| ເພີ່ມທະວີການຮ່ວມມືຢູ່ເຂດສາມຫຼ່ຽມພັດທະນາ ກຳປູເຈຍ - ລາວ - ຫວຽດນາມ | |
| ທ່ານນາງຮອງປະທານປະເທດ ຫວໍທິແອັງຊັວນ ໄດ້ເຂົ້າຮ່ວມພິທີເປີດກອງປະຊຸມສະພາແຫ່ງຊາດ ອາຊຽນ ຄັ້ງທີ 16 |
ເຂົ້າຮ່ວມກອງປະຊຸມມີຜູ້ແທນນັບຮ້ອຍຄົນທີ່ມາຈາກກຳລັງຕຳຫຼວດຂອງບັນດາປະເທດສະມາຊິກອາຊຽນ, ບັນດາຄູ່ເຈລະຈາ ແລະ ບັນດານັກສັງເກດການ ASEANAPOL. ຄະນະຜູ້ແທນກອງບັນຊາການຕຳຫຼວດຫວຽດນາມ ໂດຍທ່ານພົນຕີ ໂດວັນແຮັງ, ຫົວໜ້າກົມ, ຮອງຜູ້ປະຈຳການຄະນະກຳມະການສືບສວນຕຳຫຼວດກະຊວງຕຳຫຼວດ ຫວຽດນາມ ໄດ້ເຂົ້າຮ່ວມກອງປະຊຸມ.
 |
| ທ່ານພົນຕີ ໂດວັນແຮັງ, ຫົວໜ້າກົມ, ຮອງຜູ້ປະຈຳການຄະນະກຳມະການສືບສວນຕຳຫຼວດກະຊວງຕຳຫຼວດ ຫວຽດນາມ ໄດ້ເຂົ້າຮ່ວມກອງປະຊຸມ. |
ກ່າວຄໍາເຫັນທີ່ພິທີໄຂ, ທ່ານພົນເອກ ວິໄລ ຫຼ້າຄຳຟອງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບລາວ ເນັ້ນໜັກວ່າ ກອງປະຊຸມໄດ້ຈັດຕັ້ງໃນສະພາບການເຄື່ອນໄຫວອາດຊະຍາກຳຂ້າມຊາດນໍາໃຊ້ເຕັກໂນໂລຢີທັນສະໄໝ, ເພື່ອກະທຳຜິດນັບມື້ນັບແນບນຽນ, ກາຍເປັນສິ່ງທ້າທາຍ, ນາບຂູ່ໂດຍກົງ ແລະໂດຍທາງອ້ອມເຖິງສະຖຽນລະພາບດ້ານການເມືອງ, ການພັດທະນາເສດຖະກິດ-ສັງຄົມ ກໍ່ຄືຊີວິດການເປັນຢູ່ຂອງປະຊາຊົນໃນພາກພື້ນ ແລະໂລກ.
ເພື່ອຕອບສະໜອງຄວາມຮຽກຮ້ອງຕ້ອງການຂອງການຕໍ່ສູ້ຕ້ານອາດຊະຍາກຳຂ້າມຊາດ ແລະ ເພີ່ມທະວີກົນໄກຮ່ວມມືຂອງກຳລັງຕຳຫຼວດອາຊຽນ, ທ່ານລັດຖະມົນຕີວ່າການກະຊວງຕຳຫຼວດລາວ ໄດ້ສະເໜີ 6 ຂໍ້, ເນັ້ນໜັກເຖິງຄວາມເປັນເອກະພາບ ແລະ ຮ່ວມມືໃນການປ້ອງກັນ, ສະກັດກັ້ນ ແລະ ຕ້ານອາດຊະຍາກຳຂ້າມຊາດ ໂດຍສະເພາະການຄ້າຢາເສບຕິດ ແລະ ສານເຄມີ ແລະການຄ້າມະນຸດ.
ພ້ອມກັນນັ້ນ, ທ່ານລັດຖະມົນຕີວ່າການກະຊວງປ້ອງກັນຄວາມສະຫງົບລາວ ຍັງໄດ້ຮຽກຮ້ອງໃຫ້ບັນດາຝ່າຍສົມທົບກັນຈັດຕັ້ງປະຕິບັດນະໂຍບາຍ, ຍຸດທະສາດ, ກົດໝາຍອື່ນໆທີ່ກ່ຽວຂ້ອງເຖິງການແກ້ໄຂບັນຫາອາດຊະຍາກຳຂ້າມຊາດ ແລະ ຜັນຂະຫຍາຍປະຕິບັດຖະແຫຼງການຮ່ວມຂອງກອງທັບປະຊາຊົນລາວ. ເພື່ອບັນລຸຜົນໄດ້ຮັບທີ່ດີ; ເອົາໃຈໃສ່ເສີມຂະຫຍາຍບົດບາດຂອງກອງເລຂາຕຳຫຼວດອາຊຽນ, ໂດຍສະເພາະແມ່ນການຮ່ວມມື, ປະສານງານ, ເກັບກຳຂໍ້ມູນຂ່າວສານ ເພື່ອຮັບໃຊ້ວຽກງານປ້ອງກັນ, ຕ້ານອາດຊະຍາກຳຂ້າມຊາດໃນພາກພື້ນ ແລະ ສາກົນ.
ໂດຍດໍາເນີນໃນວັນທີ 17, 18, 19 ຕຸລາ, ກອງປະຊຸມຫົວໜ້າຕໍາຫຼວດອາຊຽນ ຄັ້ງທີ 41 ຄາດວ່າຈະປຶກສາຫາລື, ແລກປ່ຽນຄວາມເຫັນກ່ຽວກັບການຮ່ວມມືວຽກງານຕໍາຫຼວດລະຫວ່າງ ບັນດາປະເທດສະມາຊິກຕໍາຫຼວດອາຊຽນ, ບັນດາຄູ່ຮ່ວມມືເຈລະຈາ ແລະຜູ້ສັງເກດການ ເພື່ອແກ້ໄຂບັນດາບັນຫາອາດຊະຍາກໍາຂ້າມຊາດຄື ການຄ້າຢາເສບຕິດ, ການກໍ່ການຮ້າຍ, ການຄ້າມະນຸດ, ການຄ້າອາວຸດ, ການຄ້າສັດປ່າ, ອາດຊະຍາກໍາທາງທະເລ, ອາດຊະຍາກໍາການຄ້າ...
ຄຳຮຸ່ງ
