ຊຸກຍູ້ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືລະຫວ່າງນະຄອນ ດ່ານັ້ງ ແລະ ບັນດາແຂວງພາກໃຕ້ຂອງລາວ

	ດ່ານັ້ງ ປະກາດໂຄງການໜູນຊ່ວຍການດຶງດູດນັກທ່ອງທ່ຽວ MICE ສາກົນ
	ດ່ານັ້ງ ຕ້ອນຮັບນັກທ່ອງທ່ຽວ ອິນເດຍ ແລະ ຕາເວັນອອກາງ ນັບແຕ່ເດືອນ ຕຸລາ ຈະມາເຖິງ

ທີ່​ການ​ພົບ​ປະ, ທ່ານ​ກົງສຸນໃຫຍ່ ຫງວຽນ​ວັນ​ຈູງ ​ໃຫ້​ຮູ້​ວ່າ: ​ໃນ​ໄລຍະ​ມໍ່ໆ​ມາ​ນີ້, ກົງ​ສູນ​ໃຫຍ່​ຫວຽດນາມ ຍາມ​ໃດ​ກໍ່​ປະຕິບັດ​ໜ້າ​ທີ່​ປົກປ້ອງ​ພົນລະ​ເມືອງເປັນຢາງດີ, ໜູນ​ຊ່ວຍ​ວິ​ສາ​ຫະກິດ, ຮັກສາ ​ແລະ ຊຸກຍູ້​ການ​ພົວພັນ​ມິດຕະພາບ​ທີ່​ເປັນ​ມູນ​ເຊື້ອ​ລະຫວ່າງ​ບັນດາ​ທ້ອງ​ຖິ່ນ​ຂອງ​ຫວຽດນາມ ກັບ​ບັນດາ​ແຂວງ​ພາກ​ໃຕ້​ຂອງ​ລາວ.

ປະຊາຄົມຊາວຫວຽດນາມ ອາໄສຢູ່ບັນດາແຂວງພາກໃຕ້ຂອງລາວ ປະຈຸບັນມີຈຳນວນປະມານ 15.000 ກວ່າຄົນ, ມີວິສາຫະກິດຫວຽດນາມ 115 ແຫ່ງກຳລັງເຄື່ອນໄຫວ, ປະກອບສ່ວນພັດທະນາເສດຖະກິດ ເເລະ ຄ້ຳປະກັນຊີວິດສັງຄົມຢູ່ບັນດາແຂວງຂອງລາວ. ປະຊາ​ຄົມ​ຊາວ​ຫວຽດນາມ​ປະຕິບັດ​ກົດໝາຍ​ທ້ອງ​ຖິ່ນ​ເປັນ​ຢ່າງ​ດີ ​ແລະ ຕັ້ງໜ້າ​ປົກ​ປັກ​ຮັກສາ​ວັດທະນະທຳ​ຮີດຄອງ​ປະ​ເພນີ ​ແລະ ພາສາ​ຫວຽດນາມ.

ການ​ຢ້ຽມ​ຢາມ​ເພື່ອ​ແນ​ໃສ່​ຮັດ​ແໜ້ນ​ສາຍ​ພົວ​ພັນ​ແບບ​ພິ​ເສດ​ຄວາມ​ສາ​ມັກ​ຄີ, ມິດ​ຕະ​ພາບ​ລະ​ຫວ່າງ​ສອງ​ພັກ, ລັດ​ຫວຽດ​ນາມ ແລະ ລາວ.(ພາບ: ໜັງສືພິມຕຳຫຼວດນະຄອນດ່ານັ້ງ).

ທ່ານ​ນາງ​ຮອງ​ປະທານ​ສະພາ​ປະຊາຊົນ​ນະຄອນ ດ່ານັ້ງ ຫງວຽນທິເເອງທີ່ ​ໄດ້​ສະແດງ​ຂອບ​ໃຈ​ຄວາມເອົາ​ໃຈ​ໃສ່ ​ແລະ ການໜູນ​ຊ່ວຍ​ຂອງ​ພະນັກງານ, ຂ້າລັດຖະການສະຖານກົງສູນ​ຫວຽດນາມ ປະຈຳ​ນະຄອນ ​ປາກເຊ ​ໃນ​ການ​ປະຕິບັດ​ໜ້າ​ທີ່​ເປັນຂົວ​ຕໍ່​ມິດຕະພາບ ​ແລະ ການ​ຮ່ວມ​ມື​ລະຫວ່າງ​ນະຄອນ ດ່າ​ນັ້ງ ​ແລະ ບັນດາແຂວງພາກໃຕ້ຂອງລາວ ເພື່ອ​ຜັນ​ຂະຫຍາຍ​ບັນດາ​ໂຄງການ​ຮ່ວມ​ມື​ຕົວ​ຈິງ​ໃນ​ໄລຍະ​ມໍ່ໆ​ມາ​ນີ້.

