 | ວິສາຫະກິດຫວຽດນາມ - ລັດເຊຍ: ເຊື່ອມຕໍ່ກາລະໂອກາດການຮ່ວມມື |
| ສືບຕໍ່ເຮັດໃຫ້ເລິກເຊິ່ງ ແລະນຳການພົວພັນ ຫວຽດນາມ - ອາເມລິກາ ໃຫ້ນັບມື້ນັບພັດທະນາຢ່າງໝັ້ນຄົງ, ແທດຈິງ |
 |
ປີ 2024 ແມ່ນຂີດໝາຍຄົບຮອບ 50 ປີແຫ່ງ ອາຊຽນ ແລະ ອົດສະຕຣາລີ ສ້າງຕັ້ງການພົວພັນທາງການທູດ (1974-2024). ເພື່ອສະເຫຼີມສະຫຼອງເຫດການນີ້, ໃນເດືອນມີນາ 2024, ກອງປະຊຸມສຸດຍອດພິເສດອາຊຽນ-ອົດສະຕຣາລີ ໄດ້ຈັດຂຶ້ນຢູ່ Melbourne, ອົດສະຕຣາລີ ດ້ວຍຫົວຂໍ້ “ຄູ່ຮ່ວມມືເພື່ອອະນາຄົດ”.
ແລວເສດຖະກິດ ອົດສະຕຣາລີ - ອາຊີຕາເວັນອອກສຽງໃຕ້ ນັບມື້ນັບມີຄວາມໝາຍສຳຄັນ
ທ່ານ Antony Shaw, ຜູ້ອໍານວຍການໃຫຍ່ຂອງ HSBC ອົດສະຕຣາລີ ແລະ ນູແວນເຊລັງ ໄດ້ຕີລາຄາວ່າ ເວທີປາໄສວິສາຫະກິດ ອົດສະຕຣາລີ - ອາຊຽນ ດໍາເນີນທັນທີພາຍຫຼັງເຫດການປະຫວັດສາດ - ກອງປະຊຸມສຸດຍອດພິເສດອາຊຽນ - ອົດສະຕຣາລີ ສະແດງໃຫ້ເຫັນຄວາມຕັ້ງຫວັງສູງຂອງລັດຖະບານອົດສະຕຣາລີ ກ່ຽວກັບບົດບາດຂອງເຂົາເຈົ້າໃນອາຊີຕາເວັນອອກສ່ຽງໃຕ້ ເໝາະສົມກັບຄວາມປາຖະຫນາຢາກເຊື່ອມຕໍ່ກັບພາກພື້ນນີ້ຂອງປະຊາຄົມວິສາຫະກິດ.
 |
| ທ່ານ Antony Shaw, ຜູ້ອໍານວຍການໃຫຍ່ຂອງ HSBC ອົດສະຕຣາລີ ແລະ ນູແວນເຊລັງ. |
ສຳລັບອົດສະຕຣາລີ, ຕາມທ່ານ Antony Shaw ແລ້ວ, ແລວເສດຖະກິດຫນຶ່ງທີ່ເຂັ້ມແຂງ ແລະ ຂະຫຍັນຂັນເຄື່ອນກັບອາຊີຕາເວັນອອກສ່ຽງໃຕ້ ແມ່ນຄວາມໝາຍສຳຄັນທີ່ສຸດ. ໃນອະດີດ, ອົດສະຕຣາລີ ເຄີຍຖືກໂດດດ່ຽວຈາກສູນເສດຖະກິດໃຫຍ່ຂອງໂລກ ແລະ ອີງໃສ່ປະຊາກອນທີ່ຂ້ອນຂ້າງໜ້ອຍ ເພື່ອຊຸກຍູ້ພື້ນຖານເສດຖະກິດ. ແຕ່ໃນປັດຈຸບັນ, ສະຖານະການໄດ້ມີການປ່ຽນແປງ.
ອົດສະຕຣາລີ ຫ່າງຈາກອາຊີຕາເວັນອອກສ່ຽງໃຕ້ ພຽງ 500 ກິໂລແມັດ, ພາກພື້ນເຊິ່ງຈະກາຍເປັນພື້ນຖານເສດຖະກິດໃຫຍ່ອັນດັບທີ 4 ຂອງໂລກໃນທ້າຍທົດສະວັດນີ້, ຍ້ອນກົນໄກປະຊາກອນໄວໜຸ່ມ, ມີການເຕີບໂຕໄວ, ດ້ວຍທ້ອງຕະຫຼາດບໍລິໂພກບັນລຸ 4.000 ຕື້ USD ໃນປີ 2030, ນຳໃຊ້ບັນດາເຕັກໂນໂລຢີດີຈີຕອນ ແລະ ບັນດາຂົງເຂດເສດຖະກິດໃໝ່. ໃນນັ້ນ ແລວທາງເສດຖະກິດລະຫວ່າງ ອົດສະຕຣາລີ ແລະ ຫວຽດນາມ ແມ່ນໜຶ່ງໃນບັນດາການພົວພັນຮ່ວມມືທີ່ສຳຄັນໃນພາກພື້ນ.
