ເຊີດຊູຜູ້ປະກອບສ່ວນໃຫ້ແກ່ການພົວພັນມິດຕະພາບຫວຽດນາມ

ວັນທີ 26 ກັນຍາ, ກະຊວງປ້ອງກັນປະເທດລາວ ໄດ້ມອບຫຼຽນໄຊພິລະອາດຫານ ຊັ້ນ 1 ໃຫ້ແກ່ ສະຫາຍ ພົນຈັດຕະວາ ຮວ່າງເທ້ທ້ຽນ ທີ່ໄດ້ມີຜົນງານປະກອບສ່ວນເຂົ້າໃນການປະຕິວັດລາວ, ປະກອບສ່ວນເພີ່ມທະວີຄວາມສາມັກຄີແບບພິເສດລະຫວ່າງ ກອງທັບສອງປະເທດ ແລະ ປະຊາຊົນສອງປະເທດ ຫວຽດນາມ ແລະ ລາວ ໃນການຕໍ່ສູ້ຕ້ານສັດຕູຕົວດຽວກັນ.

	ການຮ່ວມມືວຽກງານປ້ອງກັນຊາດ ແມ່ນໜຶ່ງໃນບັນດາເສົາຄ້ຳສຳຄັນຂອງການພົວພັນ ຫວຽດນາມ - ລາວ
	ການພົວພັນ ລາວ-ຫວຽດນາມ ຈະຫັນໄປສູ່ໜ້າປະຫວັດສາດໃໝ່ທີ່ສວຍສົດງົດງາມ, ແທດຈິງ ແລະ ມີປະສິດທິຜົນກວ່າເກົ່າ

ສະຫາຍ ພົນຈັດຕະວາ ຮວ່າງເທ້ທ້ຽນ (1922 - 1995) ອະດີດກໍາມະການສໍາຮອງ ຄະນະບໍລິຫານງານສູນກາງພັກກອມມູນິດຫວຽດນາມ ສະໄໝທີ IV, ຫົວໜ້າຄະນະ B.68 ສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ກຳມະການການເມືອງ - ເລຂາຄະນະພັກ ກອງບັນຊາການ ເຈືອງເຊີນ (ກອງ 559). ທ່ານແມ່ນໜຶ່ງ ໃນບັນດານັກຮົບປະຕິວັດທີ່ເຄື່ອນໄຫວຢູ່ທັງ 3 ປະເທດອິນດູຈີນ, ຊ່ວຍເຫຼືອການປະຕິວັດລາວ ແລະ ການປະຕິວັດກຳປູເຈຍ.

ເຊີດຊູຜູ້ປະກອບສ່ວນໃຫ້ແກ່ການພົວພັນມິດຕະພາບຫວຽດນາມ - ລາວ

ພົນຈັດຕະວາ ຮວ່າງເທ້ທ້ຽນ (ເບື້ອງຊ້າຍສຸດ) ໄດ້ຖ່າຍຮູບທີ່ລະນຶກກັບ ການນໍາທະຫານເຂດພາກກາງລາວ ແລະ ຄະນະພັກແຂວງ ສາລະວັນ ໃນໂອກາດທີ່ມາຢ້ຽມຢາມ ແລະ ເຮັດວຽກກັບກອງພົນ 968 ຢູ່ແຂວງ ສາລະວັນ, ພາກໃຕ້ຂອງລາວ ເມື່ອປີ 1972.

ພິເສດ, ໃນສົງຄາມຕໍ່ຕ້ານອາເມລິກາ, ແຕ່ເດືອນ ພຶດສະພາ 1970 – ກຸມພາ 1975, ສະຫາຍ ພົນຈັດຕະວາ ຮວ່າງເທ້ທ້ຽນ ໄດ້ປະຕິບັດງານ ແລະ ຕໍ່ສູ້ຢູ່ສະໜາມຮົບສາຍພູຫຼວງ (Truong Son), ໂດຍດຳລົງຕຳແໜ່ງເປັນຮອງກຳມະການການເມືອງ ແນວໂຮມ 968 - ພາກໃຕ້ຂອງລາວ, ຮອງກຳມະການການເມືອງ ກອງບັນຊາການ ເຈືອງເຊີນ ທັງເປັນກຳມະການການເມືອງ - ເລຂາຄະນະພັກກອງບັນຊາການເຂດ 470, ກຳມະການການເມືອງ - ເລຂາຄະນະພັກກອງບັນຊາການ ເຈືອງເຊີນ. ໃນໄລຍະນີ້, ທ່ານໄດ້ປະກອບສ່ວນອັນສໍາຄັນເຂົ້າໃນການປະຕິວັດລາວ.

