| ແຂວງດຽນບຽນ ແລະ ແຂວງຫຼວງພະບາງ ໄດ້ແລກປ່ຽນປະສົບການໃນວຽກງານຂອງອົງການກາແດງ | |
| ແຂວງ ປາກເຊ ມອບຫຼຽນກາມິດຕະພາບໃຫ້ ຫົວໜ້າກົງສຸນໃຫຍ່ ສສ ຫວຽດນາມ |
ວັນທີ 22 ພະຈິກ, ຢູ່ຮ່າໂນ້ຍດ ສູນກາງສະພາກາແດງ ຫວຽດນາມ ໄດ້ຈັດພິທີຮັບຫຼຽນໄຊມິດຕະພາບ ຈາກລັດຖະບານ ແຫ່ງ ສປປ.ລາວ. ການເຄື່ອນໄຫວຖືກດຳເນີນເນື່ອງໃນໂອກາດອົງການກາແດງແຫ່ງຊາດລາວ ມາຢ້ຽມຢາມ, ເຮັດວຽກ ແລະ ເຂົ້າຮ່ວມກອງປະຊຸມສະພາກາແດງ ແລະ ຊິກວົງເດືອນແດງສາກົນ ອາຊີ - ປາຊີຟິກ ຄັ້ງທີ 11 ຢູ່ ຫວຽດນາມ.
ທີ່ພິທີ, ທ່ານ ພູທອນ ເມືອງປາກ, ປະທານອົງການກາແດງແຫ່ງຊາດລາວ ໄດ້ປະດັບຫຼຽນໄຊມິດຕະພາບໃຫ້ແກ່ 03 ໝູ່ຄະນະ: ຄະນະພົວພັນຕ່າງປະເທດ ແລະ ພັດທະນາ ສູນກາງສະພາກາແດງ ຫວຽດນາມ, ສະພາກາແດງແຂວງ ແທັງຮວ໊າ ແລະ ສະພາກາແດງແຂວງ ກອນຕູມ. ທ່ານພູທອນ ເມືອງປາກ ກ່າວວ່າ: “ຫຼຽນໄຊຄັ້ງນີ້ເປັນຂີດໝາຍ ແລະ ເປັນກຽດປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີການພົວພັນຮ່ວມມືລະຫວ່າງສະມາຄົມກາແດງ ຫວຽດນາມ ແລະ ລາວ. ນີ້ແມ່ນໝາກຜົນແຫ່ງການຮ່ວມມືລະຫວ່າງສອງອົງການ, ປະກອບສ່ວນເຂົ້າໃນການພັດທະນາການພົວພັນລະຫວ່າງສອງພັກ ແລະ ສອງລັດ.”
 |
ພິທີມອບຫຼຽນກາມິດຕະພາບ ໂດຍລັດຖະບານ ແຫ່ງ ສປປ ລາວ ໃຫ້ແກ່ອົງການກາແດງແຂວງ ແທງຮວາ ແລະ ກອນຕູມ (ຫວຽດນາມ) |
ຕາງໜ້າໃຫ້ບັນດາໝູ່ຄະນະທີ່ໄດ້ຮັບຫຼຽນໄຊຄັ້ງນີ້, ທ່ານ ຫງວຽນກວັກແທັງ, ປະທານສະພາກາແດງ ແຂວງ ແທັງຮວ໊າ ໃຫ້ຮູ້ວ່າ: ຂອງຂວັນອັນສູງສົ່ງ ເຊິ່ງລັດຖະບານ ລາວ ມອບໃຫ້ບັນດາທ້ອງຖິ່ນ, ຫົວໜ່ວຍຕ່າງໆນັ້ນ ແມ່ນການລະດົມກຳລັງໃຈຢ່າງໃຫຍ່ຫຼວງ, ແມ່ນການຮັບຮູ້ທີ່ສຳຄັນສຳລັບຄວາມມານະພະຍາຍາມສູ້ຊົນຂອງໝູ່ຄະນະ, ສ່ວນບຸກຄົນທີ່ໄດ້ຮັບການເຊີດຊູໃນວຽກງານສະພາກາແດງ, ການເຄື່ອນໄຫວມະນຸດສະທຳສາກົນ:
“ພວກຂ້າພະເຈົ້າຂໍສະແດງຄວາມຂອບໃຈມາຍັງອົງການກາແດງແຫ່ງຊາດ ລາວ ແລະ ສູນກາງສະພາກາແດງ ຫວຽດນາມ ສຳລັບຂອງຂວັນອັນສູງສົ່ງນີ້. ພວກຂ້າພະເຈົ້າຂໍໝັ້ນໝາຍວ່າ ຈະເພີ່ມທະວີການສົມທົບກັນຈັດຕັ້ງ, ຜັນຂະຫຍາຍບັນດາການເຄື່ອນໄຫວມະນຸດສະທຳສາກົນໃຫ້ຫຼາຍກວ່າອີກ, ປະກອບສ່ວນພັດທະນາເສດຖະກິດ, ສັງຄົມ, ຄວາມສະໜິດຕິດພັນລະຫວ່າງສອງປະເທດກວ່າອີກ”.
ໃນຫຼາຍປີຜ່ານມາ, ຄະນະພົວພັນຕ່າງປະເທດ ແລະ ພັດທະນາ ສູນກາງສະພາກາແດງ ຫວຽດນາມ, ສະພາກາແດງແຂວງ ແທັງຮວ໊າ ແລະ ສະພາກາແດງແຂວງ ກອນຕູມ ໄດ້ມີຫຼາຍຄວາມມານະພະຍາຍາມທີ່ມີປະສິດທິຜົນ ແລະ ປະກອບສ່ວນໃຫ້ແກ່ການເຄື່ອນໄຫວຮ່ວມມືມິດຕະພາບ ລະຫວ່າງອົງການກາແດງແຫ່ງຊາດ ລາວ ກັບສະພາກາແດງບັນດາແຂວງຢູ່ເຂດຊາຍແດນລາວ, ເປັນຕົ້ນແມ່ນບັນດາການເຄື່ອນໄຫວກໍ່ສ້າງ, ຝຶກອົບຮົມໃຫ້ພະນັກງານອົງການກາແດງ ລາວ ຂັ້ນສູນກາງ ແລະ ທ້ອງຖິ່ນ, ບັນດາການເຄື່ອນໄຫວກ່ຽວກັບການເບິ່ງແຍງດູແລສຸຂະພາບ, ກວດ, ປິ່ນປົວພະຍາດ, ແຈກຢາຍຢຸກຢາໂດຍບໍ່ເກັບຄ່າ, ການໜູນຊ່ວຍວິທີຫາເງິນລ້ຽງຊີບ ແລະ ວຽກງານສັງຄົມ.
ຄຳຮຸ່ງ