ໃນຕົ້ນປີນີ້, ອົດສະຕຣາລີ ແລະ ຫວຽດນາມ - ປະເທດຄາດວ່າຈະກາຍເປັນພື້ນຖານເສດຖະກິດທີ່ເຕີບໂຕໄວທີ່ສຸດໃນອາຊຽນ ໃນປີນີ້ ຕາມພາກສ່ວນຄົ້ນຄ້ວາທົ່ວໂລກ HSBC - ຫາກໍ່ຍົກລະດັບການພົວພັນຂຶ້ນເປັນການພົວພັນຄູ່ຮ່ວມມືຍຸດທະສາດຮອບດ້ານ. ການເຄື່ອນໄຫວນີ້ ເພື່ອຮັດແໜ້ນການພົວພັນຮ່ວມມືຍຸດທະສາດ ແລະ ເສດຖະກິດລະຫວ່າງສອງປະເທດ, ເຊິ່ງຈະຊ່ວຍສ້າງກາລະໂອກາດດຳເນີນທຸລະກິດຕື່ມອີກໃນຊຸມປີຕໍ່ໜ້າ.
ເປັນໜ້າສົນໃຈແມ່ນ ໃນລະດັບການເຕີບໂຕຢ່າງວ່ອງໄວຂອງພື້ນຖານເສດຖະກິດດີຈີຕອນຢູ່ພາກພື້ນອາຊຽນ, ທ່ານ Tim Evans, ຜູ້ອຳນວຍການໃຫຍ່ HSBC ຫວຽດນາມ ໃຫ້ຮູ້ວ່າ ພື້ນຖານເສດຖະກິດດີຈີຕອນຂອງຫວຽດນາມ ໄດ້ມີການເຕີບໂຕໄວທີ່ສຸດ"ູ່ພາກພື້ນໃນ 2 ປີລຽນຕິດ ແລະ ໄດ້ຄາດວ່າຈະເພີ່ມຂຶ້ນ 11 ເທື່ອ, ບັນລຸມູນຄ່າ 220 ຕື້ USD, ກວມກວ່າ 1/3 ຍອດມູນຄ່າຂອງທັງພາກພື້ນ. ຍ້ອນກຳລັງປະຊາຊົນໄວໜຸ່ມ ແລະ ຜູ້ມີຄວາມຮູ້ດ້ານເຕັກໂນໂລຢີ, ຄາດວ່າ ຫວຽດນາມ ຈະຮັກສາທີ່ຕັ້ງນີ້ໃນປີຈະມາເຖິງ.
ກາລະໂອກາດເພື່ອໃຫ້ຫວຽດນາມ ດຶງດູດການທຶນລົງທຶນເພື່ອພັດທະນາພື້ນຖານໂຄງລ່າງຄົມມະນາຄົມ
ຕາມທ່ານ Tim Evans ແລ້ວ, ເພື່ອກ້າວເລິກເຂົ້າສູ່ທ້ອງຕະຫຼາດອາຊຽນ, ມີໄມ້ງັດຈຳນວນໜຶ່ງທີ່ປະຊາຄົມວິສາຫະກິດ ແລະ ນັກລົງທຶນອົດສະຕຣາລີ ຕ້ອງ ແລະ ສາມາດນຳໃຊ້.
ອັນທຳອິດ, ບໍ່ພຽງແຕ່ເບິ່ງສະຖິຕິຂອງອາຊີຕາເວັນອອກສ່ຽງໃຕ້ ເທົ່ານັ້ນ, ຫາກຍັງຕ້ອງລົງເລິກເພື່ອຊອກຫາໂອກາດໃນແຕ່ລະປະເທດ. ປັດໄຈຈຳນວນໜຶ່ງຕ້ອງພິຈາລະນາແມ່ນຈຳນວນສັນຍາການຄ້າເສລີ (FTA) ທີ່ຫວຽດນາມ ໄດ້ລົງນາມ. ປະຈຸບັນ ຫວຽດນາມ ມີ 16 FTA ທີ່ມີຜົນສັກສິດກັບຫຼາຍຮູບແບບບັນດາປະເທດ ແລະ ເຂດເສດຖະກິດໃນທົ່ວໂລກ, ພ້ອມກັບ 3 FTA ພວມໃນຂະບວນການເຈລະຈາ.
 |
| ທ່ານ Tim Evans, ຜູ້ອໍານວຍການໃຫຍ່ຂອງ HSBC ຫວຽດນາມ. |
ອັນທີສອງ, ປະຊາຄົມວິສາຫະກິດອົດສະຕຣາລີ ຕ້ອງມີຍຸດທະສາດທີ່ເຫມາະສົມ ເພື່ອເຂົ້າສູ່ທ້ອງຕະຫຼາດຢ່າງປະສົບຜົນສໍາເລັດ. ບໍ່ມີຫຍັງທົດແທນໄດ້ດ້ວຍການລົວຕົວຈິງໂດຍກົງເພື່ອເຂົ້າໃຈທ້ອງຕະຫຼາດຫວຽດນາມ, ພ້ອມທັງສະແດງເຈດຈຳນົງຮ່ວມມືກັບຄູ່ຮ່ວມມືທີ່ມີຄວາມສາມາດບົ່ມຊ້ອນຢູ່ທ້ອງຖິ່ນ.
