ພິທີມອບຫຼຽນກາມິດຕະພາບ ໂດຍລັດຖະບານ ແຫ່ງ ສປປ ລາວ ໃຫ້ແກ່ອົງການກາແດງແຂວງ ແທງຮວາ ແລະ ກອນຕູມ (ຫວຽດນາມ)
	ກໍ່ສ້າງ ແລະພັດທະນາວັດທະນະທຳ ແລະຊາວຫວິງລອງ ເພື່ອຕອບສະໜອງຄວາມຮຽກຮ້ອງຕ້ອງການພັດທະນາ ແລະ ເຊື່ອມໂຍງ

ຫວ່າງແລ້ວນີ້, ຢູ່ແຂວງຈໍາປາສັກ (ລາວ) ໄດ້ດໍາເນີນກອງປະຊຸມສໍາມະນາເຜີຍແຜ່ເອກະສານນິຕິກໍາທີ່ກ່ຽວຂ້ອງເຖິງການຄ້າ ແລະການຄ້າຊາຍແດນ ຫວຽດນາມ-ລາວ; ການພົບປະແລກປ່ຽນການຄ້າຂອງວິສາຫະກິດຫວຽດນາມ - ລາວ.

ຜູ້ຕາງໜ້າກະຊວງອຸດສາຫະກຳ ແລະການຄ້າ ຫວຽດນາມ ແລະກະຊວງອຸດສາຫະກຳ ແລະການຄ້າ ລາວ ເປັນປະທານຮ່ວມກອງປະຊຸມສໍາມະນາ. ພາບ: baodaknong.vn

ທີ່ກອງປະຊຸມສໍາມະນາ, ຜູ້ຕາງໜ້າ ກະຊວງອຸດສາຫະກຳ ແລະການຄ້າ ຫວຽດນາມ ແລະກະຊວງອຸດສາຫະກຳ ແລະການຄ້າລາວ ໄດ້ສະເໜີຂໍ້ມູນຂ່າວກ່ຽວກັບສັນຍາການຄ້າຊາຍແດນຫວຽດນາມ - ລາວ. ສອງຝ່າຍໄດ້ສຸມໃສ່ວິເຄາະກົດລະບຽບນິຕິກໍາກ່ຽວກັບການຄ້າ ແລະການຄ້າຊາຍແດນລະຫວ່າງສອງປະເທດ. ຜູ້ຕາງໜ້າບັນດາແຂວງຊາຍແດນຂອງສອງປະເທດໄດ້ແຈ້ງໃຫ້ກັນຊາບກ່ຽວກັບສະພາບການຕົວຈິງຂອງການເຄື່ອນໄຫວການຄ້າຊາຍແດນຫວຽດນາມ - ລາວ ຈາກມູມມອງຂອງຕົນ. ບັນດາຜູ້ແທນທີ່ມາຈາກສອງປະເທດໄດ້ແລກປ່ຽນຂໍ້ມູນຂ່າວສານ ແລະປຶກສາຫາລືກ່ຽວກັບບັນຫາທີ່ກ່ຽວຂ້ອງເຖິງການຄ້າຊາຍແດນ.

ແຂວງດັກນົງ ນຳເອົາຜະລິດຕະພັນທີ່ເປັນເອກະລັກຈຳນວນໜຶ່ງມາວາງສະແດງຢູ່ກອງປະຊຸມສໍາມະນາ. ພາບ: baodaknong.vn

ໃນຂອບເຂດກອງປະຊຸມສໍາມະນາ, ບັນດາວິສາຫະກິດຫວຽດນາມ ໄດ້ວາງສະແດງ ແລະແນະນຳບັນດາຜະລິດຕະພັນ, ສິນຄ້າຂອງຕົນ. ໃນນັ້ນ, ແຂວງ ດັກນົງ ໄດ້ນຳເອົາຫຼາຍຜະລິດຕະພັນທີ່ເປັນເອກະລັກຂອງແຂວງມາວາງສະແດງຢູ່ທີ່ກອງປະຊຸມສໍາມະນາ, ຄື: ແມັກຄາເດເມຍ, ໝາກຖົ່ວລຽນ...

ຕາມການນໍາພະແນກອຸດສາຫະກຳ-ການຄ້າແຂວງດັກນົງ ແລ້ວ, ກອງປະຊຸມສໍາມະນາການຄ້າກັບກຳປູເຈຍ ແລະລາວ ໄດ້ຈັດຂຶ້ນໃນທ້າຍເດືອນພະຈິກ 2023 ແມ່ນມີຄວາມໝາຍທີ່ສຸດ. ກອງປະຊຸມສໍາມະນາແມ່ນໂອກາດ ເພື່ອຊ່ວຍໃຫ້ຂະແໜງອຸດສາຫະກຳ ແລະການຄ້າຂອງທຸກຝ່າຍເພີ່ມທະວີຄວາມຮູ້ກ່ຽວກັບການຄ້າຊາຍແດນ. ນີ້ກໍ່ແມ່ນໂອກາດ ເພື່ອໃຫ້ບັນດາວິສາຫະກິດຂອງບັນດາແຂວງ ແລະປະເທດບ້ານໃກ້ເຮືອນຄຽງໄດ້ມີໂອກາດພົບປະແລກປ່ຽນ, ເຊື່ອມໂຍງ ເພື່ອກ້າວໄປເຖິງການຮ່ວມມືດ້ານການຄ້າໃຫ້ເລິກເຊິ່ງກວ່າອີກໃນອະນາຄົດ.