ລະອຽດ, ຮົງກົງ ໄດ້ຮັບໃບຮ້ອງຂໍວີຊາຈາກຄົນງານທີ່ມີສີມືສູງຂອງຫວຽດນາມ 42 ສະບັບ, ໃນນັ້ນ 31 ສະບັບໄດ້ຮັບການອະນຸມັດ. ປະເທດ ລາວ ມີ 5 ສະບັບ ໃນນັ້ນ 4 ສະບັບ ໄດ້ຮັບການອະນຸມັດ. ປະເທດ ເນປານ ມີຈໍານວນຜູ້ຍື່ນຫຼາຍທີ່ສຸດໃນສາມປະເທດ ດ້ວຍຈໍານວນ 90 ສະບັບ ແລະ 71 ສະບັບໄດ້ຮັບການອະນຸມັດແລ້ວ.
ສໍາລັບບັນດາໃບຮ້ອງຂໍວີຊາຕາມເນື້ອໃນຄວາມສາມາດ, ໂດຍປົກກະຕິ ກົມພົນລະເມືອງເຂົ້າມາຕັ້ງຖິ່ນຖານ ຈະເຮັດສໍາເລັດການພິຈາລະນາ ແລະ ການອະນຸມັດພາຍໃນ 4 ອາທິດຫຼັງຈາກການສົ່ງຂໍ້ມູນທີ່ຈໍາເປັນ ແລະ ເອກະສານທີ່ກ່ຽວຂ້ອງ.
 |
| ທ່ານຮອງສາດສະດາຈານ ຟານກວາງຕວນ ເຮັດວຽກຢູ່ໂຮງຮຽນທຸລະກິດ ຂຶ້ນກັບມະຫາວິທະຍາໄລ ຮົງກົງ (ຢືນຢູ່ເບື້ອງຂວາມື) (ພາບ: ບຸລຸດ ສະໜອງ) |
ນອກນີ້, ໃນບົດລາຍງານນະໂຍບາຍບໍລິຫານ ໂດຍຫົວໜ້າເຂດປົກຄອງພິເສດ ຫຼີຄາຊູ ໄດ້ປະກາດໃນວັນທີ 25 ຕຸລາ 2023, ຮົງກົງ ກໍໄດ້ຜ່ອນຜັນການຈໍາກັດດ້ານວີຊາສຳລັບຊາວ ຫວຽດນາມ ທີ່ເຂົ້າມາເພື່ອທຳມາຫາກິນ ແລະ ທ່ອງທ່ຽວ (ວີຊາເຂົ້າ-ອອກເມືອງຫຼາຍຄັ້ງ). ໄລ່ຮອດທ້າຍເດືອນກຸມພາ 2024, ຮົງກົງ ໄດ້ຮັບ 493 ໃບຮ້ອງຂໍວີຊາທ່ອງທ່ຽວຫຼາຍຄັ້ງ, ໃນນັ້ນມີ 490 ສະບັບໄດ້ຮັບການອະນຸມັດ.
ພາຍຫຼັງການປະຕິບັດບັນດາມາດຕະການໃໝ່, ສະເລ່ຍແຕ່ລະເດືອນ ໄດ້ຮັບການອະນຸມັດວີຊາເຂົ້າ-ອອກເມືອງຫຼາຍຄັ້ງຂອງຊາວ ຫວຽດນາມ ໄດ້ເພີ່ມຂຶ້ນປະມານ 6 ເທົ່າເມື່ອທຽບໃສ່ປີ 2019, ກ່ອນຫນ້ານີ້ ສະເລ່ຍແຕ່ລະເດືອນໄດ້ພິຈາລະນາ 19 ສະບັບ. ວີຊາເຂົ້າ-ອອກເມືອງຫຼາຍຄັ້ງ ໂດຍປົກກະຕິແມ່ນມີກຳນົດເວລາສູງສຸດ 2 ປີ ແລະ ແຕ່ລະຄັ້ງທີ່ພັກເຊົາຢູ່ໃນ ຮົງກົງ ຈະຕ້ອງບໍ່ເກີນ 14 ມື້.
ຮົງກົງ ກໍເປີດປະຕູໃຫ້ຄົນງານທີ່ມີສີມືສູງຈາກ ລາວ ແລະ ເນປານ ເຂົ້າເຂດປົກຄອງພິເສດແຫ່ງນີ້ ເພື່ອເຂົ້າຮ່ວມຊຸດບຳລຸງສ້າງ ແລະ ຮ່ຳຮຽນບັນດາໂຄງການເຕັມເວລາຢູ່ບັນດາມະຫາວິທະຍາໄລ ໂດຍຄະນະກຳມະການອຸປະຖຳມະຫາວິທະຍາໄລ (UGC) ອຸປະຖຳ ເພື່ອຊຸກຍູ້ການແລກປ່ຽນຄວາຄວາມສາມາດໃນຫຼາຍດ້ານ.
ກ່ອນວັນທີ 25 ຕຸລາ 2023, ຄົນງານທີ່ມີສີມືສູງ ຫວຽດນາມ ພຽງແຕ່ສາມາດຍື່ນໃບຄຳຮ້ອງ ໂດຍຜ່ານໂຄງການຈັດຫາງານໃຫ້ແກ່ນັກສຶກສາທີ່ຮຽນຈົບ ເຊິ່ງບໍ່ແມ່ນຊາວທ້ອງຖິ່ນ (IANG). ຕາມມາດຕະການຜ່ອນຜັນທີ່ໄດ້ຍົກອອກໃນເດືອນຕຸລາ 2023, ຜູ້ມີຄວາມສາມາດ ຫວຽດນາມ ສາມາດຍື່ນໃບຄຳຮ້ອງຂໍສະໝັກວຽກຢູ່ ຮົງກົງ ໂດຍຜ່ານບັນດາໂຄງການເຂົ້າເຖິງຜູ້ມີພອນສະຫວັນອື່ນໆ, ລວມມີ ນະໂຍບາຍວຽກເຮັດງານທຳລວມ ແລະ ໂຄງການຜູ້ມີຄວາມສາມາດດີເລີດ...
ມິງດຶກ