ວັນທີ 30 ມັງກອນ ຫາ ວັນທີ 23 ມີນາ 1971, ພົນຈັດຕະວາ ຮວ່າງເທ້ທ້ຽນ ໄດ້ເຂົ້າຮ່ວມ ກອງບັນຊາການກຸ່ມຝ່າຍຕາເວັນຕົກ ໃນການສູ້ຮົບຕ້ານສັດຕູຢູ່ເສັ້ນທາງເລກ 9 - ພາກໃຕ້ຂອງລາວ. ໃນໄລຍະບັ້ນການຕໍ່ສູ້ຢູ່ເສັ້ນທາງເລກ 9 - ພາກໃຕ້ຂອງລາວ, ສະຫາຍ ຮວ່າງເທ້ທ້ຽນ ພ້ອມກັບກອງບັນຊາການປະຈັນບານ ໄດ້ບັນຊາກຳລັງທະຫານທີ່ເດັດດ່ຽວ ແລະ ມີໄຫວພິບໃນການຕໍ່ສູ້, ສະກັດກັ້ນທະຫານຫຸ່ນລາວ ແລະ ທະຫານໄທ, ດັບສູນສັດຕູນັບຮ້ອຍຄົນ, ເອົາຊະນະຍຸດທະວີທີ "ການເຄື່ອນທີ່ທາງອາກາດ" ຂອງສັດຕູ, ປົດປ່ອຍເມືອງ ພະລານ, ເຮັດໃຫ້ສັດຕູບໍ່ສາມາດປະຕິບັດກົນອຸບາຍສົມທົບກັບທະຫານອາເມລິກາ ແລະ ທະຫານຫຸ່ນໄຊງ່ອນ ຢູ່ ເຊໂປນ, ປະກອບສ່ວນຢ່າງຕັ້ງໜ້າເຂົ້າໃນໄຊຊະນະອັນໃຫຍ່ຫຼວງຂອງຂະບວນການຕໍ່ສູ້. ໄຊຊະນະເສັ້ນທາງເລກ 9 - ພາກໃຕ້ຂອງລາວ ໄດ້ເຮັດໃຫ້ທະຫານ ອາເມລິກາ ແລະ ທະຫານຫຸ່ນໄຊງ່ອນ ປະລາໄຊຢ່າງໜັກໜ່ວງ , ປົກປັກຮັກສາແລວທາງຄົມມະນາຄົມຍຸດທະສາດ ລຽບຕາມຊາຍແດນ ຫວຽດນາມ - ລາວ ຢ່າງໝັ້ນຄົງ, ເປີດກວ້າງສະພາບການໃໝ່ໃນສະໜາມຮົບ, ສ້າງທີ່ຕັ້ງ ແລະ ກຳລັງແຮງໃນການນຳພາພາລະກິດການປະຕິວັດຂອງປະຊາຊົນລາວ ໄດ້ຮັບໄຊຊະນະຢ່າງສົມບູນ.

