| ຫວຽດນາມ: ລາຍຮັບຈາກຂະແຫນງທ່ອງທ່ຽວບັນລຸກ່ວາ 8 ຕື້ USD | |
| ຈຳນວນແຂກທ່ອງທ່ຽວສາກົນທີ່ຄົ້ນຫາກ່ຽວກັບ ຫວຽດນາມ ຍັງຢູ່ໃນລະດັບສູງ |
ສ.ເກົາຫຼີ ສືບຕໍ່ແມ່ນຕະຫຼາດອັນດັບໜຶ່ງສົ່ງນັກທ່ອງທ່ຽວມາຫວຽດນາມ ດ້ວຍຈຳນວນນັກທ່ອງທ່ຽວປະມານ 2.584.840 ຄົນ. ຖັດມາແມ່ນຈີນມີນັກທ່ອງທ່ຽວ 1.122.572 ຄົນ. ຕະຫຼາດໄຕ້ຫວັນ (ຈີນ) ແລະອາເມລິກາແມ່ນຕະຫຼາດສົ່ງສິນຄ້າໃຫຍ່ອັນດັບ 3 ແລະ 4 ໂດຍມີນັກທ່ອງທ່ຽວ 575.101 ຄົນ ແລະ 548.866 ຄົນຕາມລຳດັບ.
 |
ບົດລາຍງານສະຖິຕິສະແດງໃຫ້ເຫັນວ່າ, ລາຍຮັບຈາກການທ່ອງທ່ຽວໃນ 9 ເດືອນຕົ້ນປີ 2023 ຄາດວ່າບັນລຸ 26,5 ຕື້ດົ່ງ, ເພີ່ມຂຶ້ນ 47,7% ເມື່ອທຽບໃສ່ໄລຍະດຽວກັນຂອງປີກາຍ. ການເຕີບໂຕດັ່ງກ່າວບັນລຸໄດ້ຍ້ອນຄວາມຕ້ອງການການທ່ອງທ່ຽວຂອງປະຊາຊົນເພີ່ມຂຶ້ນພາຍຫຼັງທີ່ໄດ້ຮັບຜົນກະທົບຈາກພະຍາດໂຄວິດ-19 ເປັນເວລາຍາວນານ, ແຕ່ຕົ້ນປີ, ບັນດາທ້ອງຖິ່ນກໍ່ໄດ້ຕັ້ງໜ້າຜັນຂະຫຍາຍຫຼາຍກິດຈະກຳເພື່ອຊຸກຍູ້ຄວາມຕ້ອງການການທ່ອງທ່ຽວ.
ເຖິງຢ່າງໃດກໍຕາມ, ຕົວເລກນີ້ຍັງພຽງເທົ່າກັບ 69% ເມື່ອທຽບໃສ່ໄລຍະດຽວກັນຂອງປີ 2019, ເມື່ອຍັງບໍ່ທັນເກີດໂລກລະບາດໂຄວິດ-19. ໃນຈຳນວນແຂກທ່ອງທ່ຽວສາກົນມາຢ້ຽມຢາມ ຫວຽດນາມ ໃນ 9 ເດືອນປີ 2023, ແຂກທ່ອງທ່ຽວທີ່ມາດ້ວຍທາງອາກາດກວມເອົາ 87,5%; ທາງບົກກວມເອົາ 11,8%, ສ່ວນຍັງເຫຼືອແມ່ນທາງທະເລ. ລາຍຮັບຈາກການບໍການພັກເຊົ້າ, ກິນດື່ມໃນ 9 ເດືອນໄດ້ເພີ່ມຂຶ້ນ 16%; ການທ່ອງທ່ຽວເພີ່ມຂຶ້ນ 47.7% ເມື່ອທຽບໃສ່ໄລຍະດຽວກັນ ຂອງປີ 2022.
ເພື່ອຕອບສະໜອງຄວາມຕ້ອງການເດີນທາງໄປມາຂອງແຂກທ່ອງທ່ຽວທີ່ນັບມື້ນັບເພີ່ມຂຶ້ນນັ້ນ, ບໍລິສັດການບິນ ຫວຽດນາມ (Vietnam Airlines) ໄດ້ເພີ່ມຫຼາຍຖ້ຽວບິນໄປຍັງ ເອີລົບ, ອົດສະຕາລີ ແລະ ຈີນ, ຜ່ານນັ້ນ, ໄດ້ຟື້ນຟູຖ້ຽວບິນສາກົນໄດ້ເກືອບ 90%.
ຄຳຮຸ່ງ
