ຕາມການແຈ້ງເຕືອນ, ໃນໄລຍະມໍ່ໆມານີ້ ອົງການເຈົ້າໜ້າທີ່ ຫວຽດນາມ ປະຈຳລາວ ໄດ້ຮັບໃບຄຳຮ້ອງ ແລະ ຂໍຄວາມຊ່ວຍເຫຼືອຈາກພົນລະເມືອງຫວຽດນາມ ເປັນຈຳນວນຫຼາຍທີ່ຖືກຕົວະຍົວະໄປເຮັດວຽກຢູ່ລາວ ໃນເຂດເສດຖະກິດສາມຫຼ່ຽມຄຳ ແຂວງບໍ່ແກ້ວ (ພາກເໜືອຂອງລາວ).
 |
ຕຳຫຼວດແຂວງບໍ່ແກ້ວ (ລາວ) ໄດ້ມອບຮັບບັນດາກໍລະນີໃຫ້ຕຳຫຼວດແຂວງ ຮ່າຕິ້ງ,ເດືອນມິຖຸນາ 2023. |
ຕາມໜັງສືຮ້ອງຟ້ອງ, ຜ່ານເຄືອຂ່າຍສັງຄົມ (Zalo, Facebook...) ຫຼືຜ່ານໝູ່ເພື່ອນ ແລະ ຄົນຮູ້ຈັກຂອງຄົນເຫຼົ່ານີ້ແລ້ວ, ເຂົາໄດ້ຮັບຄຳສັນຍາວ່າ ຈະພາໄປເຮັດວຽກເບົາ, ມີເງື່ອນໄຂເຮັດວຽກສະດວກ ແລະ ມີລາຍຮັບສູງ, ລວມທັງການຊ່ວຍເຫຼືອຄ່າໃຊ້ຈ່າຍໄປມາ. ຄ່າໃຊ້ຈ່າຍໃຫ້ນາຍໜ້າ,... ແຕ່ວ່າ, ຫຼັງຈາກມາຮອດບ່ອນເຮັດວຽກ, ເຂົາເຈົ້າໄດ້ຖືກບັງຄັບໃຫ້ເຊັນສັນຍາແຮງງານກັບນາຍຈ້າງນຳໃຊ້ແຮງງານຂອງພວກເຂົາໃນພາສາທີ່ເຂົາເຈົ້າບໍ່ເຂົ້າໃຈ (ເນື້ອແທ້ເປັນສັນຍາໜີ້), ບັງຄັບໃຫ້ມີສ່ວນຮ່ວມໃນກິດຈະກໍາການຫຼອກລວງເຊັ່ນ ການພະນັນອອນໄລນ໌, ເຮັດທຸລະກິດຊື້ຂາຍເງິນຕາ, ໂສເພນີ ຫຼື ກິດຈະກໍາບັນເທີງທີ່ລະອຽດອ່ອນອື່ນໆ ...
ຕາມສະຖານທູດຫວຽດນາມ ປະຈຳລາວແລ້ວ, ນີ້ແມ່ນຮູບການແນບນຽນໃໝ່ຂອງອາດຊະຍາກຳການຄ້າມະນຸດ ແລະ ການບັງຄັບໃຊ້ແຮງງານ. ຜູ້ຖືກເຄາະຮ້າຍຈາກອາດຊະຍາກໍານີ້ມັກຈະຖືກຂູດຮີດຢ່າງສິ້ນເຊີງ ແລະ ມີຄວາມຫຍຸ້ງຍາກໃນການເຂົ້າເຖິງການຊ່ວຍເຫຼືອ, ໃນຫຼາຍໆກໍລະນີເຖິງຂັ້ນເປັນອັນຕະລາຍເຖິງຊີວິດ.
ສະຖານທູດຫວຽດນາມ ປະຈຳລາວ ໄດ້ແຈ້ງເຕືອນປະຊາຊົນຄວນມີສະຕິລະວັງຕົວຕໍ່ການຊັກຊວນ, ລໍ້ລວງໃຫ້ໄປລາວເພື່ອເຮັດ "ວຽກເບົາທີ່ມີເງິນເດືອນສູງ". ຄົນງານທີ່ຢາກໄປເຮັດວຽກຢູ່ຕ່າງປະເທດຕ້ອງຜ່ານຊ່ອງທາງທາງການ ແລະ ບໍລິສັດທີ່ມີໃບອະນຸຍາດທີ່ມີຄວາມໄວ້ວາງໃຈໃນການສົ່ງຊາວຫວຽດນາມ ໄປເຮັດວຽກຢູ່ຕ່າງປະເທດ. ກ່ອນທີ່ຈະຕັດສິນໃຈໄປເຮັດວຽກຢູ່ຕ່າງປະເທດ, ຕ້ອງປະກອບຄວາມຮູ້ພື້ນຖານດ້ານວັດທະນະທຳ, ສັງຄົມ, ກົດໝາຍບ່ອນເຮັດວຽກ ແລະ ທັກສະທີ່ເໝາະສົມກັບວຽກທີ່ຈະເຮັດ... ເພື່ອຫຼີກລ່ຽງຄວາມສ່ຽງໃນເວລາໄປເຮັດວຽກຢູ່ຕ່າງປະເທດ.
ດີງເລື້ອງ
