ທ່ານພົນເອກ ຟານວັນຢາງ ຊີ້ແຈ້ງວ່າ ກະຊວງປ້ອງກັນປະເທດຫວຽດນາມ ເຄົາລົບ ແລະຕີລາຄາສູງຄວາມເອົາໃຈໃສ່ຂອງທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ຕໍ່ກັບການຮ່ວມມືດ້ານປ້ອງກັນຊາດສອງຝ່າຍໃນອາຍຸການປະຕິບັດງານ.
 |
ທ່ານພົນເອກ ຟານວັນຢາງ, ກຳມະການກົມການເມືອງ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໃຫ້ການຕ້ອນຮັບທ່ານ ແສງເພັດ ຮຸ່ງບຸນຍວງ |
ທ່ານພົນເອກ ຟານວັນຢາງ ໄດ້ຢັ້ງຢືນວ່າ ການຮ່ວມມືດ້ານປ້ອງກັນຊາດຫວຽດນາມ-ລາວ ໃນໄລຍະຜ່ານມາສືບຕໍ່ເສີມຂະຫຍາຍບົດບາດແມ່ນໜຶ່ງໃນບັນດາເສົາຄ້ຳສຳຄັນໃນການພົວພັນລະຫວ່າງສອງປະເທດ. ສອງຝ່າຍສົມທົບກັນເປັນເສນາທິການຢ່າງທັນການ, ມີປະສິດທິຜົນກັບການນຳຂັ້ນສູງສອງປະເທດກ່ຽວກັບວຽກງານການທະຫານ, ການປ້ອງກັນຊາດ; ຜັນຂະຫຍາຍຢ່າງຮອບດ້ານ, ແທດຈິງອະນຸສັນຍາການຮ່ວມມືດ້ານປ້ອງກັນຊາດ ແລະແຜນການຮ່ວມມືທຸກປີ, ໂດຍສະເພາະແມ່ນບັນດາຂົງເຂດວຽກງານພັກ, ວຽກງານການເມືອງ, ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍເຂດຊາຍແດນ; ສ້າງແຫຼ່ງຊັບພະຍາກອນມະນຸດ.
ທ່ານພົນເອກ ຟານວັນຢາງ ສະແດງຄວາມເຊື່ອໝັ້ນວ່າ ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ເຖິງວ່າດຳລົງຕຳແໜ່ງໃດກໍ່ຕາມກໍ່ສຳເລັດ ໜ້າທີ່ທີ່ໄດ້ຮັບການມອບໝາຍໃຫ້ ແລະສືບຕໍ່ເພີ່ມພູນຄູນສ້າງສາຍພົວພັນລະຫວ່າງສອງປະເທດ.
ສ່ວນທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ໄດ້ຢືນຢັນເຖິງຄວາມສໍາຄັນຂອງການພົວພັນແບບພິເສດລະຫວ່າງສອງພັກ, ສອງລັດ, ກອງທັບ ແລະປະຊາຊົນຫວຽດນາມ ແລະລາວ; ເນັ້ນໜັກວ່າ, ໃນໄລຍະເຮັດວຽກ, ທ່ານໄດ້ເຫັນດີເຫັນພ້ອມກັບບັນດາຜົນງານທີ່ບັນລຸໄດ້ໃນການພົວພັນລະຫວ່າງ 2 ປະເທດ. ທ່ານເອກອັກຄະລັດຖະທູດ ແສງເພັດ ຮຸ່ງບຸນເຮືອງ ໄດ້ຕີລາຄາສູງໝາກຜົນການຮ່ວມມືລະຫວ່າງກະຊວງປ້ອງກັນປະເທດ 2 ປະເທດໃນໄລຍະມໍ່ໆມານີ້; ຂອບໃຈກະຊວງປ້ອງກັນປະເທດຫວຽດນາມ ທີ່ໄດ້ໃຫ້ການສະໜັບສະໜູນ ແລະ ສົມທົບຢ່າງແໜ້ນແຟ້ນກັບສະຖານທູດລາວ ກໍ່ຄືກະຊວງປ້ອງກັນປະເທດລາວ; ພ້ອມກັນນັ້ນ, ທ່ານຍັງຢືນຢັນວ່າ ຈະສືບຕໍ່ມານະພະຍາຍາມປະກອບສ່ວນ ແລະ ບຳລຸງສ້າງສາຍພົວພັນມິດຕະພາບທີ່ເປັນມູນເຊື້ອລະຫວ່າງລາວ ແລະ ຫວຽດນາມ ໃຫ້ນັບມື້ນັບພັດທະນາ.
ຄຳຮຸ່ງ
