| ອາຊຽນ ໃຫ້ຄຳໝັ້ນສັນຍາ ຈະບັນລຸເປົ້າໝາຍພັດທະນາແບບຍືນຍົງ | |
| ສະມາຊິກລັດຖະສະພາໜຸ່ມໝັ້ນໝາຍການກະທຳຊຸກຍູ້ການປະຕິບັດບັນດາເປົ້າໝາຍພັດທະນາແບບຍືນຍົງ |
ທ່ານປະທານສະພາຊົນຊາດ ຂອງສະພາແຫ່ງຊາດ ຫວຽດນາມ Y Thanh Ha Nie Kdam ແລະ ທ່ານປະທານຄະກຳມາທິການບັນດາເຜົ່າ ສະພາແຫ່ງຊາດລາວ ຄຳຈັນ ໂສຕາປະເສີດ ເປັນປະທານຮ່ວມກອງປະຊຸມ.
ກ່າວຄຳເຫັນທີ່ພິທີໄຂ, ທ່ານປະທານກຳມາທິການບັນດາເຜົ່າ ສະພາແຫ່ງຊາດລາວ ຄຳຈັນ ໂສຕາປະເສີດ ຖືວ່າ: ການຈັດຕັ້ງກອງປະຊຸມໄດ້ປະກອບສ່ວນເພີ່ມທະວີການພົວພັນອັນດີງາມ ແລະ ມູນເຊື້ອປະຫວັດສາດອັນຍາວນານລະຫວ່າງສອງປະເທດ ຫວຽດນາມ - ລາວ ໃຫ້ນັບມື້ນັບເຂົ້າສູ່ລວງເລິກ.
ຜ່ານການປຶກສາຫາລື, ບັນດາຜູ້ແທນເນັ້ນໜັກວ່າ: ບັນດານະໂຍບາຍສຳລັບຊົນເຜົ່າສ່ວນໜ້ອຍຂອງສອງປະເທດແມ່ນໄດ້ຮັບຄວາມສົນໃຈຈາກພັກ ແລະ ລັດ, ພິເສດແມ່ນສ້າງເງື່ອນໄຂສະດວກໃຫ້ປະຊາຊົນສອງປະເທດພັດທະນາເສດຖະກິດ - ສັງຄົມ, ປົວແປງຊີວິດທາງດ້ານວັດຖຸ ແລະ ຈິດໃຈຂອງປະຊາຊົນບັນດາເຜົ່າ ແລະ ເຂດພໍ່ແມ່ປະຊາຊົນຊາວເຜົ່າສ່ວນໜ້ອຍ, ເຂດພູດອຍ. ສະພາຊົນຊາດ ສະພາແຫ່ງຊາດຫວຽດນາມ ແລະ ກຳມາທິການບັນດາເຜົ່າ ສະພາແຫ່ງຊາດລາວ ໄດ້ມານະພະຍາຍາມຫຼາຍຢ່າງໃນການປະຕິບັດໜ້າທີ່ທີ່ໄດ້ຮັບມອບໝາຍ, ບັນລຸໄດ້ບັນດາໝາກຜົນທີ່ໄດ້ຮັບການຕີລາຄາສູງຈາກສະພາແຫ່ງຊາດຂອງສອງປະເທດ, ພິເສດແມ່ນໃນວຽກງານເສນາທິການກໍ່ສ້າງ, ກວດກາ ແລະ ວຽກງານຕິດຕາມກວດກາຮັບປະກັນນະໂຍບາຍຊົນເຜົ່າໃນ 3 ໂຄງການເປົ້າໝາຍແຫ່ງຊາດ, ໄດ້ມີຂໍ້ສະເໜີແນະທີ່ຕິດແທດກັບສະພາບຕົວຈິງ.
