| ນັກສຶກສາລາວ ແລະ ຄວາມຊົງຈຳວັນບຸນປີໃໝ່ທີ່ອົບອຸ່ນໃນບ້ານເກີດເມືອງນອນແຫ່ງທີສອງ | |
| ແຂວງຮ່າຕິ້ງ ໜູນຊ່ວຍ 8,3 ຕື້ດົ່ງ ກໍ່ສ້າງສຸກສາລາທະຫານ-ປະຊາຊົນ ຢູ່ແຂວງບໍລິຄຳໄຊ (ລາວ) |
ການຕ້ອນຮັບຄະນະຜູ້ແທນຄະນະໂຄສະນາສຶກສາສູນກາງພັກກອມມູນິດຫວຽດນາມ, ມີ ສະຫາຍ ຈັນທະພອນ ຄໍາມະນີຈັນ, ອັກຄະລັດຖະທູດ ແຫ່ງ ສປປ ລາວ ປະຈໍາ ຫວຽດນາມ.
ທີ່ການພົບປະ, ພາຍໃຕ້ການມອບສິດຂອງການນຳຄະນະໂຄສະນາສຶກສາສູນກາງພັກກອມມູນິດຫວຽດນາມ, ສະຫາຍ ຫງວຽນເກ໋ເລີມ ໄດ້ມອບດອກໄມ້ສະແດວຄວາມຊົມເຊີຍ ແລະ ສົ່ງຄຳອວຍພອນເຖິງຄອບຄົວພະນັກງານ, ລັດຖະກອນທີ່ເຮັດວຽກຢູ່ສະຖານທູດລາວ ຂໍໃຫ້ມີສຸຂະພາບແຂງແຮງ, ມີຄວາມສະຫງົບສຸກ; ພ້ອມກັນນັ້ນ, ກໍ່ສົ່ງຄຳອວຍພອນອັນດີງາມໄປຍັງບັນດາການນຳຂອງພັກ, ລັດ ແລະ ປະຊາຊົນລາວ ໃນໂອກາດບຸນປີໃໝ່ປະຈຳຊາດ.
 |
| ຄະນະໂຄສະນາສຶກສາສູນກາງພັກກອມມູນິດຫວຽດນາມ ໄດ້ໄປຢ້ຽມຢາມ ແລະ ອວຍພອນບຸນປີໃໝ່ລາວ ຢູ່ສະຖານທູດລາວ ປະຈຳຫວຽດນາມ |
ກ່າວຄຳເຫັນທີ່ການພົບປະ, ສະຫາຍ ຫງວຽນເກ໋ເລີມ ໄດ້ເນັ້ນໜັກວ່າ ໃນຊຸມປີມໍ່ໆມານີ້, ບົນພື້ນຖານສາຍພົວພັນມິດຕະພາບທີ່ເປັນມູນເຊື້ອລະຫວ່າງ 2 ພັກ ແລະ ລັດ ຫວຽດນາມ - ລາວ, ການພົວພັນຮ່ວມມືລະຫວ່າງນະຄອນ ແລະ ທ້ອງຖິ່ນຂອງລາວ ໄດ້ຮັບການເພີ່ມທະວີ ແລະ ພັດທະນາ, ນັບມື້ນັບເຂົ້າສູ່ລວງເລິກ. ໃນປີ 2023 ແມ່ນຄົບຮອບ 61 ປີ ວັນສ້າງຕັ້ງການພົວພັນທາງການທູດ ຫວຽດນາມ - ລາວ (5 ກັນຍາ 1962 – 5 ກັນຍາ 2023) ແລະ ຄົບຮອບ 46 ປີ ວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (ວັນທີ 18 ກໍລະກົດ 1977 –18 ກໍລະກົດ 2023).
ກໍ່ໃນຈຸດເວລານີ້, ສະຫາຍ ຫວໍວັນເຖືອງ, ປະທານປະເທດ ສາທາລະນະລັດ ສັງຄົມນິຍົມ ຫວຽດນາມ ແລະ ຄະນະຜູ້ແທນຂັ້ນສູງແຫ່ງລັດ ຫວຽດນາມ ໄດ້ເດີນທາງມາຢ້ຽມຢາມ ສປປ ລາວ ເປັນເວລາ 2 ວັນ ແຕ່ວັນທີ 10-11 ເມສາ ເພື່ອເສີມຂະຫຍາຍ ແລະ ພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ-ຫວຽດນາມ. ນີ້ແມ່ນການຢ້ຽມຢາມຕ່າງປະເທດຢ່າງເປັນທາງການຄັ້ງທຳອິດຂອງ ສະຫາຍ ຫວໍວັນເຖືອງ ພາຍຫຼັງໄດ້ຮັບການແຕ່ງຕັ້ງເປັນປະທານປະເທດຫວຽດນາມ. ການຢ້ຽມຢາມຄັ້ງນີ້ ເພື່ອແນໃສ່ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນການພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານກັບ ສປປ.ລາວ.
 |
ໂດຍສະແດງຄວາມຂອບໃຈຕໍ່ຄວາມເອົາໃຈໃສ່, ປຸກລະດົມ ແລະ ການຢ້ຽມຢາມຂອງຄະນະໂຄສະນາສຶກສາສູນກາງພັກກອມມູນິດຫວຽດນາມ, ສະຫາຍ ຈັນທະພອນ ຄຳມະນີຈັນ, ອັກຄະລັດຖະທູດ ສປປ ລາວ ປະຈຳ ຫວຽດນາມ ໄດ້ເນັ້ນໜັກວ່າ, ການຢ້ຽມຢາມຄັ້ງນີ້ແມ່ນການຢັ້ງຢືນສາຍພົວພັນຮ່ວມມືແບບພິເສດໂດຍໄດ້ຮັບການຮັກສາ ແລະ ພັດທະນາຢ່າງບໍ່ຢຸດຢັ້ງ, ປະກອບສ່ວນສຳຄັນເຂົ້າໃນການພົວພັນຮ່ວມມືອັນດີງາມລະຫວ່າງສອງປະເທດຫວຽດນາມ - ລາວ. ລາວ ແລະ ຫວຽດນາມ ເປັນປະເທດບ້ານໃກ້ເຮືອນຄຽງ, ເປັນອ້າຍນ້ອງທີ່ມີຄວາມສະໜິດຕິດພັນຮ່ວມທຸກຮ່ວມສຸກໃນຊຸມປີແຫ່ງການຕໍ່ສູ້ກູ້ຊາດ, ກໍ່ຄືໃນໄລຍະປົກປັກຮັກສາປະເທດຊາດ. ມາຮອດປະຈຸບັນ, ການພົວພັນລະຫວ່າງສອງປະເທດ ລາວ - ຫວຽດນາມ ໄດ້ກາຍເປັນສາຍພົວພັນແບບພິເສດ, ສະໜິດສະໜົມ, ບໍລິສຸດ ແລະ ຫາຍາກ, ເປັນຊັບສິນອັນລ້ຳຄ່າຂອງສອງປະເທດ, ເປັນກົດເກນຄົງຕົວ ແລະ ພັດທະນາຂອງສອງປະເທດ, ເປັນປັດໄຈຕັດສິນໄຊຊະນະຂອງການປະຕິວັດແຕ່ລະປະເທດ.
ຄຳຮຸ່ງ
