ທີ່ການຕ້ອນຮັບຄະນະມີບັນດາສະຫາຍເຂົ້າຮ່ວມຄື: ສະຫາຍ ພັນເອກ ຫງວຽນຮ່ວາງຕູ໋, ຮອງຜູ້ຮັບຜິດຊອບການເມືອງກອງພົນໃຫຍ່ ທີ 2, ສະຫາຍ ພັນເອກສາມດາວ ເຈີ່ນຮຶວຢຸງ ຮອງຫົວໜ້າຄະນະຊາວໜຸ່ມ ກອງທັບ; ສະຫາຍ ພັນເອກສາມດາວ ຟານຕ໋ວນເກື່ອງ, ຫົວໜ້າກອງພົນນ້ອຍ 673; ສະຫາຍພັນເອກ ລຶວວັນກາວ, ຜູ້ຮັບຜິດຊອບການເມືອງກອງພົນນ້ອຍ 673.
 |
| ຄະນະຜູ້ແທນຖ່າຍຮູບເປັນທີ່ລະນຶກ |
ຢູ່ທີ່ນີ້, ຜູ້ຕາງໜ້າຂອງສອງຝ່າຍໄດ້ນຳສະເໜີກ່ຽວກັບຈຸດພິເສດ, ໂຄງປະກອບອົງການຈັດຕັ້ງ, ກົງຈັກ; ສົນທະນາກ່ຽວກັບບັນດາເນື້ອໃນທີ່ຕ່າງຝ່າຍຕ່າງມີຄວາມສົນໃຈໃນວຽກງານຄະນະຊາວໜຸ່ມ ໂດຍຜ່ານເອົາບັນດາຂະບວນການຄື: “ຊາວໜຸ່ມກອງທັບແຂ່ງຂັນຝຶກຝົນຫຼໍ່ຫຼອມຄຸນສົມບັດ, ຄວາມສາມາດ, ປະຈັນບານ, ສົມກັບທີ່ໄດ້ຮັບນຂະໜານນາມກອງທັບລຸງໂຮ່”; "ຊາວໜຸ່ມກອງທັບບືນຕົວໄປໄກ"; "ຊາວໜຸ່ມທະຫານກ້າວເຂົ້າສູ່ວິທະຍາສາດ ແລະ ເຕັກໂນໂລຊີ"...
 |
| ໜ່ວຍສິລະປະປະຈັນບານກອງພົນນ້ອຍ 673 ສະແດງຢູ່ທີ່ການພົບປະແລກປ່ຽນ. |
ພະນັກງານ, ນັກຮົບຂອງສອງປະເທດໄດ້ແລກປ່ຽນວັດທະນະທໍາ, ສິລະປະ ດ້ວຍລາຍການຮ້ອງເພງ, ຟ້ອນຍ້ອງຍໍສັນລະເສີນພັກ, ກອງທັບ, ບ້ານເກີດເມືອງນອນ ແລະ ຄວາມຮັກແພງສອງຊາດ ຫວຽດນາມ - ລາວ ເຊັ່ນ: “ນ້ຳໃຈ ຫວຽດນາມ - ລາວ ເໝືອນດັ່ງພູເຂົາ ແລະ ແມ່ນ້ຳ”, “ສະບາຍດີວິລະຊົນເສັ້ນທາງເລກ 9”, “ສາວຊຳເໜືອ”, ຟ້ອນປະຍຸກ “ ຫວຽດນາມ ເອີຍ ”, "ກອງທັບປົດປ່ອຍປະຊາຊົນລາວ ກ້າວຂຶ້ນ”... ຢ້ຽມຢາມຮູບແບບ “ ສະໜາມຮົບຊາວໜຸ່ມ ຕັດສິນໃຈຍາດເອົາໄຊຊະນະ”, “ ສະໂມສອນອອກກຳລັງກາຍ” ຂອງຊາວໜຸ່ມກອງພົນນ້ອຍ 673.
ຜ່ານການເຄື່ອນໄຫວດັ່ງກ່າວ ໄດ້ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງຊາວໜຸ່ມກອງທັບປະຊາຊົນສອງປະເທດ ເວົ້າສະເພາະ ແລະ ມິດຕະພາບແບບພິເສດຫວຽດນາມ - ລາວ ເວົ້າລວມ.
ດີງເລື້ອງ
