| World Vision ຫວຽດນາມ ໄດ້ໃຫ້ການສະໜັບສະໜູນເປັນເງິນສົດໃຫ້ແກ່ເດັກກຳພ້າ ທີ່ໄດ້ຮັບຜົນກະທົບຈາກພະຍາດໂຄວິດ-19 ຢູ່ນະຄອນໂຮ່ຈີມິນ | |
| World Vision ຫວຽດນາມ ສືບຕໍ່ໜູນຊ່ວຍຫວຽດນາມໃນການຕ້ານໂລກລະບາດ Covid-19 |
ພາຍຫຼັງໄດ້ຮັບຊາບກ່ຽວກັບບົດບາດ ແລະ ບາດກ້າວໃນການປະຕິບັດນະໂຍບາຍສົ່ງເສີມ, ບັນດາເດັກໄດ້ກຳນົດບັນຫາທົ່ວໄປຂອງເດັກນ້ອຍໃນທ້ອງຖິ່ນປັດຈຸບັນນີ້ ເຊັ່ນ: ການລະເມີດຈະລາຈອນ, ຕິດເກມ, ປະລະການຮຽນ, ທົນຕໍ່ການກະທຳຄວາມຮຸນແຮງທາງຮ່າງກາຍ. ກຸ່ມຊາວໜຸ່ມໄດ້ຈັດບຸລິມະສິດ ແລະ ເລືອກເຟັ້ນບັນຫາຄວາມຮຸນແຮງທາງຮ່າງກາຍຕໍ່ເດັກນ້ອຍໃນຄອບຄົວ ແລະ ໂຮງຮຽນເພື່ອໝູນໃຊ້ນະໂຍບາຍຜ່ານການສົນທະນາ.
 |
| World Vision ຫວຽດນາມຝຶກຝົນທັກສະການໃຊ້ຊີວິດໃຫ້ເດັກນ້ອຍຢູ່ແຂວງແທັງຮົວ |
ໃນການສົນທະນານັ້ນ ແຕ່ລະຝ່າຍໄດ້ປຶກສາຫາລືການສ້າງແຜນປະຕິບັດງານດ້ວຍບັນດາໜ້າວຽກຕົ້ນຕໍຄື: ສົ່ງເສີມການຝຶກຝົນທັກສະການດຳລົງຊີວິດໃຫ້ແກ່ເດັກນ້ອຍໃນໂຮງຮຽນ; ປັບປຸງຄຸນນະພາບຂອງກຸ່ມໃຫ້ປຶກສາດ້ານຈິດຕະວິທະຍາ ເພື່ອໃຫ້ເດັກນ້ອຍສາມາດໄວ້ວາງໃຈໃນບອກກ່າວຄວາມຄິດຄວາມຮູ້ສຶກາ, ໂດຍສະເພາະໃນເວລາທີ່ປະເຊີນກັບຄວາມສ່ຽງຂອງການໃຊ້ຄວາມຮຸນແຮງ; ສ້າງຕັ້ງສະໂມສອນຄອບຄົວມີສຸກເພື່ອຊ່ວຍຮັກສາສາຍພົວພັນ, ຄວາມໄວ້ວາງໃຈ ແລະຄວາມຮັກຂອງສະມາຊິກໃນຄອບຄົວ, ເພື່ອເປັນການຫຼຸດຜ່ອນຄວາມສ່ຽງຕໍ່ຄວາມຮຸນແຮງຕໍ່ເດັກນ້ອຍ; ຜູ້ປົກຄອງນໍາໃຊ້ແບບວິທີການທາງວິໄນໃນທາງບວກໃນການລ້ຽງລູກ; ຊຸມຊົນມີແຜນການເຜີຍແຜ່ການປ້ອງກັນ, ຕ້ານຄວາມຮຸນແຮງທາງດ້ານຮ່າງກາຍຕໍ່ເດັກນ້ອຍ.
ກ່ອນໜ້ານັ້ນ, ອົງການ World Vision ຫວຽດນາມ ກໍ່ໄດ້ຈັດຕັ້ງຊຸດອົບຮົມຫົວຂໍ້ “ການປ້ອງກັນການແຕ່ງງານຂອງເດັກ ແລະ ການຮັກສາສຸຂະພາບການເຕີບໂຕໃຫ້ໄວໜຸ່ມ” ໃຫ້ແກ່ເດັກໄວໜຸ່ມ 77 ຄົນຢູ່ຕາແສງ ຮຸກງີ ແລະ ບ່ານັງ, ເມືອງ ດັກຣົງ, ແຂວງ ກວາງຈິ. ຊຸດຝຶກອົບຮົມໄດ້ສະໜອງຄວາມຮູ້ໃຫ້ແກ່ໄວໜຸ່ມກ່ຽວກັບການປ່ຽນແປງທາງດ້ານສະລີລະວິທະຍາ ແລະ ທາງດ້ານຈິດໃຈໃນເວລາກຳລັງເປັນຜູ້ໃຫຍ່, ເຂົາເຈົ້າຈະຮູ້ວິທີການດູແລສຸຂະພາບຂອງຕົນເອງ.
ເດັກນ້ອຍທີ່ເຂົ້າຮ່ວມຍັງມີຄວາມເຂົ້າໃຈເພີ່ມຂຶ້ນກ່ຽວກັບກົດໝາຍການແຕ່ງງານ, ພ້ອມກັບທັກສະການດຳລົງຊີວິດເພື່ອໃຫ້ເດັກຮຸ້ຈັກການຮັກສາສາຍພົວພັນໝູ່ເພື່ອນທີ່ດີ, ປ້ອງກັນທຸກການລ່ວງລະເມີດ, ການຂູດຮີດ ແລະ ການແຕ່ງງານຂອງເດັກນ້ອຍທຸກຮູບແບບ. 100% ຂອງເດັກນ້ອຍທີ່ເຂົ້າຮ່ວມການຝຶກອົບຮົມໄດ້ໃຫ້ຄໍາໝັ້ນສັນຍາ ແລະ ວາງແຜນໃນການດູແລຕົນເອງ ເຊັ່ນ: ໄປສຸກສາລາກວດສຸຂະພາບກ່ອນແຕ່ງດອງ, ເຂົ້າຮ່ວມແລກປ່ຽນໃນກິດຈະກໍາປະຈໍາເດືອນຂອງເດັກຍິງ.
ວິລະຊົນ
