| ວິສາຫະກິດຫວຽດນາມ ຮ່ວມມືພັດທະນາກະສິກຳອົງຄະທາດ, ປຸຍ ຢູ່ລາວ | |
| ໝາກກ້ຽງໃຫຍ່ເປືອກຂຽວຫວຽດນາມ ໄດ້ຈຳໜ່າຍຢູ່ຕະຫຼາດອາເມລິກາຢ່າງເປັນທາງການ |
ໃນວັນທີ 30 ກັນຍານີ້, ຢູ່ນະຄອນຫຼວງ Budapest, ປະເທດ ຮຸງກາຣີ, ໄດ້ດຳເນີນກອງປະຊຸມເວທີປາໄສວິສາຫະກິດຫວຽດນາມຢູ່ຕ່າງປະເທດເອີລົບຄັ້ງທີ 12, ໂດຍສະມາຄົມວິສາຫະກິດຫວຽດນາມ ຢູ່ເອີລົບ ແລະ ສະມາຄົມວິສາຫະກິດຫວຽດນາມ ອາໄສຢູ່ຕ່າງປະເທດ ຮຸງກາຣີ ຈັດຕັ້ງ.
ເວທີປາໄສໄດ້ດຶງດູດວິສາຫະກິດທີ່ໄດ້ຄຸ້ມຄອງໂດຍຄົນຫວຽດນາມ ແລະ ວິສາຫະກິດທີ່ມາຈາກຫຼາຍປະເທດເອີລົບ ຈຳນວນ 400 ກວ່າແຫ່ງ.
ທີ່ເວທີປາໄສ, ບັນດາຜູ້ແທນໃຫ້ຮູ້ວ່າ: ໃນໄລຍະມໍ່ໆມານີ້, ສິນຄ້າພາຍໃນປະເທດເປັນຈຳນວນຫຼວງຫຼາຍ ໄດ້ນຳເຂົ້າຕະຫຼາດເອີລົບຈາກວິສາຫະກິດ ຫວຽດນາມ ຢູ່ຕ່າງປະເທດ. ເຖິງຢ່າງໃດກໍຕາມ, ບັນດາຈຸດພິເສດຂອງທ້ອງຖິ່ນ ຍັງບໍ່ທັນໄດ້ຮັບການຂຸດຄົ້ນຢ່າງເຕັມທີ່, ພິເສດແມ່ນບັນດາແຂວງພາກກາງ.
 |
| ໂຄສະນາບັນດາຜະລິດຕະພັນເຄື່ອງໝາຍແຫ່ງຊາດຫວຽດນາມ ທີ່ເວທີປາໄສ. |
ເວທີປາໄສຍັງກ່າວເຖິງການນຳໃຊ້ເຕັກໂນໂລຊີ, ເພີ່ມທະວີປະສິດທິຜົນດ້ານການຄ້າອອນໄລ, ທຸລະກິດ, ການຂົນສົ່ງ, ສະເໜີສ້າງຕັ້ງສະໂມສອນນັກທຸລະກິດໜຸ່ມຢູ່ເອີລົບ...
ທ່ານ Peter Hong, ຮອງປະທານຖາວອນ, ເລຂາທິການໃຫຍ່ສະມາຄົມນັກທຸລະກິດຫວຽດນາມຢູ່ຕ່າງປະເທດ ໃຫ້ຮູ້ວ່າ, ສະມາຄົມໄດ້ລວບລວມບັນຊີລາຍຊື່ວິສາຫະກິດຫວຽດນາມ 127.000 ແຫ່ງໃນທົ່ວໂລກ. ຫຼັງຈາກໂລກລະບາດ Covid-19, ຍັງມີວິສາຫະກິດ 94,000 ແຫ່ງຍັງເຫຼືອ. ສະມາຄົມຈະໂອນຂໍ້ມູນບັນຊີໃຫ້ສະຫະພັນວິສາຫະກິດຫວຽດນາມ ຢູ່ ເອີລົບ, ແຕ່ຕ້ອງຊອກຫາວິທີເຊື່ອມໂຍງວິສາຫະກິດຫວຽດນາມ ເຂົ້າກັນ.
