| ເຊີນລາ: ປິດຊຸດຝຶກອົບຮົມວິຊາການຊາຍແດນໃຫ້ພະນັກງານກອງທັບປະຊາຊົນລາວ ປີ 2023 | |
| ໃນ 9 ເດືອນຂອງປີ 2023 ແຂກທ່ອງທ່ຽວສາກົນມາຢ້ຽມຢາມ ຫວຽດນາມ ບັນລຸ 8,9 ລ້ານເທື່ອຄົນ |
ລາຍການດັ່ງກ່າວແມ່ນການເຄື່ອນໄຫວປະຕິບັດ ແລະ ແມ່ນກິດຈະກຳພົບປະແລກປ່ຽນຊາວໜຸ່ມສາກົນທີ່ສຳຄັນ, ແມ່ນໂອກາດເພື່ອໃຫ້ຊາວໜຸ່ມສອງປະເທດຫວນຄືນມູນເຊື້ອການຮ່ວມສຳພັນຕໍ່ສູ້ພິເສດ, ການໜູນຊ່ວຍຢ່າງຈິງໃຈລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ໃນໄລຍະຕໍ່ສູ້ເພື່ອເອກະລາດ ແລະ ໃນວຽກງານກໍ່ສ້າງ ແລະ ພັດທະນາປະເທດຊາດໃນປະຈຸບັນ.
 |
| ລາຍການພົບປະມິດຕະພາບຊາວໜຸ່ມ ຫວຽດນາມ - ລາວ ປີ 2023. ພາບ: ຊວນຕູງ |
ໃນລາຍການ, ຄະນະຜູ້ແທນຂັ້ນສູງສູນກາງຄະນະຊາວໜຸ່ມກອມມູນິດ ໂຮ່ຈີມິນ ນຳໂດຍທ່ານ ບຸ່ຍກວາງຮຸຍ, ກຳມະການສຳຮອງສູນກາງພັກ, ເລຂາທີໜຶ່ງສູນກາງຄະນະຊາວໜຸ່ມ ຈະເຂົ້າຢ້ຽມຂ່ຳນັບການນຳພັກ ແລະ ລັດລາວ; ການພົບປະເຈລະຈາຂັ້ນສູງລະຫວ່າງການນຳສູນກາງຄະນະຊາວໜຸ່ມສອງປະເທດ; ເຂົ້າຢ້ຽມຂ່ຳນັບພົບປະກັບບັນດາການນຳຂອງແຂວງວຽງຈັນ. ຄະນະຜູ້ແທນຊາວໜຸ່ມ 2 ປະເທດຈະເຂົ້າຮ່ວມພິທີເປີດລາຍການມິດຕະພາບຊາວໜຸ່ມ ຫວຽດນາມ - ລາວ ແລະ ເຂົ້າຮ່ວມກອງປະຊຸມສຳມະນາ “ບົດບາດຂອງຊາວໜຸ່ມໃນການພັດທະນາເສດຖະກິດ, ການເຂົ້າຮ່ວມຂອງຊາວໜຸ່ມໃນການສົ່ງເສີມການຜະລິດ ແລະ ບໍລິໂພກສິນຄ້າພາຍໃນປະເທດເພື່ອພັດທະນາປະເທດຊາດ”.
ຄະນະຜູ້ແທນຊາວໜຸ່ມຫວຽດນາມ ຈະໄປຢ້ຽມຢາມ ແລະ ວາງພວງມາລາ ຢູ່ອະນຸສາວະລີ ປະທານ ໄກສອນ ພົມວິຫານ, ຢ້ຽມຊົມງານວາງສະແດງການຄ້າຂອງສະມາຄົມນັກທຸລະກິດໜຸ່ມລາວ, ຢ້ຽມຢາມບັນດາຕົວແບບຂອງໄວໜຸ່ມທີ່ດໍາເນີນທຸລະກິດຢູ່ລາວ, ພົບປະແລກປ່ຽນບົດຮຽນກັບຊາວໜຸ່ມ, ນັກສຶກສາສະຖາບັນການເມືອງການາປົກຄອງແຫ່ງຊາດລາວ ແລະ ມະຫາວິທະຍາໄລແຫ່ງຊາດລາວ. ບັນດາຜູ້ແທນຊາວໜຸ່ມ ຫວຽດນາມ ກໍ່ໄດ້ໄປຢ້ຽມຢາມບັນດາເຂດຮ່ອງຮອຍປະຫວັດສາດ ແລະ ທັດສະນີຍະພາບທີ່ມີຊື່ສຽງຂອງລາວ.
ດີງເລື້ອງ
