ການນຳຕຳຫຼວດເມືອງ ເມືອງໃໝ່ ໃຫ້ຮູ້ວ່າ: ເມືອງໃໝ່ ມີເນື້ອທີ່ທັງໝົດ 3.171 ກິໂລຕາແມັດ, ໃນນັ້ນ ພູສູງກວມເອົາ 90%, ມີຊາຍແດນຕິດກັບ ສສ ຫວຽດນາມ ຍາວ 187,3 ກິໂລແມັດ, ປະກອບມີ 1 ດ່ານຊາຍແດນສາກົນ (ປາງຫົກ) ແລະ 3 ດ່ານທ້ອງຖິ່ນ (ປາກເທີມ, ຫ້ວຍຫຼ້າ ແລະ ຫ້ວຍເຮ້ຍ).
 |
| ກອງປະຊຸມພົບປະແລກປ່ຽນປະຈຳປີ ລະຫວ່າງຕຳຫຼວດເມືອງ ເມືອງໃໝ່ (ແຂວງ ຜົ້ງສາລີ, ລາວ) ແລະ ຕຳຫຼວດເມືອງ ດ້ຽນບຽນ |
ປີ 2023, ຕຳຫຼວດ 2 ເມືອງຢູ່ແຕ່ລະປະເທດໄດ້ສົມທົບກັນຢ່າງມີປະສິດທິຜົນໃນການປະຕິບັດງານຮັບປະກັນຄວາມເປັນລະບຽບຮຽບຮ້ອຍ ແລະ ຄວາມສະຫງົບຢູ່ເຂດຊາຍແດນ, ການແລກປ່ຽນຂໍ້ມູນຂ່າວສານ, ສະພາບການທີ່ກ່ຽວຂ້ອງກັບຄວາມເປັນລະບຽບຮຽບຮ້ອຍ ແລະ ຄວາມສະຫງົບຂອງສອງຝ່າຍ; ຂົນຂວາຍປະຊາຊົນປະຕິບັດລະບຽບຢູ່ຊາຍແດນຢ່າງເຂັ້ມງວດ, ສ້າງເງື່ອນໄຂໃຫ້ປະຊາຊົນສອງຟາກຊາຍແດນໄປມາ ແລະ ແລກປ່ຽນສິນຄ້າ; ຜັນຂະຫຍາຍການປະຕິບັດບັນດາຂໍ້ຕົກລົງ ແລະ ບົດບັນທຶກຊ່ວຍຈຳທີ່ໄດ້ລົງນາມແລ້ວໃນທຸກຂັ້ນຢ່າງມີປະສິດທິຜົນ; ສົມທົບກັນຕ້ານອາດຊະຍາກຳທຸກປະເພດ, ການລະເມີດກົດໝາຍ, ໂດຍສະເພາະແມ່ນອາດຊະຍາກຳກ່ຽວກັບຢາເສບຕິດ.
ທີ່ການພົບປະ, 2 ຝ່າຍໄດ້ເຫັນດີເປັນເອກະພາບກ່ຽວກັບເນື້ອໃນການຮ່ວມມືໃນໄລຍະຈະມາເຖິງ ແລະ ໄດ້ລົງນາມໃນບົດບັນທຶກຊ່ວຍຈຳປີ 2023 ລະຫວ່າງຕຳຫຼວດເມືອງ ເມືອງໃໝ່ ແລະ ຕຳຫຼວດເມືອງ ດ້ຽນບຽນ. ໃນນັ້ນ ໄດ້ຖືເປັນສຳຄັນການສືບຕໍ່ເຮັດວຽກງານກຳສະພາບການ, ແລກປ່ຽນຂໍ້ມູນຂ່າວສານ, ການໂຄສະນາຂົນຂວາຍ, ສຶກສາພົນລະເມືອງຂອງສອງປະເທດໃຫ້ເຄົາລົບນັບຖື, ປະຕິບັດກົດໝາຍ ແລະ ຮີດຄອງປະເພນີຂອງແຕ່ລະປະເທດໃຫ້ເປັນຢ່າງດີ; ເພີ່ມທະວີການສົມທົບກັນຜັນຂະຫຍາຍບັນດາແຜນງານ, ແຜນການປ້ອງກັນ, ກວດພົບ, ສະກັດກັ້ນ ແລະ ຕ້ານອາດຊະຍາກຳທຸກປະເພດ...
ມິງດຶກ