 |
| ບັນດາຜູ້ແທນຖ່າຍຮູບລວມ ພາບ: ເວີນດຽບ/TTXVN |
ເຖິງຢ່າງໃດກໍຕາມ, ນອກຈາກບັນດາຜົນງານທີ່ບັນລຸໄດ້ແລ້ວ, ວຽກງານຊົນເຜົ່າຂອງແຕ່ລະປະເທດຍັງມີຂໍ້ຈຳກັດໃດໜຶ່ງທີ່ແນ່ນອນ. ຊີວິດການເປັນຢູ່ຂອງບາງຊົນເຜົ່າສ່ວນໜ້ອຍຢູ່ທັງສອງປະເທດຍັງປະສົບກັບຄວາມຫຍຸ້ງຍາກຫຼາຍຢ່າງ. ອັດຕາສ່ວນຄອບຄົວທຸກຍາກຢູ່ເຂດຊົນເຜົ່າສ່ວນໜ້ອຍຍັງສູງ, ການຫຼຸດຜ່ອນຄວາມທຸກຍາກຍັງບໍ່ທັນໝັ້ນຄົງ. ໝາກຜົນຂອງການກໍ່ສ້າງຊົນນະບົດໃໝ່ຍັງບໍ່ທັນສະໝ່ຳສະເໝີຢູ່ບາງບ່ອນ, ມີຄວາມແຕກໂຕນກັນກ່ຽວກັບໄລຍະຫ່າງລະຫວ່າງຄົນຮັ່ງມີ ແລະ ຄົນທຸກລະຫວ່າງບັນດາເຂດ. ວຽກງານປົກປັກອະນຸລັກຮັກສາ ແລະ ເສີມຂະຫຍາຍສີສັນສະເພາະຂອງບັນດາຊົນເຜົ່າສ່ວນໜ້ອຍຍັງປະສົບກັບຄວາມຫຍຸ້ງຍາກ ແລະ ມີໄພຄວາມສ່ຽງຄ່ອຍໆສູູນຫາຍໄປ.
ສະຫຼຸບກອງປະຊຸມສຳມະນາ, ທ່ານປະທານສະພາຊົນຊາດ Y Thanh Hà Niê Kđăm ເນັ້ນໜັກວ່າ ການເຂົ້າຮ່ວມ ແລະ ປະກອບຄຳເຫັນຢ່າງຕັ້ງໜ້າຂອງບັນດາຜູ້ແທນ ໄດ້ສືບຕໍ່ຢືນຢັນທີ່ຕັ້ງ, ບົດບາດ, ຖານະຂອງອົງການບັນດາເຜົ່າຂອງສະພາແຫ່ງຊາດ ຫວຽດນາມ ແລະ ລາວ ໃນການປະຕິບັດບັນດາໜ້າທີ່ເປັນເສນາທິການໃຫ້ເເກ່ສະພາແຫ່ງຊາດຂອງສອງປະເທດ; ສະແດງໃຫ້ເຫັນຄວາມສົນໃຈລວມຂອງສອງອົງການໃນການເພີ່ມທະວີການກວດກາ ແລະ ຕິດຕາມກວດການະໂຍບາຍຫຼຸດຜ່ອນຄວາມທຸກຍາກແບບຍືນຍົງ, ກໍ່ສ້າງຊົນນະບົດໃໝ່ ແລະ ນະໂຍບາຍປົກປັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳ ແລະ ຮີດຄອງປະເພນີອັນດີງາມຂອງບັນດາຊົນເຜົ່າຂອງແຕ່ລະປະເທດ. ໝາກຜົນຂອງກອງປະຊຸມສຳມະນາສືບຕໍ່ຢືນຢັນຄວາມເຊື່ອໃຈດ້ານການເມືອງ, ການພົວພັນມິດຕະພາບທີ່ເປັນມູນເຊື້ອອັນດີງາມ, ຄວາມສາມັກຄີແບບພິເສດ, ການຮ່ວມມືຮອບດ້ານ ຫວຽດນາມ - ລາວ ດ້ວຍນ້ຳໃຈຕິດພັນກັນ ແລະ ແບ່ງປັນລະຫວ່າງສະພາແຫ່ງຊາດ 2 ປະເທດ.
ດີງເລື້ອງ
