເຄີນເທີ ເວົ້າສະເພາະ, ພາກພື້ນທົ່ງພຽງແມ່ນ້ຳຂອງ ເວົ້າລວມ ເພື່ອດຶງດູດນັກລົງທຶນ ອົດສະຕຣາລີ ມານະຄອນ ເຄີນເທີ ເພື່ອຮ່ວມມືລົງທຶນ; ໜູນຊ່ວຍການບຳລຸງສ້າງ, ບຳລຸງຄະນະຜູ້ຊ່ຽວຊານຂອງນະຄອນ ເຄີນເທີ ໃນຂົງເຂດກະສິກຳ, ການສຶກສາ ແລະ ສາທາລະນະສຸກ ແມ່ນກຳລັງແຮງຂອງ ອົດສະຕຣາລີ.
ກ່າວຄຳປາໃສທີ່ກອງປະຊຸມ, ທ່ານເອກອັກຄະລັດຖະທູດ Andrew Goledzinowski ໃຫ້ຮູ້ວ່າ ໃນໄລຍະຜ່ານມານີ້ ຫວຽດນາມ ເວົ້າລວມ, ເຂດທົ່ງພຽງແມ່ນ້ຳຂອງ ເວົ້າສະເພາະ ໄດ້ມີຫຼາຍມາດຕະການແກ້ໄຂບັນດາບັນຫາຄື: ແຊກຊຶມເຄັມ, ການຫັນປ່ຽນລ້ຽງຊີບ, ດິນເຈື່ອນ.… ບັນດາວິທີການແກ້ໄຂເຫຼົ່ານີ້ ໄດ້ສະແດງໃຫ້ເຫັນປະສິດທິຜົນທີ່ແນ່ນອນ, ແຕ່ຍັງມີຂໍ້ຈໍາກັດເຊັ່ນ: ການສ້າງເຂື່ອນຕ້ານແຊກຊຶມເຄັມ, ຈະສົ່ງຜົນສະທ້ອນຈາກໄພນໍ້າຖ້ວມ; ການຂຸດຄົ້ນແຫຼ່ງນ້ຳໃຕ້ດິນຢ່າງບໍ່ຖືກຕ້ອງຈະພາໃຫ້ເກີດຫຼຸບລົງ ແລະ ດິນເຈື່ອນ...
ທ່ານເອກອັກຄະລັດຖະທູດ Andrew Goledzinowski ປາດຖະໜາວ່າ ໃນໄລຍະຈະມາເຖິງ, 2 ຝ່າຍຈະຊຸກຍູ້ການຮ່ວມມືກ່ວາອີກໃນຂົງເຂດກະສິກຳເຕັກໂນໂລຢີສູງ ເພື່ອປັບປຸງການປ່ຽນແປງຂອງດິນຟ້າອາກາດ.
ຕີລາຄາສູງຄວາມສາມາດບົ່ມຊ້ອນ, ທ່າແຮງ, ສະພາບແວດລ້ອມແຫ່ງການລົງທຶນທຸລະກິດນັບມື້ນັບປອດໂປ່ງຢູ່ນະຄອນ ເຄີນເທີ, ທ່ານເອກອັກຄະລັດຖະທູດ Andrew Goledzinowski ຄາດວ່າໃນໄລຍະຈະມາເຖິງຈະມີວິສາຫະກິດ ແລະ ນັກລົງທຶນ ອົດສະຕຣາລີ ຫຼາຍຄົນມານະຄອນ ເຄີນເທີເພື່ອຊອກຫາກາລະໂອກາດຮ່ວມມືລົງທຶນ.
ມິງດຶກ
