| ນະໂຍບາຍການຕ່າງປະເທດຂອງຫວຽດນາມ ຍາມໃດກໍ່ຖືການພົວພັນກັບລາວແມ່ນສຳຄັນທີ່ສຸດ | |
| ຊາວໜຸ່ມຫວຽດນາມ ແລະ ລາວ ມ່ວນຊື່ນຢູ່ເຂດຊາຍແດນ |
 |
| ທ່ານປະທານປະເທດ ຫວຽດນາມ ຫວູວັນເຖືອງ ໄດ້ໃຫ້ການຕ້ອນຮັບ ທ່ານ ທອງລອຍ ສີລິວົງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມການເມືອງກອງທັບປະຊາຊົນລາວ. ພາບ: ທົ້ງເຢີດ |
ທ່ານປະທານປະເທດ ໄດ້ຕີລາຄາສູງຕໍ່ບັນດາໝາກຜົນແຫ່ງການຮ່ວມມືໃນການບຳລຸງສ້າງພະນັກງານນາຍທະຫານ, ສ້າງ ແລະ ຮັກສາຄວາມສະຫງົບຢູ່ບັນດາບ້ານລຽບຕາມຊາຍແດນ ເພື່ອສ້າງເສັ້ນທາງຊາຍແດນທີ່ມີສັນຕິພາບ, ສະຖຽນລະພາບ ແລະ ພັດທະນາ, ເຊື່ອໝັ້ນວ່າ ການຮ່ວມມືຢ່າງແໜ້ນແຟ້ນລະຫວ່າງສອງກະຊວງປ້ອງກັນປະເທດ ຈະປະກອບສ່ວນເຮັດໃຫ້ຄວາມສາມັກຄີອັນຍິ່ງໃຫຍ່ ແລະ ການຮ່ວມມືຮອບດ້ານລະຫວ່າງ ພັກ, ລັດ, ປະຊາຊົນ ແລະກອງທັບສອງປະເທດເຂົ້າສູ່ລວງເລິກກ່ວາອີກ.
ທ່ານ ທອງລອຍ ສີລິວົງ ໄດ້ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ພັກ, ລັດ ແລະ ກອງທັບປະຊາຊົນຫວຽດນາມ ທີ່ໄດ້ໃຫ້ການຊ່ວຍເຫລືອອັນລ້ຳຄ່າໃຫ້ແກ່ກອງທັບປະຊາຊົນລາວ, ໂດຍສະເພາະແມ່ນການຊ່ວຍເຫຼືອລາວ ຍົກສູງກຳລັງຄວາມສາມາດໃນວຽກງານພັກ ແລະ ວຽກງານການເມືອງໃນກອງທັບ, ພ້ອມກັບການສ້າງສວນສາທາລະນະມິດຕະພາບ ທີ່ ແຂວງຫົວພັນ, ກໍ່ສ້າງຫໍພິພິທະພັນ ພ້ອມທັງສ້ອມແປງ ແລະ ບູລະນະອະນຸສອນສະຖານນັກຮົບເສຍສະຫຼະຊີວິດເພື່ອຊາດ ຢູ່ບັນດາແຂວງພາກເໜືອຂອງລາວ.
ອານຸໄຊ ສະຫວັດ
