| ໄຂຊຸດຝຶກອົບຮົມວຽກງານກູ້ຊີບ, ກູ້ໄພພິບັດທຳມະຊາດໃຫ້ແກ່ພະນັກງານກອງທັບປະຊາຊົນລາວ ປີ 2023 | |
| ຊຸກຍູ້ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືລະຫວ່າງນະຄອນ ດ່ານັ້ງ ແລະ ບັນດາແຂວງພາກໃຕ້ຂອງລາວ |
ວັນທີ 15 ພະຈິກ, ຄະນະຜູ້ແທນຄະນະກໍາມະການສູນກາງແນວລາວສ້າງຊາດ ນໍາໂດຍສະຫາຍນາງ ອິນລາວັນ ແກ້ວບຸນພັນ, ຮອງປະທານຄະນະກຳມະການສູນກາງແນວລາວສ້າງຊາດ ໄດ້ໄປຢ້ຽມຢາມ ແລະເຮັດວຽກຢູ່ຕາແສງບາດຈາງ, ເມືອງຢາເລິມ, ນະຄອນຮ່າໂນ້ຍ.
 |
| ຄະນະຜູ້ແທນຄະນະກໍາມະການສູນກາງແນວລາວສ້າງຊາດ ຢ້ຽມຢາມ ແລະເຮັດວຽກຢູ່ຕາແສງບາດຈາງ, ເມືອງຢາເລິມ, ຮ່າໂນ້ຍ. ພາບ: hanoimoi.vn |
ຄະນະຜູ້ແທນໄດ້ລົງສໍາຫຼວດຕົວຈິງ ແລະຮັບຟັງນັກສິລະປະການ, ນາຍຊ່າງໝູ່ບ້ານເຄື່ອງປັ້ນດິນເຜົາ ບາດຈາງ ແບ່ງປັນກ່ຽວກັບວິວັດການສ້າງຕັ້ງ, ພັດທະນາ ແລະສ້າງເຄື່ອງໝາຍການຄ້າເຄື່ອງປັ້ນດິນເຜົາ ບາດຈາງ ກໍ່ຄືບົດຮຽນປະສົບການຂອງບ້ານ ບາດຈາງ ໃນການບຳລຸງສ້າງແຫຼ່ງຊັບພະຍາກອນມະນຸດ, ສ້າງແຮງບັນດານໃຈໃຫ້ຄົນລຸ້ນຫຼັງຮັກສາອາຊີບພື້ນເມືອງຂອງບັນພະບຸລຸດ ແລະວຽກງານກໍ່ສ້າງຊົນນະບົດໃໝ່ຢູ່ທ້ອງຖິ່ນ.
ເມື່ອແລກປ່ຽນກັບຄະນະຜູ້ແທນແນວລາວສ້າງຊາດ, ສະຫາຍ ຫວູຮ່າ, ຮອງຫົວໜ້າຜູ້ປະຈໍາການ ຄະນະຂົນຂວາຍປະຊາຊົນນະຄອນຮ່າໂນ້ຍ ໃຫ້ຮູ້ວ່າ: ໃນຊຸມປີມໍ່ໆມານີ້, ນະຄອນຫຼວງຮ່າໂນ້ຍ ຍາມໃດກໍ່ໃຫ້ບຸລິມະສິດສູງໃນການພັດທະນາການພົວພັນມິດຕະພາບ, ການຮ່ວມມືກັບນະຄອນຫຼວງວຽງຈັນ ແລະບັນດາທ້ອງຖິ່ນຂອງລາວ, ໂດຍສະເພາະແມ່ນເພີ່ມທະວີສາຍພົວພັນມິດຕະພາບທີ່ສະໜິດສະໜົມລະຫວ່າງປະຊາຊົນນະຄອນຮ່າໂນ້ຍ ກັບປະຊາຊົນບັນດາທ້ອງຖິ່ນຂອງລາວ ຜ່ານເນື້ອໃນການຮ່ວມມືລະຫວ່າງບັນດາອົງການຈັດຕັ້ງ, ໝູ່ຄະນະ ການເມືອງ-ສັງຄົມ, ລະຫວ່າງຄະນະກຳມະການແນວໂຮມປະເທດຊາດຫວຽດນາມ ນະຄອນຮ່າໂນ້ຍ ກັບຄະນະກໍາມະການແນວລາວສ້າງຊາດນະຄອນຫຼວງວຽງຈັນ ໃນການພົບປະແລກປ່ຽນຄະນະຜູ້ແທນ ແລະການທູດປະຊາຊົນ, ແລກປ່ຽນບົດຮຽນໃນການຍົກສູງຄວາມສາມາດດ້ານວິຊາສະເພາະລະຫວ່າງສອງອົງການ...
ສະຫາຍນາງ ອິນລາວັນ ແກ້ວບຸນພັນ ຢືນຢັນວ່າ ບັນດາບົດຮຽນປະສົບການທີ່ຖອດຖອນມາໄດ້ໃນການໄປສຳຫຼວດ ແລະເຮັດວຽກຢູ່ຕາແສງບາດຈາງ ແມ່ນເປັນປະໂຫຍດຫຼາຍ, ເປັນຕົ້ນແມ່ນປະສົບການໃນວຽກງານອະນຸລັກຮັກສາ, ເສີມຂະຫຍາຍອາຊີບພື້ນເມືອງ ແລະກໍ່ສ້າງຊົນນະບົດໃໝ່ ຈະປະກອບສ່ວນຍົກສູງຄຸນນະພາບ ແລະປະສິດທິຜົນການເຄື່ອນໄຫວຂອງຄະນະກໍາມະການສູນກາງແນວລາວສ້າງຊາດ ໃນໄລຍະຈະມາເຖິງ.
ບູນມີ