ພາຍຫຼັງໄດ້ຮັບໄຊຊະນະໃນການຕໍ່ສູ້ຕ້ານຢູ່ເສັ້ນທາງເລກ 9 - ພາກໃຕ້ຂອງລາວ, ໃນຕົ້ນເດືອນ ເມສາ 1971, ສະຫາຍ ຮວ່າງເທ້ທ້ຽນ ແລະ ສະຫາຍ ດົ່ງສີງວຽນ ຜູ້ບັນຊາການກອງບັນຊາການ ເຈື່ອງເຊີນ ໄດ້ຈັດຕັ້ງການສູ້ຮົບໃໝ່, ທຳລາຍລ້າງ 3 ກອງພັນທະຫານຫຸ່ນລາວ ແລະ ທະຫານໄທ, ປົດປ່ອຍ ດົງເຮັ້ນ, ໄດ້ບຸກໂຈມຕີສັດຕູໄປຮອດເຊໂນ (ເສັ້ນທາງ 13), ຮັບປະກັນຄວາມປອດໄພຢູ່ແລວທາງທິດຕາເວັນຕົກຂອງສາຍພູຫຼວງ (ເຈື່ອງເຊີນ).

Thừa uỷ nhiệm của Nhà nước Lào, Đại sứ Sengphet Houngboungnuang trao Huân chương Anh dũng hạng Nhất truy tặng cố Thiếu tướng Hoàng Thế Thiện, nguyên Thứ trưởng Bộ Quốc Phòng Việt Nam. Đại diện gia đình Thiếu tướng Hoàng Thế Thiện đón nhận huân chương (ngoài cùng bên phải ảnh).

ໂດຍໄດ້ຮັບການມອບສິດຈາກລັດຖະບານລາວ, ທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດລາວ ປະຈຳຫວຽດນາມ ໄດ້ມອບຫຼຽນໄຊພິລະອາດຫານຊັ້ນໜຶ່ງ ໃຫ້ທ່ານພົນຈັດຕະວາ ຮວ່າງເທ້ທ້ຽນ, ອະດີດຮອງລັດຖະມົນຕີກະຊວງປ້ອງກັນປະເທດຫວຽດນາມ. ຕາງໜ້າຄອບຄົວ ທ່ານພົນຈັດຕະວາ ຮວ່າງເທ້ທ້ຽນ ຮັບຫຼຽນໄຊ (ຂວາສຸດຂອງຮູບພາບ)

ຕໍ່ຈາກນັ້ນ, ໃນຖານະເປັນຮອງກຳມະການການເມືອງ ກອງບັນຊາການ ເຈືອງເຊິ່ນ, ທ່ານພົນຈັດຕະວາ ຮວ່າງເທ້ທ້ຽນ ໄດ້ບັນຊາກອງທະຫານພາກໃຕ້ລາວ ໃນການບຸກໂຈມຕີຂະຫຍາຍເຂດປົດປ່ອຍພາກກາງ-ພາກໃຕ້ລາວ ແຕ່ວັນທີ 18 ຕຸລາ 1972 ຫາເດືອນ 8 ກຸມພາ 1973 ແລະ ໄດ້ຮັບໄຊຊະນະອັນຍິ່ງໃຫຍ່. ຜົນສຳເລັດດັ່ງກ່າວ ໄດ້ຊ່ວຍປົດປ່ອຍແຂວງສາລະວັນ, ແລ້ວປົດປ່ອຍເມືອງທ່າແຕງ, ຫ້ວຍຊາຍ, ຫ້ວຍກົງ, ສາມແຍກລາວງາມ, ສ່ວນຫຼາຍຂອງພູສູງບໍລະເວນ ແລະ ເທດສະບານປາກຊ່ອງ, ເຮັດໃຫ້ຖານທັບພາກໃຕ້ຂອງລາວກວ້າງຂວາງກວ່າເກົ່າ.

