ຕອນບ່າຍວັນທີ 25 ຕຸລາ, ຢູ່ ຫໍພິພິດຕະພັນ ປະຫວັດສາດ ເທື່ອທຽນເຫວ້, ກອງບັນຊາການທະຫານ ສານເຄມີ ປະສານກັບ ຫໍພິພິດຕະພັນ ສົງຄາມ, ຫໍພິພິດຕະພັນ ປະຫວັດສາດ ເທື່ອທຽນ ເຫວ້ ໄດ້ຈັດງານວາງສະແດງພາບ ໃຫ້ຫົວຂໍ້ “ ຝົນເຫຼືອງ-ມະໂນທຳ ແລະ ຄວາມເປັນທຳ”
 |
ການນຳແຂວງເທື່ອທຽນເຫວ້ ແລະ ກອງບັນຊາການທະຫານ ເຄມີ ຮ່ວມກັນຕັດແຖບຜ້າເປີດງານວາງສະແດງພາບ.
ເຂົ້າຮ່ວມໃນການງານວາງສະແດງຄັ້ງນີ້ ປະກອບມີ ທ່ານ ເລ ເຈື່ອງລິວ, ເລຂາພັກແຂວງ, ປະທານສະພາປະຊາຊົນ ແຂວງ; ທ່ານ ບຸ່ຍ ແທັງຮ່າ ຮອງເລຂາ ປະຈຳພັກແຂວງ; ທ່ານ ຫງວ໋ຽນ ຢຸ໋ງ ຮອງປະທານ ສະພາປະຊາຊົນ ແຂວງ ແລະ ຕ່າງໜ້າການນຳຂອງບັນຫ້ອງການທີ່ກ່ຽວຂ້ອງ. ສ່ວນກອງບັນຊາການທະຫານ ເຄມີ ມີພົນຈັດຕະວາ ຮ່າ ວັນກື້ ຫົວໜ້າກອງບັນຊາການ ທະຫານຫຸ້ມເກາະ ສານເຄມີ.
ເຮົາຮູ້ນຳກັນໃນສົງຄາມຮຸກຮານຫວຽດນາມ ຈັກກະພັດອາເມລິກາ ບໍ່ພຽງແຕ່ໃຊ້ລະເບີດ ແລະ ກະສຸນປືນ ເພື່ອສ້າງຄວາມບາດເຈັບໃຫ້ແກ່ຄົນຫວຽດນາມ ແຕ່ຍັງໃຊ້ທາດເບື່ອ ຄືຝົນເຫຼືອງ(dioxin). ພາຍໃນເວລາ 10 (ແຕ່ ປີ1961 ຫາ ປີ 1971), ທະຫານອາເມລິກາ ໄດ້ຊີດສານພິດດັ່ງກ່າວ ຈຳນວນ 80 ລ້ານລິດ ລົງໃສ່ສະໜາມຮົບຫວຽດນາມ. ໃນນັ້ນເຂດພູເຂົາ ປ່າໄມ້ ຂອງເມືອງ ອາເລື໋ອຍ, ນາມດົງ, ຟູ໋ລົກ, ຟອງດ່ຽນ ຂອງແຂວງເທື່ອທຽນ ເຫວ້... ພິເສດແມ່ນຢູ່ເຂດສະໜາມບິນ ອາຊໍ ຂອງກຸ່ມບ້ານ ດົງເຊີນ, ເມືອງອາເລື໋ອຍ.
 |
 |
ການແນະນຳຂໍ້ມູນພາບໃນງານວາງສະແດງ.
ນີ້ແມ່ນການສະແດງພາບ, ວັດຖຸ ທີ່ສະຫັຼກໄວ້ໄດ້ຢ່າງຊັດເຈນເຖິງ ຜົນຮ້າຍຂອງສົງຄາມເຄມີ. ຈາກນັ້ນຮຽກຮ້ອງໃຫ້ມວນມະຫາຊົນໃນສັງຄົມພວກເຮົາ ບັນເທົາທຸກໂສກຂອງຄວາມເຈັບປວດຈາກຝົນເຫຼືອງ, ຊ່ວຍອຸ້ມຊູຕໍ່ສູ້ຂໍຄວາມເປັນທຳ ໃຫ້ແກ່ຜູ້ເຄາະຮ້າຍຈາກທາດເທື່ອຝົນເຫຼືອງນີ້.
ງານວາງສະແດງຈະດຳເນີນໄປແຕ່ວັນທີ 25 ຕຸລາ ຫາ 25 ພະຈິກ ຢູ່ທີ່ ຫໍພິພິດຕະພັນ ປະຫວັດສາດ ແຂວງເທື່ອທຽນ ເຫວ້, ຕາແສງ ທົ້ນແທັ່ງ, ນະຄອນເຫວ້.
（ຫັດທະບູນ）
