| ທ່ານປະທານປະເທດ ຫວຽດນາມ ຫວໍວັນເຖືອງ ເດີນທາງໄປເຂົ້າຮ່ວມສັບປະດາຂັ້ນສູງ APEC 2023 | |
| ຫວຽດນາມ - ສ.ອາເມລິກາ ສູ້ຊົນນຳວົງເງິນການຄ້າໃຫ້ບັນລຸ 200 ຕື້ໂດລາສະຫະລັດ |
ຕອນບ່າຍວັນທີ 15 ພະຈິກ, ຢູ່ນະຄອນຫຼວງຈາກາຕາ (ອິນໂດເນເຊຍ) ໄດ້ດໍາເນີນການພົບປະບໍ່ເປັນທາງການລະຫວ່າງລັດຖະມົນຕີປ້ອງກັນປະເທດ ອາຊຽນ-ອາເມລິກາ. ທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດຫວຽດນາມ ເຂົ້າຮ່ວມການພົບປະດັ່ງກ່າວ.
 |
| ທ່ານພົນເອກ ຟານວັນຢາງ ເຂົ້າຮ່ວມການພົບປະບໍ່ເປັນທາງການລະຫວ່າງລັດຖະມົນຕີປ້ອງກັນປະເທດອາຊຽນ-ອາເມລິກາ. ພາບ: qdnd.vn |
ທີ່ການພົບປະ, ທ່ານ Lloyd Austin ລັດຖະມົນຕີກະຊວງປ້ອງກັນປະເທດອາເມລິກາ ສະແດງຄວາມປາດຖະໜາຢາກຊຸກຍູ້ການຮ່ວມມືດ້ານປ້ອງກັນຊາດກັບອາຊຽນ ໃຫ້ນັບມື້ນັບມີປະສິດທິຜົນ, ແທດຈິງ, ເພື່ອສັນຕິພາບ ແລະຄວາມໝັ້ນຄົງໃນພາກພື້ນ, ໂດຍຜ່ານການຊ້ອມຮົບຮ່ວມ ຫຼືລາຍການບັນດາການນໍາດ້ານປ້ອງກັນຊາດ ທີ່ຫາກໍ່ພົ້ນເດັ່ນ ອາເມລິກາ - ອາຊຽນ.
 |
| ບັນດາຜູ້ແທນເຂົ້າຮ່ວມການພົບປະບໍ່ເປັນທາງການລະຫວ່າງລັດຖະມົນຕີປ້ອງກັນປະເທດ ອາຊຽນ-ອາເມລິກາ. ພາບ: qdnd.vn |
ບັນດາລັດຖະມົນຕີປ້ອງກັນປະເທດອາຊຽນ ຖືວ່າ ພາກພື້ນພວມປະເຊີນໜ້າກັບສິ່ງທ້າທາຍຄວາມໝັ້ນຄົງແບບເກົ່າ ແລະແບບໃໝ່. ດ້ວຍຫຼັກການເຄົາລົບບົດບາດໃຈກາງຂອງອາຊຽນ, ອາຊຽນ ພ້ອມແລ້ວທີ່ຈະຮ່ວມມືກັບອາເມລິກາ ກໍຄືຄູ່ຮ່ວມມືອື່ນໆເພື່ອແກ້ໄຂສິ່ງທ້າທາຍດັ່ງກ່າວນີ້.
ກ່າວຄຳເຫັນທີ່ການພົບປະ, ທ່ານພົນເອກ ຟານວັນຢາງ ຕີລາຄາສູງ ຄຳໝັ້ນສັນຍາຂອງອາເມລິກາ ຕໍ່ການສະໜັບສະໜູນບົດບາດໃຈກາງຂອງອາຊຽນ ແລະຊຸກຍູ້ການຮ່ວມມືຮອບດ້ານກັບພາກພື້ນ, ພິເສດແມ່ນໃນຂົງເຂດເສດຖະກິດ, ການຄ້າ, ການລົງທຶນ, ວິທະຍາສາດ ແລະເຕັກໂນໂລຢີ, ໃນນັ້ນ ອາເມລິກາ ແມ່ນປະເທດທີ່ມີການລົງທຶນໂດຍກົງຈາກຕ່າງປະເທດຫຼາຍທີ່ສຸດໃນອາຊຽນ. ທ່ານພົນເອກ ຟານວັນຢາງ ຢືນຢັນວ່າ ຫວຽດນາມ ຈະສືບຕໍ່ຕັ້ງໜ້າເຂົ້າຮ່ວມການເຄື່ອນໄຫວຮ່ວມມືລະຫວ່າງ ອາເມລິກາ ແລະ ບັນດາປະເທດອາຊຽນ, ພິເສດແມ່ນໃນຂອບເຂດ ADMM+.
ບູນມີ