ທ່ານ Peter Hong ແບ່ງປັນວ່າ, "ພວກເຮົາຕ້ອງເຊື່ອມຕໍ່ກັນຢ່າງບໍ່ຢຸດຢັ້ງ,".
ທີ່ກອງປະຊຸມ, ແຂວງ ເງ້ອານ ແລະ ຮ່າຕິ້ງ ໄດ້ໂຄສະນາ ແລະ ແນະນຳທ່າແຮງ, ທ່າໄດ້ປຽບ ແລະ ທິດທາງພັດທະນາຂອງທ້ອງຖິ່ນ ໂດຍຜ່ານວິດີໂອສະເໜີ. ສອງແຂວງຫວັງວ່າຈະສືບຕໍ່ໄດ້ຮັບການຮ່ວມມື, ສະໜັບສະໜູນ, ການປະສານງານ ແລະ ການຮ່ວມມືຈາກປະຊາຄົມວິສາຫະກິດພາຍໃນ ແລະ ຕ່າງປະເທດ. ຫວັງວ່າບັນດາວິສາຫະກິດຫວຽດນາມ ຢູ່ຕ່າງປະເທດຢູ່ ເອີລົບ ຈະແນະນຳ ແລະ ຍົກສູງຄວາມສາມາດບົ່ມຊ້ອນ, ທ່າໄດ້ປຽບ, ກົນໄກນະໂຍບາຍລົງທຶນບຸລິມະສິດ ແລະ ບັນດາຂົງເຂດບຸລິມະສິດ ແລະ ບັນດາໂຄງການຮຽກຮ້ອງລົງທຶນຢູ່ ແຂວງ ເງ້ອານ ແລະ ຮ່າຕິ້ງ.
ພ້ອມກັນນັ້ນ, ເຊື່ອມຕໍ່ ແລະ ສ້າງເງື່ອນໄຂສະດວກເພື່ອຊ່ວຍໃຫ້ວິສາຫະກິດ ເງ້ອານ ແລະ ຮ່າຕິ້ງ ຊອກຫາກາລະໂອກາດ ແລະ ຮ່ວມມືລົງທຶນດຳເນີນທຸລະກິດກັບບັນດາວິສາຫະກິດ ແລະ ບັນດາຄູ່ຮ່ວມມືຢູ່ບັນດາປະເທດ ເອີລົບ. ໜູນຊ່ວຍ ແລະ ສ້າງເງື່ອນໄຂໜູນຊ່ວຍຊາວຫວຽດນາມ ອາໄສຢູ່ຕ່າງປະເທດເວົ້າລວມ, ແລະ ບັນດາລູກຫຼານຊາວຫວຽດນາມ ຢູ່ແຂວງ ຮ່າຕິ້ງ ເວົ້າສະເພາະພວມຮ່ຳຮຽນ, ເຮັດວຽກ ແລະ ດຳລົງຊີວິດຢູ່ ເອີລົບ ຮັບປະກັນຊີວິດໝັ້ນຄົງ ແລະ ສືບຕໍ່ກັບເມືອປະເທດ.
ກ່າວຄຳເຫັນທີ່ເວທີປາໄສ, ທ່ານ ຮວ່າງແມ້ງເຫ້ວ, ປະທານສະຫະພັນບັນດາສະມາຄົມວິສາຫະກິດ ຫວຽດນາມ ຢູ່ ເອີລົບ ຖືວ່າ: ກອງປະຊຸມເປີດກາລະໂອກາດແລກປ່ຽນຂໍ້ມູນຂ່າວສານ, ແບ່ງປັນປະສົບການ ແລະ ຊອກຫາບັນດາກາລະໂອກາດດຳເນີນທຸລະກິດທີ່ຈະມາເຖິງ.
ຄຳຮຸ່ງ
