ບຸນມະໂຫລານ ວັດທະນະທຳ ຫວຽດນາມ-ເກົາຫຼີໃຕ້ ຈັດຂື້ນຢ່າງຟົດຟື້ນ ຢູ່ ຫວຸ໋ງເຕົ່າ.

ເຂົ້າຮ່ວມງານບຸນມະໂຫລານຄັ້ງນີ້ມີ ທ່ານ ຫງວຽ໋ນແທັງ ຕິ້ງ ຮອງຫົວໜ້າຫ້ອງວ່າການ ແຂວງ ບ່າເລ້ຍ-ຫວຸ໋ງເຕົ່າ; ທ່ານ ມາຍງ໋ອກ ທົ້ນ ເລຂານະຄອນ -ນະຄອນຫວຸ໋ງເຕົ່າ; ທ່ານ Lim Jea Hoon ກົງສຸນໃຫຍ່ເກົາຫຼີໃຕ້ ປະຈຳ ນະຄອນ ໂຮ່ຈີ໋ມິງ ພ້ອມທັງບັນດາຜູ້ຕ່າງໜ້າແກ່ການນຳ ພະແນກ ຂະແໜງການທີ່ກ່ຽວຂ້ອງ ແລະ ນ້ອງນັກຮຽນ ນັກສຶກສາ ຈຳນວນ 500ຄົນ ເຂົ້າຮ່ວມ.

ລາຍການສະແດງສິນລະປະ ທີ່ມີນັກຮຽນເຂົ້າຮ່ວມສະແດງກວ່າ 500ຄົນ.(ພາບ: ເວບໄຊແຂວງ BR – VT)

ກ່າວຄຳເຫັນທີ່ງານບຸນດັ່ງກ່າວ ທ່ານຮອງຫົວໜ້າຫ້ອງວ່າການແຂວງ ຫງວ໋ຽນແທັງ ຕິ້ງ ຢັ້ງຢືນວ່າ: ນັບຕັ້ງແຕ່ສ້າງຕັ້ງການພົວພັນການທູດ ປີ 1992 ມາຮອດປະຈຸບັນ, ສາຍພົວພັນຮ່ວມມືໃນບັນດາຂົງເຂດ ລະຫວ່າງ ຫວຽດນາມ-ເກົາຫຼີໃຕ້ ໄດ້ມີບາດກ້າວພັດທະນາຢ່າງຈົບງາມ. ເກົາຫຼີໃຕ້ ແມ່ນໜຶ່ງໃນປະເທດຄູ່ຮ່ວມມືຍຸດທະສາດທີ່ສຳຄັນຂອງຫວຽດນາມ ແລະ ຫວຽດນາມ ກໍ່ກາຍເປັນຄູ່ຮ່ວມມືຍຸດທະສາດອັນດັບຕົ້ນໆຂອງເກົາຫຼີໃຕ້ ໃນພູມມິພາກ ອາຊີຕາເວັນອອກສ່ຽງໃຕ້. ທ່ານຫວັງເປັນຢ່າງຍິ່ງວ່າໃນອານາຄົດ ສາຍພົວພັນມິດຕະພາບ ຫວຽດນາມ-ເກົາຫຼີໃຕ້ ຈະສືບຕໍ່ພັດທະນາຢ່າງເຂັ້ມແຂງ ແລະ ເລິກເຊິ່ງກວ່າເກົ່າ; ນຳຜົນປະໂຫຍດອັນເປັນຈິງໃນການພັດທະນາ-ຮັ່ງມີຂອງແຕ່ລະປະເທດ; ປະກອບສ່ວນສ້າງຄວາມໝັ້ນຄົງແລະ ສັນຕິພາບ, ພັດທະນາເສດຖະກິດ ຢູ່ໃນພູມມິພາກ ແລະ ສາກົນ.

ການມອບດອກໄມ້ຂອງການນຳແຂວງບ່າເລ້ຍ-ຫວຸ໋ງເຕົ່າ ໃຫ້ແກ່ຕ່າງໜ້າຝ່າຍເກົາຫຼີໃຕ້.

ນອກຈາກສາຍພົວພັນຂັ້ນລັດຖະບານແລ້ວ ສາຍພົວພັນມິດຕະພາບ-ຮ່ວມມື ລະຫວ່າງ ເກົາຫຼີໃຕ້ ກັບ ແຂວງ ບ່າເລ້ຍ-ຫວຸ໋ງເຕົ່າ ໃນຊຸມປີທີ່ຜ່ານມານັບມື້ນັບໄດ້ຮັບການປັບປຸງ ແລະ ພັດທະນາ. ໃນວັນທີ 28 ສິງຫາ ທີ່ຜ່ານມາ ຫ້ອງວ່າການແຂວງໆ ບ່າເລ້ຍ-ຫວຸ໋ງເຕົ່າ ໄດ້ຈະຕັ້ງພິທີມອບ ທະບຽນ ອະນຸຍາດ ລົງທືນ ໃຫ້ແກ່ ກຸ່ມບໍລິສັດ Hyosung ຜັນຂະຫຍາຍ ໂຄງການ ໂຮງງານປຸງແຕ່ງ polypropylene (PP) ແລະ ສາງບັນຈຸນຳ້ມັນເຊື້ອໄຟ ແລະ ທາດແຫຼວ(LPG) ຢູ່ ແຂວງບ່າເລ້ຍ-ຫວຸ໋ງເຕົ່າ. ນີ້ແມ່ນໂຄງການທີ່ມີຄວາມໝາຍຄວາມສຳຄັນໃນຍຸດທະສາດພັດທະນາເສດຖະກິດ-ສັງຄົມ ທົ່ວປະເທດເວົ້າລວມ ແລະ ບ່າເລ້ຍ-ຫວຸ໋ງເຕົ່າ ເວົ້າສະເພາະ.

ບັນຍາກາດການຮັບຊົມລາຍການສະແດງສິນລະປະ.

ມາຮອດປະຈຸບັນ ແຂວງບ່າເລ້ຍ-ຫວຸ໋ງເຕົ່າ ກໍ່ໄດ້ລົງນາມໃນການຮ່ວມມື ກັບແຂວງ Jeollanam-do ເມືອງ Geyyang ນະຄອນ Ansan ແລະ ນະຄອນ Pohang ຂອງປະເທດ ເກົາຫຼີໃຕ້.

ໃນງານບຸນມະໂຫລານວັດທະນະທຳ ຫວຽດ-ເກົາຫຼີໃຕ້ ທ່ານຜູ້ຊົມ ໄດ້ຮັບຊົມບັນຍາກາດຂອງລາຍການແລກປ່ຽນ ດ້ານສິນລະປະ ສະແດງໂດຍ ອາສາສະໝັກ Happy Building Posco E&C ເກົາຫຼີໃຕ້ແລະ ນັກຮຽນ ນັກສຶກສາ ຂອງ ແຂວງບ່າເລ້ຍ-ຫວຸ໋ງເຕົ່າ ປະກອບມີ: ຟ້ອນປະກອບວີ, ຟ້ອນປະກອບກອງ ເກົາຫຼີໃຕ້, ຟ້ອນປະກອບ ກຸບຫວຽດນາມ, ສະແດງການລຳ Teakwondo ປະກອບເພງ ແລະ ການຂັບຮ້ອງ, ເຕັ້ນ K-Pop ທີ່ຊາວໜຸ່ມມັກ.

（ຫັດ​ທະ​ບູນ）