ຄະນະພະນັກງານກອງທັບປະຊາຊົນລາວ ແລກປ່ຽນບົດຮຽນວຽກງານຊາວໜຸ່ມຢູ່ທີ່ກອງພົນໃຫຍ່ ທີ2 ຢູ່ປະເທດຫວຽດນາມ
	ຄະນະພະນັກງານກອງທັບປະຊາຊົນລາວ ຢ້ຽມຢາມ ແລະເຮັດວຽກຢູ່ໜັງສືພິມກອງທັບປະຊາຊົນຫວຽດນາມ

ກ່າວຄໍາເຫັນທີ່ພິທີເປີດ, ສະຫາຍພົນຈັດຕະວາ, ປອ ຫງວຽນຮວ່າງຍຽນ ຫົວໜ້າສະຖາບັນປະຫວັດສາດການທະຫານ ເນັ້ນໜັກວ່າ, ຜ່ານພຶດຕິກຳຕົວຈິງແຫ່ງການຈັດຕັ້ງ, ການຄຸ້ມຄອງ, ຄົ້ນຄວ້າປະຫວັດສາດການທະຫານ ໄດ້ສະແດງໃຫ້ເຫັນວ່າ ການແລກປ່ຽນ, ກໍາແໜ້ນທິດສະດີ, ບົດຮຽນຈາກການຄົ້ນຄວ້າຜ່ານຊຸດຝຶກອົບຮົມແມ່ນໜຶ່ງໃນບັນດາມາດຕະການປະກອບສ່ວນຍົກສູງປະສິດທິຜົນໃນວຽກງານຄຸ້ມຄອງ, ຄົ້ນຄວ້າປະຫວັດສາດການທະຫານ, ສະຫຼຸບສົງຄາມ, ສະຫຼຸບໜ້າທີ່ການທະຫານ, ການປ້ອງກັນຊາດ.

ກົມໃຫຍ່ການເມືອງກອງທັບປະຊາຊົນຫວຽດນາມ ເປີດຊຸດຝຶກອົບຮົມວິຊາຊີບປະຫວັດສາດການທະຫານໃຫ້ແກ່ກອງທັບລາວ. (ພາບ: qdnd)

ສະຫາຍພົນຈັດຕະວາ ຫງວຽນຮວ່າງຍຽນ ໃຫ້ຮູ້ວ່າ ຈາກບົດຮຽນແຫ່ງການຈັດຕັ້ງບັນດາຊຸດຝຶກອົບຮົມກ່ອນນີ້ ກໍ່ຄືລະດັບຄວາມຮູ້ຂອງພະນັກງານກອງທັບປະຊາຊົນລາວ ທີ່ເຂົ້າຮ່ວມຊຸດຝຶກອົບຮົມປີນີ້, ສະຖາບັນປະຫວັດສາດການທະຫານໄດ້ປັບປຸງເນື້ອໃນຊຸດຝຶກອົບຮົມຕາມທິດທັງປະກອບເນ້ືອໃນຄວາມຮູ້ພື້ນຖານກ່ຽວກັບວິທີຄົ້ນຄວ້າປະຫວັດສາດການທະຫານ ໃຫ້ບັນດາສະຫາຍຫາກໍ່ເຂົ້າຂະແໜງ, ທັງປັບປຸງ, ບຳລຸງຄວາມຮູ້, ບົດຮຽນຄົ້ນຄວ້າປະຫວັດສາດການທະຫານ, ສະຫຼຸບສົງຄາມໃຫ້ບັນດາສະຫາຍເຄີຍເຮັດວຽກງານປະຫວັດສາດການທະຫານ.

ສ່ວນສະຫາຍພັນໂທ ມີໄຊ ສຸລິສຄໍາສີ ຫົວໜ້າຄະນະພະນັກງານກອງທັບປະຊາຊົນລາວ ໃຫ້ຮູ້ວ່າ ຊຸດຝຶກອົບຮົບແມ່ນໂອກາດທີ່ດີເພື່ອຮັບເອົາຄວາມຮູ້ພື້ນຖານຂອງວິທະຍາສາດປະຫວັດສາດການທະຫານ, ພ້ອມທັງຢັ້ງຢືນວ່າ ຈະຕັ້ງໜ້າເສີມຂະຫຍາຍ ແລະນຳໃຊ້ບັນດາຄວາມຮູ້ທີ່ໄດ້ຮໍ່າຮຽນເອົາຢູ່ຫວຽດນາມ ເຂົ້າໃນການປະຕິບັດໜ້າທີ່, ປະກອບສ່ວນປະຕິບັດວຽກງານຄົ້ນຄວ້າປະຫວັດສາດການທະຫານ, ສະຫຼຸບສົງຄາມຢູ່ປະເທດຕົນຢ່າງມີປະສິດທິຜົນ.