| ເພີ່ມທະວີວຽກງານຄຸ້ມຄອງ, ປົກປັກຮັກສາຊາຍແດນ ແລະປ້ອງກັນ, ຕ້ານພະຍາດໂຄວິດ-19 | |
| ເພີ່ມທະວີໃນວຽກງານຄຸ້ມຄອງ, ປົກປັກຮັກສາຊາຍແດນ ລະຫວ່າງ ແຂວງກອນຕູມ ແລະ ແຂວງອັດຕະປື ສປປ ລາວ |
ຫວ່າງແລ້ວນີ້, ທີ່ຄະນະກໍາມະການປະຊາຊົນເມືອງ ເມືອງແຍ໊, ແຂວງດ້ຽນບຽນ, ຄະນະປະຕິບັດງານບັນດາຄ້າຍທະຫານຊາຍແດນ: ນາໂກຊາ, ແລງຊູຊີນ, ເມືອງແຍ໊, ນໍ້າແກ່ (ທະຫານຊາຍແດນແຂວງດ້ຽນບຽນ) ນໍາໂດຍພັນໂທ ຟານຫງອັກຕວ໋ານ ຫົວໜ້າຄ້າຍທະຫານຊາຍແດນ ແລງຊູຊີນ ພ້ອມຄະນະ ໄດ້ເປັນເຈົ້າພາບຈັດຕັ້ງກອງປະຊຸມພົບປະປະຈໍາປີ ຄັ້ງທີ II ປີ 2023 ກັບກອງຮ້ອຍທະຫານຊາຍແດນ 117, ກອງບັນຊາການທະຫານແຂວງຜົ້ງສາລີ ນໍາ ໂດຍພັນຕີ ເປົ່າແກ້ວ ສຸລະພົນ ຫົວໜ້າກອງຮ້ອຍທະຫານຊາຍແດນ 117.
ບົນນໍ້າໃຈສາມັກຄີ, ມິດຕະພາບພິເສດ, ຄວາມເຂົ້າໃຈ, ເຄົາລົບເຊິ່ງກັນ ແລະກັນ, ຄະນະຜູ້ແທນຂອງສອງຝ່າຍ ໄດ້ແລກປ່ຽນຢ່າງກົງໄປກົງມາກ່ຽວກັບສະພາບການຊາຍແດນ; ວຽກງານສົມທົບກັນຕໍ່ສູ້ສະກັດກັ້ນ ແລະຕ້ານອາດຊະຍາກໍາ; ສະກັດກັ້ນ ແລະຕ້ານການເຂົ້າອອກເມືອງຜິດແບບກົດໝາຍ; ຕີລາຄາໝາກຜົນໃນວຽກງານສົມທົບກັນ ແລະເປັນເອກະພາບຕໍ່ທິດທາງຮ່ວມມືໃນຕໍ່ໜ້າ.
 |
| ຜູ້ຕາງໜ້າສອງຝ່າຍ ເຊັນບົດບັນທຶກຊ່ວຍຈໍາໃນວຽກງານຄຸ້ມຄອງ, ປົກປັກຮັກສາຊາຍແດນ ແລະຕໍ່ສູ້ສະກັດກັ້ນ, ຕ້ານອາດຊະຍາກໍາ, ສະກັດກັ້ນ ແລະຕ້ານການເຂົ້າອອກເມືອງຜິດແບບກົດໝາຍ. ພາບ: bienphong.com.vn |
ທີ່ກອງປະຊຸມ, ຜູ້ຕາງໜ້າສອງຝ່າຍ ໄດ້ລົງນາມບົດບັນທຶກຊ່ວຍຈໍາໃນວຽກງານຄຸ້ມຄອງ, ປົກປັກຮັກສາຊາຍແດນ ແລະຕໍ່ສູ້ສະກັດກັ້ນ ແລະຕ້ານອາດຊະຍາກໍາ, ສະກັດກັ້ນ ແລະຕ້ານການເຂົ້າອອກເມືອງແບບຜິດກົດໝາຍ.
ພາຍຫຼັງສິ້ນສຸດກອງປະຊຸມ, ສອງຝ່າຍ ໄດ້ຈັດຕັ້ງບັນດາການເຄື່ອນໄຫວໄປທັດສະນະສຶກສາ, ພົບປະແລກປ່ຽນສິລະປະວັດທະນະທໍາ, ກິລາ, ປະກອບສ່ວນເພີ່ມທະວີຄວາມສາມັກຄີ, ມິດຕະພາບແບບພິເສດລະຫວ່າງທະຫານຊາຍແດນແຂວງດ້ຽນບຽນ ແລະກໍາລັງປົກປັກຮັກສາຊາຍແດນປະເທດລາວ ເວົ້າລວມ, ເວົ້າສະເພາະແມ່ນລະຫວ່າງບັນດາຄ້າຍທະຫານຊາຍແດນ: ນາໂກຊາ, ແລງຊູຊີນ, ເມືອງແຍ໊, ນໍ້າແກ່ ແລະກອງຮ້ອຍທະຫານຊາຍແດນ 117. ຜ່ານນັ້ນ, ກໍ່ສົມທົບກັນປົກປັກຮັກສາອະທິປະໄຕຜືນແຜ່ນດິນ, ຄວາມໝັ້ນຄົງຢູ່ເຂດຊາຍແດນຂອງສອງປະເທດໄວ້ຢ່າງໝັ້ນຄົງ.
ບູນມີ