ພ້ອມ​ກັນ​ນັ້ນ, ກໍ່ຫວັງ​ວ່າ​ຈະ​ສືບ​ຕໍ່​ໄດ້​ຮັບ​ຄວາມ​ເອົາ​ໃຈ​ໃສ່​ຈາກ​ກົງ​ສູນ​ໃຫຍ່​ໃນ​ການ​ໜູນ​ຊ່ວຍ ​ແລະ ສ້າງ​ເງື່ອນ​ໄຂ​ສະດວກ​ໃຫ້​ບັນດາ​ວິ​ສາ​ຫະກິດ ​ແລະ ປະຊາ​ຄົມ​ຊາວ​ນະຄອນ ດ່າ​ນັ້ງ ດຳລົງ​ຊີວິດ, ດຳ​ເນີນ​ທຸລະ​ກິດ, ຄ້າຂາຍ​ຢູ່​ບັນດາ​ແຂວງ​ພາກ​ໃຕ້​ຂອງ​ລາວ.

ນະຄອນ ດ່ານັ້ງ ຍາມໃດກໍ່ຮ່ວມເດີນທາງ ແລະ ສົມທົບກັນຢ່າງແໜ້ນແຟ້ນກັບສະຖານກົງສຸນໃຫຍ່ ຫວຽດນາມ ປະຈຳ ປາກເຊ ໃນການເຄື່ອນໄຫວພົວພັນຕ່າງປະເທດກັບບັນດາແຂວງພາກໃຕ້ຂອງລາວ ເພື່ອປັບປຸງ ແລະ ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອແບບພິເສດ ຫວຽດນາມ ແລະ ລາວ ເວົ້າລວມ, ນະຄອນ ດ່ານັ້ງ ແລະ ພາກໃຕ້ຂອງລາວ ກ່ຽວກັບບັນດາແຂວງຂອງລາວ ເວົ້ົ້າສະເພາະ.

ກ່ອນໜ້ານີ້ ແຂວງສາລະວັນ ແລະ ດ່ານັ້ງ ໄດ້ລົງນາມໃນບົດບັນທຶກການຮ່ວມມື 5 ປີ. ຕາມ​ເນື້ອ​ໃນ​ຂອງ​ບົດ​ບັນ​ທຶກ​ການ​ຮ່ວມ​ມື​ແລ້ວ, ສອງ​ຝ່າຍ​ຈະ​ສືບ​ຕໍ່​ພົບປະ ​ແລະ​ ແລກ​ປ່ຽນ​ບົດຮຽນ​ຢ່າງ​ເປັນ​ປະ​ຈຳ; ສະໜອງແຫຼ່ງ​​ລົງທຶນ​ພັດທະນາຂົງເຂດ​ສຶກສາ​ໃນ​ຫຼາຍ​ຂັ້ນ, ສືບ​ຕໍ່​ຍົກ​ສູງ​ຄຸນ​ນະພາ​ບການ​ຝຶກ​ອົບຮົມ​ຢູ່​ສູນ​ພາສາຫວຽດ ບ້ານວັດກາງເມືອງ ເເລະ ແຂວງ​ສາລະ​ວັນ. ນະຄອນ​ດ່າ​ນັ້ງ ​ເຫັນ​ດີ​ຄົ້ນຄວ້າ ​ແລະ ພິຈາລະນາ​ບັນຫາ​ໜູນ​ຊ່ວຍ​ແຂວງ​ສາລະ​ວັນ​ ສ້າງ​ຫ້ອງ​ມູນເຊື້ອ​ຫຼັງ​ສົງຄາມ. ນອກຈາກນັ້ນ, ສອງຝ່າຍກໍ່ເຫັນດີສືບຕໍ່ເພີ່ມທະວີການແລກປ່ຽນປະສົບການ, ການຮ່ວມມືດ້ານການຄ້າ, ການລົງທຶນ ແລະ ການທ່ອງທ່ຽວ, ສ້າງເງື່ອນໄຂໃຫ້ບັນດາວິສາຫະກິດ ດ່ານັ້ງ ລົງສຳຫຼວດ ແລະ ຊອກຫາກາລະໂອກາດລົງທຶນຢູ່ແຂວງສາລະວັນ.