ການບຸກໂຈມຕີຢ່າງຕໍ່ເນື່ອງຂອງທະຫານ ເຈືອງເຊີນ ແລະ ເພື່ອນລາວ ໄດ້ດຳເນີນໄປເປັນເວລາ 128 ວັນ ແລະ ໄດ້ດັບສູນ 5.538 ທະຫານຫຸ່ນລາວ ແລະ ທະຫານໄທ; ຕັດຮອນກຳລັງ 3 ກອງເຫຼົ່າຮົບເຄື່ອນທີ່ຢ່າງໜັກໜ່ວງ (GM 41, 42, 33); ໄດ້ທຳລາຍກອງພັນໃຫຍ່ 621 ຂອງກອງທະຫານໄທ ແລະ ສຳນັກງານກອງພັນໃຫຍ່ຂອງກອງທະຫານຫຸ່ນລາວ 401 ພ້ອມດ້ວຍບັນດາຖານຮົບປືນໃຫຍ່; ໄດ້ຍິງເຮືອບິນອາເມລິກາ ຕົກ 57 ລຳ (ບໍ່ລວມກຳລັງເຮັດໜ້າທີ່ຂົນສົ່ງ), ລົດະທະຫານ 24 ຄັນຖືກທຳລາຍ. ເນື້ອທີ່ດິນກວ້າງໃຫຍ່ດ້ວຍທີ່ຕັ້ງຍຸດທະສາດຂອງສັດຕູຫຼາຍແຫ່ງ ນັບແຕ່ພະລານ ລົງຮອດເມືອງສາລະວັນ, ບໍລະເວນ, ອັດຕະປື ກໍ່ໄດ້ຮັບການປົດປ່ອຍ.

ໃນໄລຍະນີ້, ທ່ານພົນຈັດຕະວາ ຮວ່າງເທ້ທ້ຽນ ກໍ່ໄດ້ຮັບການມອບໝາຍໃຫ້ເປັນກຳມະການການເມືອງ, ເລຂາຄະນະພັກກອງບັນຊາການເຂດ 470 - ອົງການປະຈັນກອງບັນຊາການ ເຈືອງເຊີນ, ຕັ້ງຖານປະຈຳຢູ່ຕອນທ້າຍເສັ້ນທາງໂຮ່ຈີມິນ, ປົກປັກຮັກສາເຂດຖານທີ່ໝັ້ນຍຸດທະສາດ. ຢູ່ເຂດຊາຍແດນ 3 ປະເທດ ຫວຽດນາມ - ລາວ - ກຳປູເຈຍ. ເຖິງວ່າສັດຕູຈະບຸກໂຈມຕີຢ່າງດຸເດືອດ, ແຕ່ກໍ່ມີບາງເທື່ອຖະໜົນຫົນທາງຖືກກີດຂວາງ, ຂາດເຂີນນ້ຳມັນເຊື້ອໄຟ, ບັ້ນການຕໍ່ສູ້ທີ່ລຳບາກຍາກເຂັນ ແລະ ດຸເດືອດທີ່ສຸດ, ແຕ່ ສະຫາຍ ຮວ່າງເທ້ທ້ຽນ ພ້ອມກັບຄະນະພັກ - ກອງບັນຊາການເຂດ 470 ກໍ່ໄດ້ຊອກຫາຫຼາຍວິທີເຮັດໃຫ້ສັດຕູປະລາໄຊ, ໄດ້ສຳເລັດໜ້າທີ່ປົກປັກຮັກສາພື້ນຖານຍຸດທະສາດຢູ່ເຂດຊາຍແດນ 3 ປະເທດ ຫວຽດນາມ - ລາວ - ກຳປູເຈຍ.

ບັນດາຜົນງານການປະກອບສ່ວນຂອງ ສະຫາຍ ພົນຈັດຕະວາ ຕໍ່ກັບການປະຕິວັດລາວ ໃນເວລາເຮັດວຽກ ແລະ ຕໍ່ສູ້ຢູ່ສະໜາມຮົບ ເຈື່ອງເຊີນ ໃນໄລຍະສົງຄາມຕ້ານ ອາເມລິກາ ໄດ້ປະກອບສ່ວນຮັດແໜ້ນສາຍພົວພັນມິດຕະພາບອັນາະໜິດແໜ້ນລະຫວ່າງກອງທັບ ແລະ ປະຊາຊົນສອງປະເທດ ຫວຽດນາມ ແລະ ລາວ ໃນການຕໍ່ສູ້ຕ້ານສັດຕູຕົວດຽວ, ເຊິ່ງໄດ້ບັນທຶກໄວ້ໃນປຶ້ມປະຫວັດສາດຂອງທັງສອງປະເທດ.

ອານຸໄຊ ສະຫວັດ