ນັກທ່ອງທ່ຽວມີຄວາມຕື່ນເຕັ້ນ ທີ່ຈະໄດ້ສຳຜັດກັບເຂດທິວທັດນ້ຳຕົກບ້ານຈົກ-ດຶກທຽນ

07:11 | 16/09/2023

ຍສໝ - ກຸ່ມນັກທ່ອງທ່ຽວທຳອິດໄດ້ສຳຜັດກັບທິວທັດນ້ຳຕົກບ້ານຈົກ (ຫວຽດນາມ) - ດຶກແທ່ງ (ຈີນ) ພາຍຫຼັງລັດຖະບານຂອງ 2 ຝ່າຍໄດ້ດຳເນີນການທົດລອງໃຫ້ນັກທ່ອງທ່ຽວຂອງ 2 ປະເທດເດີນທາງກັບໄປມາຍັງເຂດພູມສັນຖານແຫ່ງນີ້ຕັ້ງແຕ່ຕອນເຊົ້າ 15 ເດືອນກັນຍາ.

	ໂນນພູຫຍ້າໄໝ້ທີ່ກວ້າງໃຫຍ່ ງາມຄືໃນຮູບເງົາ, ດຶງດູດນັກທ່ອງທ່ຽວຢູ່ກາວບັ່ງ
	15 ນ້ຳຕົກຕາດທີ່ສວຍງາມທີ່ສຸດຢູ່ຫວຽດນາມ

ພາຍຫຼັງພິທີປະກາດໃນຕອນເຊົ້າວັນທີ 15 ກັນຍາທີ່ຈັດຂຶ້ນຢູ່ດ່ານກວດກາ 834/1 ຮ່ວມກັນໂດຍແຂວງກາວບັງ ແລະ ເຂດປົກຄອງຕົນເອງເຜົ່າຈ້ວງກວາງຊີ, 3 ຄະນະຜູ້ແທນຫວຽດນາມ ແລະ 3 ຄະນະນັກທ່ອງທ່ຽວຈີນໄດ້ດຳເນີນບັນດາລະບຽບການຜ່ານດ່ານຊາຍແດນທັງສອງຝ່າຍ.

ນັກທ່ອງທ່ຽວມີຄວາມຕື່ນເຕັ້ນ ທີ່ຈະໄດ້ສຳຜັດກັບເຂດທິວທັດນ້ຳຕົກບ້ານຈົກ-ດຶກທຽນ

ຍ້ອນມີການກະກຽມລ່ວງໜ້າຢ່າງລະມັດລະວັງ, ລະບຽບການກວດຄົນເຂົ້າເມືອງໄດ້ດຳເນີນຢ່າງວ່ອງໄວ ແລະ ມີຄວາມຄິດເຫັນຈາກກຳລັງດ່ານພາສີ ແລະ ປ້ອງກັນຊາຍແດນຂອງ 2 ປະເທດ, ຮັບປະກັນຄວາມປອດໄພ ແລະ ຄວາມເປັນລະບຽບຮຽບຮ້ອຍ.

ການດຳເນີນການທົດລອງໃຫ້ນັກທ່ອງທ່ຽວຜ່ານເຂດພູມສັນຖານຍັງໄດ້ນຳຄວາມຕື່ນເຕັ້ນມາໃຫ້ປະຊາຊົນສອງປະເທດ. ທີ່ພິທີປະກາດໃນຕອນເຊົ້າວັນນີ້, ການນຳ 2 ທ້ອງຖິ່ນຍັງຢືນຢັນວ່າ ໃນໄລຍະຈະມາເຖິງຈະສືບຕໍ່ປັບປຸງກົນໄກເຄື່ອນໄຫວ ແລະ ສືບຕໍ່ລົງທຶນເພື່ອໃຫ້ທັດສະນີຍະພາບດຶງດູດນັກທ່ອງທ່ຽວ.

ຄຳຮຸ່ງ