ນອກຈາກການຄ້າແລ້ວ, ການລົງທຶນໂດຍກົງຈາກຕ່າງປະເທດກໍ່ຈະເປັນໄມ້ງັດສຳຄັນເພື່ອຊ່ວຍສ້າງການດຶງດູດການຄ້າ. ຕາມກະຊວງແຜນການ ແລະ ການລົງທຶນ ຫວຽດນາມ ແລ້ວ, ປະຈຸບັນ ອົດສະຕຣາລີ ໄດ້ລົງທຶນປະມານ 2 ຕື້ USD ເຂົ້າໃນກ່ວາ 600 ໂຄງການຢູ່ ຫວຽດນາມ. ໃນທິດທາງກົງກັນຂ້າມ, ຫວຽດນາມ ຍັງໄດ້ລົງທຶນ 584 ລ້ານ USD ເຂົ້າໃນອົດສະຕຣາລີ. ສອງປະເທດ ໄດ້ເຫັນດີເປັນເອກະພາບຈະເພີ່ມລະດັບລົງທຶນສອງຝ່າຍຂຶ້ນ 2 ເທົ່າໃນສາມປີຕໍ່ໜ້າ. ນີ້ແນ່ນອນວ່າຈະແມ່ນຂົງເຂດທີ່ອົດສະຕຣາລີ ສາມາດນໍາມາເຊິ່ງມູນຄ່າທີ່ເປັນເອກະລັກສະເພາະ.
ຕາມນັ້ນແລ້ວ, ນັບແຕ່ນີ້ຮອດປີ 2040, ອາຊຽນ ຕ້ອງໃຊ້ງົບປະມານສະເລ່ຍ 210 ຕື້ USD/ປີ ເພື່ອແກ້ໄຂບັນຫາຂາດແຄນນີ້. ໃນນັ້ນ, ຫວຽດນາມ ຕ້ອງມີຢ່າງໜ້ອຍສຸດ 25 – 30 ຕື້ USD/ປີ ເພື່ອລົງທຶນເຂົ້າພື້ນຖານໂຄງລ່າງໃນ 10 ປີຕໍ່ໜ້າ, ໝາຍຄວາມວ່າ ຕ້ອງລະດົມທຶນປະມານ 600 ຕື້ USD ຮອດປີ 2040. ນອກຈາກນັ້ນ, ຕາມກະຊວງຄົມມະນາຄົມຂົນສົ່ງແລ້ວ, ຫວຽດນາມ ຕ້ອງການເງິນກວ່າ 200 ຕື້ USD ເພື່ອຍົກລະດັບລະບົບພື້ນຖານໂຄງລ່າງຄົມມະນາຄົມສາທາລະນະ ແລະ ການຈະລາຈອນຢູ່ບັນດາຕົວເມືອງໃຫຍ່ຮອດປີ 2030.
 | ກອງປະຊຸມໂອ້ລົມ ອາຊີຕາເວັນຕົກ ແລະ ອາຊີຕາເວັນອອກ: ບັນດາການເຈາະຈິ້ມເປີດໃຫ້ ຫວຽດນາມ ຍສໝ - ຫວ່າງມໍ່ໆມານີ້, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ ໄດ້ສົມທົບກັບສະຖາບັນຄົ້ນຄ້ວາບໍລິຫານ ແລະ ນະໂຍບາຍ ອີຣານ (Governance and Policy Think Tank of Iran (GPTT)) ຈັດຕັ້ງກອງປະຊຸມໂອ້ລົມທາງອອນໄລ ດ້ວຍຫົວຂໍ້ “ອາຊີຕາເວັນຕົກ ແລະ ອາຊີຕາເວັນອອກ: ບັນດາຈຸດຄ້າຍຄືກັນ ແລະ ... |
 | ຊ່ວຍບັນດາວິສາຫະກິດສົ່ງອອກຂອງນະຄອນ ໂຮ່ຈີມິນ ເຂົ້າເຖິງ ແລະເປີດກວ້າງຕະຫຼາດຢູ່ການາດາ ຍສໝ - ວັນທີ 9 ສິງຫາ, ສະມາຄົມນັກທຸລະກິດຫວຽດນາມ ການາດາ (VCBA) ແລະ ສູນສົ່ງເສີມການຄ້າ ແລະການລົງທຶນ ນະຄອນ ໂຮ່ຈີມິນ (ITPC) ໄດ້ດຳເນີນກອງປະຊຸມແນໃສ່ຊ່ວຍວິສາຫະກິດສົ່ງອອກຂອງນະຄອນ ໂຮ່ຈີມິນ ເຂົ້າເຖິງການເປີດກວ້າງຕະຫຼາດຢູ່ການາດາ. ການເຮັດວຽກໄດ້ຈັດຂຶ້ນໃນຮູບແບບເຊິ່ງຫນ້າ ແລະ ອອນໄລ |
ມີງດຶກ
